Hirimyas 50:34 - Hanunuu

³⁴ Dapat aku kanda Manuglukat, Panginuun Makamaskihan kang ngaran. Apinan niku sida ag pakan-an kahusayan, dapat guluhun niku ti manga nasakupan sa Babilunya.

Hirimyas 50:34 Iomraidhean Croise

2 Krunika 6:39

patingihi nimu kanda manga darangin ag manga paghagadun asan sa kanmu ulian sa langit, ag pakan-i sida panalu. Patawada nimu sida sa kanda manga kasalanan laban sa kanmu.

Hub 19:25

“Dapat alam di niku buhi di kang Manugribri, ag sa uryan rumas-ug siya sa daga agud apinan aku.

Kanta 35:1

Panginuun, amparaha ti manga mag-ampara sa kangku. Labani ti manga maglaban sa kangku.

Kanta 43:1

Diyus, patutuuhani unman aku may kasalanan, ag apini aku laban sa manga balaw maka-diyus pag manga tawu. Ribrihan aku sa madaya ag magbuwat daut pag manga tawu.

Pag-ighit 6:6

Nakan kumumun kawu sa manga Israilita: ‘Aku ti Panginuun. Palpasan niku kamu sa pagkapanawuhun sa Ihiptu. Sa panab-anan kamaskihan niku, mabuyat pag parusa ti ipakaun niku sa manga Ihipsiyu, ag kamu kang iribri.

Kabagawan 22:23

dahil ti Panginuun ti manug-apin sa kanda. Una hintay ti buwatun niyu daut sa kanda buwatun diman Panginuun sa kanyu.

Kabagawan 23:11

Dahil ti Panginuun imaw kanda makamaskihan pag manug-apin. Siya ti man-apin sa kanda laban sa kanmu.

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Isayas 43:14

Inda ti pagsabihun Panginuun kanyu Manugribri, ti Banal pag Diyus Israil, “Hampay maribri kamu, ipagira niku ti Babilunya sa manga sundalu usa ka nasyun, mamalalagiwan ti manga taga Babilunya tabug sa kanda pag-ipadayaw pag manga barku.

Isayas 44:6

Inda ti pagsabihun Panginuun, ti Hari ag Manugribri Israil, ti Panginuun Makamaskihan, “Aku ti umpisa ag ti katapusan tanan. Purya sa kangku udyi may iba waya Diyus.

Isayas 47:4

Kanta Manugribri, kay ngaran Panginuun Makamaskihan, ti Banal pag Diyus Israil.

Isayas 49:25

Dapat inda kay sagut Panginuun, “Hu, mairibri nimu ti manga binihag manga sundalu mahigpit ag mab-ul waya nimu kanda manga inagaw. Dahil labanan niku ti manga maglaban sa kanmu ag iribri niku kanmu manga anak.

Isayas 51:22

Inda ti pagsabihun Panginuun niyu Diyus ti mag-apin sa kanyu: “Pagpatingi kamu! Bin-ul yi niku kang pangagalit ga intus makapalangu sa kanyu. Balaw yi niku kamu painmun utru inda.

Isayas 54:5

Dahil aku kanmu manuglalang ga kanmu asawa. Kang ngaran Yawi Makamaskihan sa tanan. Aku ti Banal pag Diyus Israil, kanmu Manugribri. Pag-ingarnan aku ‘Diyus buu kalibutan.’

Hirimyas 10:16

Dapat kay Diyus ni Hakub balaw parihu sa kanda. Siya ti nagbuwat tanan pag manga bagay, hanggan Israil, kay sadili pag nasakupan. Panginuun Makamaskihan kay ngaran.

Hirimyas 15:21

Iribri niku kawu sa kamang daut ag manugdahas pag tawu.”

Hirimyas 30:20

Bumaliw maalwan kanda manga anak parihu kaybi sa un-an. Parig-unun niku sida sa atubangan niku, ag parusahan niku una si unu ti mag-api sa kanda.

Hirimyas 31:11

Iribri niku ti manga linahi ni Hakub sa kamang manga tawu subra makapangyarihan kaysa kanda.

Hirimyas 31:35

Magkun waya ti Panginuun, “Aku ti nagsugu sa init hampay magpakaun-rayaw sa buu sirang, hanggan sa bulan ag manga pamgasan magpakaun-rayaw sa buu yabi. Ag aku ti magkuyikaw sa dagat tugka sa maghagunung ti manga humbak. Aku ti Panginuun ti Makamaskihan sa tanan.

Hirimyas 32:18

Pag-ipakakit nimu ti pagmahal nimu sa linibu-libu, dapat pagparusahan nimu ti manga anak dahil sa kasalanan nida manga ginurang. May kadayawan kawu, pag Diyus, kanmu ngaran Panginuun Makamaskihan.

Hirimyas 48:15

Dapat mawayak gid ti Muab hanggan kay manga banwa inda. Matyun kanda maraisug pag kalay-awan. Aku, ti Panginuun Hari Makamaskihan, ti magsabi inda.

Hirimyas 51:19

Dapat ti Diyus ni Hakub balaw parihu sa manga katida. Siya ti naglalang sa tanan bagay hanggan yi ti Israil, ti manga tawu kay pinili niya — Panginuun Makamaskihan kay ngaran niya.

Hirimyas 51:36

Nakan magkun ti Panginuun, “Manga taga Hirusalim, apinan niku kamu ag mamalus aku para sa kanyu. Pamarahun niku ti dagat ag ti manga bulbugan sa Babilunya.

Karukuan 3:58

Panginuun, inawatan nimu aku sa kang kasaba ag irinibri nimu kang buhi.

Huwil 2:11

Pagsuguun Panginuun kay manga sundalu, ti kagadhan ag makapangyarihan pag manga apan magsunud sida sa kay sugu. Madala ti sirang pagparusa Panginuun. Unman gid may umagwanta inda!

Mikas 7:9

Dahil nagkasala kita sa Panginuun, kailangan nita agwantahun kay parusa sa kanta tugka sa kampihan niya kita ag pakan-an katadlungan. Makitan nita kay pagribri sa kanta sa panab-anan pagdara niya sa kanta tag sa karayawan.

Ipinakakit 18:8

Nakan durunganan rumas-ug sa kanya sa sulud usa ka sirang ti manga kahigpitan, may kamatayan, may kapung-awan ag may kalun-usan. Tutdan siya, dahil ti nagsintinsiya sa kanya imaw ti makamaskihan Panginuun Diyus.”