Hirimyas 50:44 - Hanunuu

⁴⁴ “Kadaka niku girahun ti Babilunya parihu sa liyun ginan sa katalunan arani sa Sapa Hurdan, manggira atabug sa pasturan mayamu karanidu. Manlinayas sida, ag mamili aku tawu mandumara sa Babilunya. Si unu ti maiparihu sa kangku? Si unu ti pumanghas kalabanun aku? Si unu pag takinan ti lumaban sa kangku?

Hirimyas 50:44 Iomraidhean Croise

Kanta 89:6

Panginuun, unman may una di usa sa langit ti parihu sa kanmu. Unman may taga langit pag linalang ti pumarihu sa kanmu.

Kanta 89:8

Panginuun Diyus Makamaskihan, unman kawu may kaparihu; makamaskihan kawu ag magtupad sa tanan nimu pagbuwatun.

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Isayas 40:18

Nakan sa kantapu niyu pag ipaparihu ti Diyus? Ngatay naan niyu siya pag ipatulad?

Isayas 40:25

Magkun ti Banal pag Diyus, “Sa kantapu niyu aku pag ipatulad? May kaparihu aw aku?”

Isayas 41:25

Pinili niku pinunu ti usa ka tawu ginan sa kanaway. Mandangup siya sa kangku, taynguna siya pag rumas-ug ginan sa butlakan. Rurisun niya ti manga takinan ga magtata manugpanday anglit sa lutuk.

Isayas 43:10

Manga nasakupan Israil, kamu kang manga kastigus. Ipinasaman niku kamu kang manugsirbi, agud makilala niyu aku ag sumarig kamu sa kangku, bag-u masalman niyu aku lang ti Diyus. Ud may iba diyus inmuna sa kangku, unman diman may Diyus dumasun waya sa kangku.

Isayas 46:11

Manawag aku usa ka tawu ginan sa butlakan sa arayu pag rugar, siya ti bumuwat kang manga gayak. Maipaparihu niku siya sa usa ka manuk manugdagit. Buwatun niku kang manga pagsabihun hanggan kang ginayak.

Isayas 46:9

Alalahana niyu kang manga binuwat kaybi sa un-an pag udas. Aku lang ti Diyus, udyi may iba pumarihu sa kangku.

Isayas 48:14

“Pagtipun kamu tanan pagpatingi: Si unu sa manga diyus-diyusan ti naghula kuntay mangyari? Unman gid! Pinili niku kang ampud hampay girahun ti Babilunya hampay sundun kang pag-ipabuwat laban sa tunda pag nasyun.

Hirimyas 12:5

Magkun ti Panginuun, “Hirimyas, nu magkagasa kawu magpakaburukadan sa manga tawu, lalu waya sa manga kabayu. Nu mag-idapa kawu sa ratag pag rugar, lalu yi nu sa kapuruan arani sa Sapa Hurdan.

Hirimyas 25:38

Ti Panginuun ga liyun magluwas sa lukib hampay manligaw kay turukbun. Bumaliw mapung-aw kanyu daga dahil sa paggira kalaban, hanggan dahil sa masyadu pangagalit Panginuun.

Hirimyas 30:21

Ti manga takinan nida ginan diman gid sa kanda. Ipakarani niku siya sa kangku, ag siya waydi pumakarani. Dahil unman may tawu pumanghas pumakarani sa kangku nu balaw niku siya pakaranihun. Aku, ti Panginuun, magsabi,

Hirimyas 50:15

Paghuyaw kamu laban sa kanya sa tanan pag rugar! Bantayi niyu! Nag-ampu yi ti Babilunya! Magkawayak yi kay manga bantayaw ag nagkarapugdak yi ti manga alad batu niya. Ti Panginuun ti nagbalus sa kanya. Nakan balusan niyu siya ag buwatun niyu sa kanya ti binuwat niya sa iba.

Sakaryas 11:3

Maglumi ti manga manug-alaga karanidu dahil nagkaradaut kanda malangba pag manga paraharaban. Mag-ngurub ti manga liyun dahil nadaut ti katalunan Hurdan kanda pag-ulian.

Bilang 16:5

Bag-u magkun siya sa kan Kura hanggan sa tanan niya tagasunud, “Aldaw surip, ipaburayhaw Panginuun nu si unu ti tutuu pinili sumirbi sa kanya bilang manga manughandug, dahil ipakarani niya sa kay kadayawan kay pinili. Nakan kaindaay kanyu buwatun aldaw: pagbuul kamu manga sukadan kamangyan,