Hirimyas 50:6 - Hanunuu

⁶ “Ti manga nasakupan niku ga manga karanidu nagtalalang. Pinabay-anan sida manga manug-alaga nida ati sa kabantudan ag katagudtudan bag-u udyi nida alam ti dalan sa mag-uli.

Hirimyas 50:6 Iomraidhean Croise

Kanta 116:7

Kailangan magpakarig-un aku dahil mayad gid ti Panginuun sa kangku,

Kanta 119:176

Tinmalang aku parihu sa nadura karanidu, nakan hanapa aku, kanmu manugsirbi, dahil unman niku pagkalimtan kanmu manga sugu.

Kanta 23:2

Parihu aku sa karanidu pagpaharyun nimu sa may abunda pag paraharaban ag pag-ibahan sa malindag pag danum.

Kanta 32:7

Kawu kang palalan-iban; alagaan nimu aku sa udas kakurian, ag sangputun nimu aku manga tawu maghuruyawan sa kabayaan dahil sa kanmu pagribri sa kangku.

Kanta 90:1

Panginuun, kawu kanmi ulian ginan waya sa kabag-u.

Kanta 91:1

Una si unu ti magpangulian sa arani Kaabwat-abwatan pag Diyus Makapangyarihan alagaan siya.

Isayas 1:3

Ti manga baka magkilala sa kanda manug-alaga, hanggan ti manga asnu alam nu naan pag paraharaban sida pag ipaharab nida manug-alaga, dapat ti manga nasakupan niku Israilita unman magkilala sa kangku.”

Isayas 30:15

Magkun waya ti Panginuun Diyus, ti Banal pag Diyus Israil, “Pagbalik nalub-anan kamu sa kangku pag may kahusayan, dahil iribri niku kamu. Danga kamu magkataranta nu unman pagsarig sa kangku, dahil pabisugun niku kamu. Dapat nagbugya kamu

Isayas 32:2

Ti kada usa sa kanda parihu sa palalan-iban sa mabisug pag durus ag bagyu. Parihu diman sida sa sapa magbulus sa tigangan pag daga, hanggan sa hamuy daka pag batu sa mainit ag sa mamara pag daga.

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Hirimyas 10:21

Sinmagut aku, “Nangyari inda sa kanta dahil busal ti manga takinan nita. Unman sida nagpakarani sa Panginuun hampay mamaingana. Nakan ngani unman sida nanalu, bag-u nagkaralat kanda manga nasakupan.

Hirimyas 13:16

Dayawa niyu ti Panginuun niyu Diyus habang udwaya niya pag-ipadara ti kadudulman, ag habang udwaya kamu mag-italakpa sa madlum pag manga bantud. Ti rayaw pagsarigan niyu buwatun niya pingit pag kadudulman.

Hirimyas 2:20

“Katpung panawuhun kamu, ga baka kamu nakasingkaw ngatay manga pirisu nakatarikada. Dapat pagka napalpasan yi niku kamu, dayu maan kamu magsirbi sa kangku. Bagkus ngap, nagsamba kamu sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Parihu kamu sa babayi baraydan.

Hirimyas 2:32

“Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Hirimyas 23:1

Magkun ti Panginuun, ti Diyus sa Israil, “Kaawaawa kamu pag manga takinan manga nasakupan niku! Kamu mana ti mangalaga sa kang manga nasakupan parihu sa manug-alaga karanidu, dapat pinabay-anan lang niyu sida mamatay ag mawayak. Nakan dahil sa pinanwayak niyu kang manga nasakupan ag balaw niyu inalagaan, parusahan niku kamu. Hu, parusahan ngani niku kamu dahil sa binwat niyu kadautan.

Hirimyas 3:23

Ungud salan duy ti pagsamba nimi sa manga diyus-diyusan sa manga bantud. Sa kanmu lang ti karibrihan Israil, Panginuun nimi Diyus.

Hirimyas 3:6

Katpung udas kay maghari ni Usyas, magkun sa kangku ti Panginuun, “Nakitan aw nimu ti binwat maradaya pag Israil? Sinmamba siya sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Siya ga babayi magpanguragin.

Hirimyas 33:12

Magkun waya ti Panginuun Makamaskihan, “Una mapung-aw inda pag daga taynguna unman may manga tawu ag manga hayup, rumas-ug ti sirang magkaimaw manga pasturan sa tanan banwa padarahan manga manug-alaga sa kanda manada.

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 50:19

Dapat pabalikun niku ti manga Israilita sa nasyun nida. Bumaliw ga manga karanidu sida magharab sa kabantudan Karmilu ag sa karatagan Basan, hanggan sa kabantudan Ipraim ag Gilyad, bag-u mabsug gid sida.

Isikil 13:10

“Inda pag manga purupita magpatalang sa kang nasakupan sa panab-anan pagsabi, ‘Mayad ti tanan’, dapat balaw maaw mayad. Ga parihu lang sa magpatindug ti manga tawu matpuk pag alad batu, ag paglitisun lang inda manga purupita.

Isikil 34:14

Paharabun niku sida sa mayad pag paraharaban sa manga kabantudan Israil. Ati sida pag manlukub ag manharab.

Isikil 34:15

Aku mismu, ti Panginuun Diyus, ti mangalaga sa kang manga karanidu hanggan ipahamuy niku sida.

Isikil 34:16

Hanapun niku tunda pag manga nagkaradura hanggan nagtaralalang. Bugkusan niku ti manga may biyag hanggan pabisugun niku ti manga malumuy. Dapat ipadamhak niku ti manga matabul hanggan mabaskug. Buwatun niku sa kanda nu unu ti matadlung.

Matiyu 10:6

Bagkus ngap atihan niyu ti nasakupan Israil nagtalang ga manga karanidu.

Matiyu 15:24

Magkun si Hisus, “Sinugu aku para lang sa manga karanidu nalyam sa nasyun Israil.”

Matiyu 9:36

Pagka nakitan niya ti duru gid pag manga tawu, naawa siya sa kanda dahil sida magkaaburidu unman may manuggiya, ga manga karanidu unman may manug-alaga.

1 Pidru 2:25

Kaybi kamu nanwayak-wayak yi parihu ga manga karanidu tinmalang, dapat taynguna tinipun maan kamu Manug-alaga, imaw ti manuggiya niyu manga karadwa.