Hirimyas 50:35 - Hanunuu

³⁵ “Aku, ti Panginuun, magsabi ti baladaw kadamhakan mitama sa manga taga Babilunya hanggan sa manga takinan ag madunung pag tawu niya!

Hirimyas 50:35 Iomraidhean Croise

Isayas 29:14

Nakan utru aku bumuwat dasun-dasun pag makadululaw sa inda pag manga tawu. Ag madura ti kadunungan manga madunung hanggan ti pan-intindi manga may intindi.”

Isayas 41:25

Pinili niku pinunu ti usa ka tawu ginan sa kanaway. Mandangup siya sa kangku, taynguna siya pag rumas-ug ginan sa butlakan. Rurisun niya ti manga takinan ga magtata manugpanday anglit sa lutuk.

Isayas 44:25

Ipinabuyu niku ti hula manga magpabalhingu purupita. Binwat niku busal ti manga manughula. Pagbaliskadun niku ti pagsabihun manga madunung, pagbuwatun niku ud may pulus kanda magkaalaman.

Isayas 45:1

Pinili si Sayrus Panginuun hampay pabisugun kay kapangyarihan, ag hampay sakupun ti manga nasyun, taluhun ti manga hari. Bukasan niku ti manga sabian nida banwa bag-u agawun, danga yi tunda pagtalakpi. Inda ti pagsabihun Panginuun sa kan Sayrus:

Isayas 66:16

Dahil sa panab-anan apuy hanggan baladaw, sintinsiyahan Panginuun ti tanan tawu makasalanan, ag mayamu kay matyun.

Hirimyas 10:7

Si unu duy ti unman madala sa kanmu, Hari manga nasyun? Dapat lang galangun kawu. Unman duy kawu may kaparihu sa tanan matinudukun ginan sa tuhay-tuhay pag nasyun, aw ngatay sa tanan hari.

Hirimyas 47:6

Magpaingana kamu nu kapira niku pag-apasan ti pagparusa sa kanyu sa panab-anan niku manga baladaw. Pagsabihun niyu ulian yi niku sa palaulian kangbaladaw ag pabay-ani yi lang kamu.

Hirimyas 50:27

Matya niyu ti tanan nida manga sundalu parihu sa turiti baka. Matya niyu sida tanan. Kaawaawa sida dahil rinmas-ug yi ti udas kailangan sida parusahan.

Hirimyas 50:30

Sa ati pag manga sirang, magkaramatay sa manga baklayan ti manga kalay-awan lalaki hanggan ti tanan niya manga sundalu.

Hirimyas 51:39

Ag dahil magkalun-us sida, alistuhan niku sida karan-an. Languhun niku sida, pasulungun ag paturugun sa hamuuk habang may udas ag balaw yi mimata. Aku, ti Panginuun, ti magsabi inda.

Hirimyas 51:47

Rumas-ug ti udas parusahan niku ti manga diyus-diyusan sa Babilunya. Mangay-a ti buu Babilunya, ag mabugtangan ti tanan bangkay nasakupan niya.

Hirimyas 51:57

Languhun niku kay manga pinunu, ti manga matinudukun pag manga tawu, ti manga takinan, ti manga kumandir, hanggan kay manga sundalu. Mahamuukan sida balaw yi mipulaw. Aku, ti Hari, ti magsabi inda. Panginuun Makamaskihan kang ngaran.”

Hirimyas 8:9

Mangay-a ti manga mag-isip madunung sida. Madala gid sida dahil pamihagun sida. Dinayu nida kang manga bagaw — buwatun aw nida inda nu ungud gid madunung sida?

Isikil 14:2

Magkun ti Panginuun sa kangku,

Danyil 5:30

Sa tunda diman pag yabi, minatay si Bilsasar hari manga taga Babilunya.

Husyas 11:6

Girahun manga kalaban kanda manga banwa ag dautun ti talakup manga sabian. Dautun diman manga kalaban kanda manga gayak.

Libitiku 26:25

Ipagira niku kamu sa kanyu manga kalaban bilang parusa sa kanyu maglabag sa kanta kasunduan. Una waya patagu kamu sa kanyu manga banwa padaran-an di niku kamu manga kakurian, ag dahil siti mapilitan kamu sumuku sa kanyu kalaban.

Sakaryas 11:17

Kaawaawa inda pag manugbantay karanidu unman may pulus. Pagpabay-anan lang niya ti manga karanidu! Sa panab-anan baladaw pamuldun kay kamang ag tulsukun baladaw kay sikun pag mata, ag bukun yi mapakinabangan kay kamang ag udyi waydi kumakit kay sikun pag mata.”