Hirimyas 51:2 - Hanunuu

² Mamadara aku manga day-uhan hampay girahun ag wasakun ti Babilunya parihu sa upa payagun durus. Girahun nida ti Babilunya sa tanan bahagi sa sirang kadamhakan inda.

Hirimyas 51:2 Iomraidhean Croise

Isayas 41:16

Tahupun nimu sida ag ipayag sida durus; wayakun sida mabisug pag durus. Dapat kawu makabaya sa Panginuun; dumayaw kawu sa Banal pag Diyus Israil.

Isayas 43:14

Inda ti pagsabihun Panginuun kanyu Manugribri, ti Banal pag Diyus Israil, “Hampay maribri kamu, ipagira niku ti Babilunya sa manga sundalu usa ka nasyun, mamalalagiwan ti manga taga Babilunya tabug sa kanda pag-ipadayaw pag manga barku.

Hirimyas 15:7

Parusahan niku kamu ga upa pagtaphun sa manga puwirtahan banwa. Rurisun niku kamu hanggan kanyu manga anak, dahil unman niyu pagpatlikudan kanyu daut ugali.

Hirimyas 50:29

“Tawaga niyu ti manga manugpana hampay man-gira sa Babilunya! Sangputan niyu hampay unman may makapalagiw. Balusi niyu siya sa kay binuwat; buwata niyu sa kanya ti binuwat niya sa iba dahil linabanan niya ti Panginuun, ti Banal pag Diyus sa Israil.

Hirimyas 50:32

Kawu ti palabi-labi mawasak gid ag unman may mangawat sa kanmu hampay bangunun kawu. Irubun niku ti manga banwa nimu hanggan ti tanan banwa sa sangput nimu.”

Isikil 5:12

Tungaun niku kamu sa tulu ka bahagi. Kay usa ka bahagi magkaramatay sa panab-anan lun-us hanggan manga durungugun siyun sa banwa. Kay usa waya ka bahagi magkaramatay sa panab-anan baladaw sa luwas banwa. Ag ti masawad pag bahagi sarwagan sa durus, wayakun niku sa buu kalibutan, ag lagsun sida niku baladaw.

Matiyu 3:12

Sa kay yi kamang ti pangayat paruk hampay kay rayawan ti girik-an. Tipunun niya kay tirigu sa kay balay haramnuan dapat kay dayami sunugun niya sa unman magkapsa pag apuy.”