Hirimyas 50:4 - Hanunuu

⁴ “Aku, ti Panginuun, magsabi sa ati pag udas, ti manga nasakupan sa Israil ag sa Huda manlumi ag pakarani sa kangku, ti Panginuun nida Diyus.

Hirimyas 50:4 Iomraidhean Croise

2 Krunika 7:14

ag nu ti manga nasakupan kang tinawag pumakumbaba, mandarangin, mandangup sa kangku, ag pumatlikud sa pagbuwatun nida kadautan, patingihan niku sida ginan sa langit ag patawadun kanda manga kasalanan, ag papaladan niku maan kanda daga.

Kanta 105:4

Pagsarig kamu sa Panginuun ag sa kay kabisugan. Pagpakarani kamu pirmi sa kanya.

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 45:19

Balaw aku nagbagaw sa lipudan, sa unman may nakaalam. Balaw niku sinabi sa manga linahi ni Hakub kuntay pagpakarani sida sa kangku, unman diman waydi sida may matanggap sa kangku. Aku, ti Panginuun, magbagaw tutuuhanan. Pagsabihun niku nu hintay ti tama.”

Isayas 55:6

Pagpakarani yi kamu sa Panginuun ag pagtawag sa kanya habang asan di waya siya hampay awatan kamu.

Isayas 63:4

Binwat niku inda dahil rinmas-ug yi ti sirang pagbalus niku sa kang manga kalaban ag iribri niku kang manga nasakupan.

Hirimyas 31:31

Magkun waya ti Panginuun, “Rumas-ug ti udas mamuwat aku bag-u pag kasunduan sa manga taga Israil ag taga Huda.

Hirimyas 33:15

Sa tida pag udas, pamahalaun niku ti hari matadlung ginan sa linahi ni Dabid. Palantagun niya ti katadlungan hanggan ti katuwiran sa buu daga.

Hirimyas 41:6

Sinulang sida ni Ismail maglumi ginan sa Mispa. Magkun siya, “Bantayi niyu ti nangyari kan Gidalyas.”

Isikil 16:61

Bag-u maalala nimu nu kabitay kanmu buruwatun sa kabag-u ag mangay-a kawu, lalu yi nu buwatun niku kanmu manga patar-ari babayi, ti Samarya ag Suduma, bumaliw kanmu manga anak, una balaw sida kaibahan sa kang kasunduan sa kanmu.

Isikil 39:25

Magkun waya gid ti Panginuun Diyus, “Dapat taynguna, kaawaan niku ti nasakupan Israil, ti manga linahi ni Hakub, bag-u ibalik niku kanda mayad pag kahamtangan, hampay maparangalan kang banal pag ngaran.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Husyas 11:10

“Sumunud kamu sa kangku sa udas man-ngurub aku, ti Panginuun, ga liyun. Pihu gid man-ngurub aku, ag mandaldali kamu muli ginan sa isalpan.

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Huwil 2:12

Magkun ti Panginuun, “Pagbalik kamu sa kangku sa buu niyu tagipusuun, danga maghandum karan-unun, paglumi ag pagpanrukuan.

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Santiyagu 4:9

Pagmaruku kamu pagpanhilumawan paglumi gid kamu. Kanyu magparaarak-akan ilsi niyu luwa mata. Kanyu kabayaan pag-ilisi niyu karukuan.