Hirimyas 50:36 - Hanunuu

³⁶ Mitama diman inda sa kay manga pudilun pag purupita niya ag bumaliw manga kurang-kurang sida! Mitama diman inda sa manga sundalu niya ag madala sida!

Hirimyas 50:36 Iomraidhean Croise

2 Samwil 15:31

May nagsabi sa kan Dabid kuntay si Ahitupil kinmuyug sa kan Absalum. Nakan nandarangin si Dabid, “Panginuun, buwata duy nimu unman may pulus kay patigayun ni Ahitupil.”

2 Samwil 17:14

Magkun si Absalum hanggan ti tanan manugpamahala Israil, “Mayad gid ti patigayun ni Husay kaysa kan Ahitupil.” Kay tutuu, mas mayad kay patigayun ni Ahitupil, dapat ipinahintulut Panginuun balaw sundun ni Absalum tunda hampay ipadamhak siya.

2 Krunika 25:16

Habang magbagaw ti purupita, sinmagut ti hari, “Hayga pagpaanyuan nimu aku? Binwat aw kawu niku tagapaanyu? Paghim-ung kawu, dahil nu unman, ipamatay niku kawu.” Nakan naghim-ung ti purupita makalawuy niya sabihun: “Pihu rurisun kawu Diyus dahil sinamba nimu ti manga diyus-diyusan ag unman kawu namatingi sa kangku.”

Isayas 43:14

Inda ti pagsabihun Panginuun kanyu Manugribri, ti Banal pag Diyus Israil, “Hampay maribri kamu, ipagira niku ti Babilunya sa manga sundalu usa ka nasyun, mamalalagiwan ti manga taga Babilunya tabug sa kanda pag-ipadayaw pag manga barku.

Isayas 44:25

Ipinabuyu niku ti hula manga magpabalhingu purupita. Binwat niku busal ti manga manughula. Pagbaliskadun niku ti pagsabihun manga madunung, pagbuwatun niku ud may pulus kanda magkaalaman.

Hirimyas 48:30

Aku, ti Panginuun, magkaalaman niku nu kabitay kamu magpalabi-labi, dapat tunda unman may pakinabang.

Hirimyas 49:22

Bantayi niyu! Ti kalaban ga sa agila maglayang mandagit sa manga taga Busra. Sa ati pag udas, dalaun ag bumaliw ga babayi arani yi manganak ti manga sundalu sa Idum.”

Hirimyas 50:30

Sa ati pag manga sirang, magkaramatay sa manga baklayan ti manga kalay-awan lalaki hanggan ti tanan niya manga sundalu.

Hirimyas 51:23

Rurisun diman niku sa panab-anan nimu ti manga manada hanggan kay manga manug-alaga, ti manga manugtanman hanggan ti manga baka, ti manga pinunu ag iba waya manga manugpamahala.

Hirimyas 51:30

Umapas ti manga sundalu Babilunya sa paglaban ag mamirmaminti yi lang sida sa kanda kampu. Manlumuy sida ga malumuy pag babayi. Mairub ti manga balay sa Babilunya ag madaut ti manga sabian.

Hirimyas 51:32

Naagaw ti manga diripayan sa manga sapa. Inirub ti manga kampu ag magkadala ti manga sundalu.

Nahum 2:8

Ti manga tawu magpalagiw ginan sa Ninibi ga danum lang magbulus ginan sa nabuswang tambung. Ti manga magpalagiw pagpabalikun nida manga kaibahan dapat unman yi gid may nagbalik.

Nahum 3:13

Bantayi niyu kanyu manga sundalu; ga manga babayi sida! Ti manga talakup sabian niyu banwa magkarairub, nakan maalwan yi inda suldun niyu manga kalaban.

Nahum 3:7

Ti tanan makakit sa kanyu manlaklak ag sumabi, ‘Nadaut yi ti Ninibi. Unman may manlumi ngatay may mamasulung sa kanya.’ ”

1 Timutiyu 4:2

May manga pudilun manugtudlu aban, kanda naisipan pinadluman ni Satanas, udyi sida magkilala sa daut sa mayad. Sa kanda magdaya,

1 Timutiyu 6:4

tunda pag tawu magpadayaw-dayaw dapat unman may kadunungan. Naugalian yi waydi niya ti parairgu hanggan ti aratwan tungkul sa manga sanglitan, imaw ti pagpun-an durumtan, kagalitan, puruyaan hanggan magbarangdanan,

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.