Hirimyas 51:11 - Hanunuu

¹¹ Mamalus ti Panginuun sa Babilunya dahil sa pagguba sa Balay Diyus niya. Ginanyat Panginuun ti manga hari sa Midya hampay wasakun ti Babilunya dahil inda ti turunu niya. Magkun siya, “Asaa niyu kanyu manga ugyung ag alistuhan kanyu manga panangga.

Hirimyas 51:11 Iomraidhean Croise

1 Hari 11:14

Ipinahintulut Panginuun may lumaban sa kan Sulumun. Siya si Hadad taga Idum, ginan sa linahi usa ka hari Idum.

1 Hari 11:23

May usa waya ka tawu ti pinahintulutan Diyus kumalaban sa kan Sulumun, si Risun kay anak ni Ilyada. Linmayas siya sa kay amu sa kan Hadadisir taga Suba,

1 Krunika 5:26

Imaw tunda nu hayga pinahintulutan Diyus Israil girahun sida ni Hari Pul sa Asirya (imaw diman si Tigrat Pilisir). Binihag ni Pul kay manga lahi ni Rubin, ni Gad ag ti katunga lahi ni Manasis ag dinara sa Hala, sa Habur, sa Hara, ag sa Sapa Gusan, nu naan ati di sida tugka kainda.

2 Krunika 36:22

Katpung sa un-an pag timpu kay maghari ni Sayrus sa Pirsiya, tinupad Panginuun kay sinabi niya sa panab-anan ni Hirimyas. Inayuhap niya kay tagipusuun ni Sayrus hampay manmuwat usa ka paalam. Isinurat inda ag ipinadara sa kay buu kaharian.

Isra 1:1

Sa un-an timpu kay maghari ni Sayrus sa Pirsiya, tinandug Panginuun kay tagipusuun ni Sayrus sa pagsurat usa ka paalam ipabantala sa buu niya kaharian. Nangyari inda hampay matupad ti sinabi Panginuun sa panab-anan ni Hirimyas.

Isayas 10:26

Parusahan niku sida parihu sa binwat niku sa manga taga Midyan sa Batu Urib ag sa manga Ihipsiyu pagka ilinimus niku sida sa dagat.

Isayas 21:2

Nakitan niku ti usa ka madala pag pangakakitun tungkul sa pagkamaradaya ag kadamhakan. Kamu manga taga Ilam ag taga Midya, sangputa niyu ti Babilunya ag giraha. Tapusun yi Diyus kay magpakuri sa iba pag manga nasyun.

Isayas 21:5

Mag-alistu karan-an ti manga takinan. Magpauli sida manga suhi hampay tukawan. Magkaun sida ag mag-inum, bag-u kadaka may nanringgit, “Pag-apura kamu! Pag-alistu kamu sa girahan.”

Isayas 41:25

Pinili niku pinunu ti usa ka tawu ginan sa kanaway. Mandangup siya sa kangku, taynguna siya pag rumas-ug ginan sa butlakan. Rurisun niya ti manga takinan ga magtata manugpanday anglit sa lutuk.

Isayas 45:1

Pinili si Sayrus Panginuun hampay pabisugun kay kapangyarihan, ag hampay sakupun ti manga nasyun, taluhun ti manga hari. Bukasan niku ti manga sabian nida banwa bag-u agawun, danga yi tunda pagtalakpi. Inda ti pagsabihun Panginuun sa kan Sayrus:

Isayas 45:5

Aku ti Panginuun, udyi may iba waya; purya sa kangku udyi may iba Diyus. Pabisugun niku kawu una unman nimu aku kilala,

Isayas 46:11

Manawag aku usa ka tawu ginan sa butlakan sa arayu pag rugar, siya ti bumuwat kang manga gayak. Maipaparihu niku siya sa usa ka manuk manugdagit. Buwatun niku kang manga pagsabihun hanggan kang ginayak.

Hirimyas 25:25

ti Simri, ti Ilam, ti Midya,

Hirimyas 46:3

“Ialistu niyu kanyu manga panangga bag-u pag-atag sa girahan!

Hirimyas 46:4

Ialistu diman niyu kanyu manga kabayu pan-gira. Isulung kanyu hilmit, asaun kanyu manga bangkaw, ag isabak kanyu manga armas.

Hirimyas 46:9

“Sigi, manga taga Ihiptu, papalagiwun yi niyu ti manga kabayu ag kalisa niyu! Paggira yi kamu hanggan ti tanan manga kakampi niyu ginan sa Itiyupya, Put, ag Lidya anad sa maggamit manga panangga ag ugyung.

Hirimyas 50:25

Binukasan niku kang taraguan manga armas ag ipinalwas niku ti manga armas dahil sa kang pangagalit. Dahil aku, ti Panginuun Diyus Makamaskihan may buwatun sa kanmu, Babilunya.

Hirimyas 50:3

Dahil girahun ti Babilunya usa ka nasyun ginan sa kanaway, ag bumaliw mapung-aw inda pag rugar. Unman yi may mangulian sitay dahil malagiw kay manga nasakupan hanggan ti manga hayup.

Hirimyas 50:45

Nakan patingihi nimu kang gayak buwatun laban sa Babilunya. Una kanda manga anak bihagun ag gub-un kanda manga balay.

Hirimyas 50:9

Dahil ipagira niku ti Babilunya sa gurupu manga makapangyarihan pag nasyun ginan sa kanaway baliwa. Girahun nida ti Babilunya ag masakup nida inda. Anad kanda manga manugpana ag unman may paltus kanda magpana.

Hirimyas 51:12

Ipaabwat niyu ti bandira mustara sa paggira sa Babilunya. Dugangi niyu ti manga manugbantay; ag ipalastar ti manga manugbantay. Sangputan niyu ti banwa! Udas yi hampay buwatun Panginuun ti gayak niya laban sa manga taga Babilunya.”

Hirimyas 51:24

“Manga nasakupan niku, ipakakit niku sa kanyu kang pagbalus sa Babilunya hanggan sa kay nasakupan inda dahil sa tanan kadautan binwat nida sa Hirusalim. Aku, ti Panginuun, ti magsabi inda.

Hirimyas 51:36

Nakan magkun ti Panginuun, “Manga taga Hirusalim, apinan niku kamu ag mamalus aku para sa kanyu. Pamarahun niku ti dagat ag ti manga bulbugan sa Babilunya.

Danyil 5:30

Sa tunda diman pag yabi, minatay si Bilsasar hari manga taga Babilunya.

Huwil 3:10

Kanyu manga sudsud aradu buwata talibung ag kanyu manga panggarab buwata bangkaw. Una ti malumuy kailangan lumaban diman.

Huwil 3:9

Sabihun niyu sa manga nasyun, magkun: “Pag-alistu kamu sa paggira. Sabihi niyu kanyu manga sundalu hampay man-gira.

Libitiku 26:25

Ipagira niku kamu sa kanyu manga kalaban bilang parusa sa kanyu maglabag sa kanta kasunduan. Una waya patagu kamu sa kanyu manga banwa padaran-an di niku kamu manga kakurian, ag dahil siti mapilitan kamu sumuku sa kanyu kalaban.

Sakaryas 14:12

Inda pag manga sarut ipadara Panginuun sa tanan nasyun nan-gira sa Hirusalim: Mabuyuk kanda manga bilug, mata, ag dila una buhi waya sida.

Sakaryas 14:2

Dahil tipunun Panginuun ti tanan nasyun hampay lumaban sa Hirusalim. Agawun nida inda pag banwa, pamul-un nida ti manga kasiyunan sa manga balay, ag lugusun nida ti manga babayi. Darahun nida sa iba rugar ti katunga manga mag-ulian sa banwa, dapat kay iba tayakan di.