Hirimyas 51:12 - Hanunuu

¹² Ipaabwat niyu ti bandira mustara sa paggira sa Babilunya. Dugangi niyu ti manga manugbantay; ag ipalastar ti manga manugbantay. Sangputan niyu ti banwa! Udas yi hampay buwatun Panginuun ti gayak niya laban sa manga taga Babilunya.”

Hirimyas 51:12 Iomraidhean Croise

Kabagawan 21:30

Unman may kadunungan, pan-intindi ngatay patigayun ti pumarihu sa Panginuun.

Isayas 11:12

Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 13:2

Pagtur-ug kamu usa ka bandira ati sa katayungtungan bantud balaw may puun kayu. Bag-u pagringgit kamu mabisug sa manga sundalu ag paamani niyu sida hampay girahun ag suldun ti manga banwa manga kilala ag makamaskihan pag tawu.

Hirimyas 23:20

Balaw gid madura kang pangagalit tugka sa unman niku magkabuwat kang gustu buwatun. Ag sa uryan sirang, lubus niyu masalman inda.

Hirimyas 4:28

Manlulumian ti kalibutan ag mandulum ti langit, dahil sinabi yi niku ti parusa ag balaw yi niku inda bag-uhun. Nakadisisyun yi aku udyi mabag-u kang isip.”

Hirimyas 50:2

“Ipadakit sa manga nasyun ti barita sa unman may pag-ilihim! Ag paabwatan ti bandira tanda pagkawasak Babilunya! Marunut ag mangay-a ti manga diyus-diyusan niya hanggan kay diyus-diyusan si Bil ag si Marduk.

Hirimyas 50:25

Binukasan niku kang taraguan manga armas ag ipinalwas niku ti manga armas dahil sa kang pangagalit. Dahil aku, ti Panginuun Diyus Makamaskihan may buwatun sa kanmu, Babilunya.

Hirimyas 51:11

Mamalus ti Panginuun sa Babilunya dahil sa pagguba sa Balay Diyus niya. Ginanyat Panginuun ti manga hari sa Midya hampay wasakun ti Babilunya dahil inda ti turunu niya. Magkun siya, “Asaa niyu kanyu manga ugyung ag alistuhan kanyu manga panangga.

Hirimyas 51:27

Paabwatan ti bandira tanda sa paggira! Patunugan ti budyung sa manga nasyun! Ialistu sida hampay girahun ti Babilunya. Sugua man-gira ti manga sundalu sa Ararat, Mini ag Askinas. Pagpili kamu takinan hampay girahun ti Babilunya. Pagpadara kamu manga kabayu parihu kay kayamu sa manga apan.

Hirimyas 51:29

Ga tawu pagtakigan ag magpabaring-baring sa sakit ti Babilunya, dahil buwatun Panginuun kay gayak laban siyun, unman yi may mangulian ag bumaliw mapung-aw tunda pag rugar.

Karukuan 2:17

Binwat Panginuun kay ginayak buwatun. Tinupad gid niya kay pagsabihun kaybi. Ipinadamhak niya kamu unman may awa. Pinasulung niya kanyu kalaban sa kanyu kadamhakan ag pinahintulutan niya magpadayaw sida sa kanda kapangyarihan.

Huwil 3:2

tipunun niku ti tanan nasyun bag-u darahun niku sida sa Karatagan ni Husapat. Ati sida pagpihuun niku dahil sa kanda binwat sa kang nasakupan manga Israilita. Pinanwayak nida ti manga Israilita sa tuhay-tuhay pag nasyun ag hinuray-huray kang daga.

Nahum 2:1

Manga taga Ninibi, paggirahun yi kamu niyu manga kalaban manwayak sa kanyu. Nakan pabantayi niyu kanyu manga alad batu banwa hanggan diman kanyu manga dalan! Tipunun niyu kanyu manga sundalu ag humanda kamu sa paggira!

Huswi 8:14

Pagka nakitan hari Hay sida ni Huswi, nandaldali siya nagluwas hanggan kay manga tawuhan sa banwa maaga waya, bag-u nag-ati sa rugar maatubangan sa Karatagan Hurdan hampay lumaban sa Israil. Unman nida alam kuntay may mansalakay sa kanda ginan sa dayuan baliwa banwa.