Hirimyas 50:31 - Hanunuu

³¹ “Aku, ti Panginuun Makamaskihan, magsabi kalaban niku kawu, Babilunya marapadayaw! Rinmas-ug yi ti sirang parusahan niku kawu.

Hirimyas 50:31 Iomraidhean Croise

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Hirimyas 21:13

Kalaban niku kamu manga taga Hirusalim, kamu pag manga mag-uli sa mapag-un pag rugar sa babaw maratag pag bantud. Magpalabaw-labaw kamu magkumun, ‘Ribri kita sitay! Unman may manggira sa kanta, sa mapag-un pag rugar atay sa babaw maratag pag bantud!’

Hirimyas 48:29

Palabi-labihun niyu. Nadnugan niku nu kabitay kamu magpalabi-labi ag marapadayaw.

Hirimyas 49:16

Ipagpadayaw niyu kuntay mag-uli kamu sa mabatu ag sa arabwat pag rugar. Dapat sa pagpalabaw ag pagpadala niyu tunda sa iba, pagdayaun niyu kanyu sadili. Dahil una mag-uli kamu sa pinakaabwat pag rugar parihu sa pagpugadan agila, ipaababa waya diman niku kamu. Aku, ti Panginuun, ti magsabi inda.”

Hirimyas 50:29

“Tawaga niyu ti manga manugpana hampay man-gira sa Babilunya! Sangputan niyu hampay unman may makapalagiw. Balusi niyu siya sa kay binuwat; buwata niyu sa kanya ti binuwat niya sa iba dahil linabanan niya ti Panginuun, ti Banal pag Diyus sa Israil.

Hirimyas 50:32

Kawu ti palabi-labi mawasak gid ag unman may mangawat sa kanmu hampay bangunun kawu. Irubun niku ti manga banwa nimu hanggan ti tanan banwa sa sangput nimu.”

Hirimyas 51:25

“Kalaban niku kawu, Babilunya, kawu ti pag-ingarnan Bantud Manugwayak! Winayak nimu ti buu kalibutan. Gamitun niku kang kamaskihan hampay dautun ag irubun kawu.

Isikil 29:3

Sabihi siya aku, ti Panginuun Diyus, magkun: Kalaban niku kawu, hari Ihiptu. Parihu kawu sa daka pag buaya malanguyan sa sapa. Magsabi kawu, ‘Ti Sapa Nilu, aku ti nagbuwat inda para sa kang sadili.’

Isikil 38:3

Sabihi siya aku, ti Panginuun Diyus, magkun: Gug takinan Misik ag Tubal, kalaban niku kawu.

Isikil 39:1

Magkun ti Panginuun sa kangku, “Anak tawu, pagbagaw kawu laban sa kan Gug. Sabihi siya aku, ti Panginuun Diyus, magkun, ‘Kalaban niku kawu, Gug, takinan Misik ag Tubal.

Isikil 5:8

Nakan aku, ti Panginuun Diyus, laban sa kanyu. Parusahan niku kamu sa atubangan manga nasyun.

Nahum 2:13

Dahil magkun ti Panginuun Makamaskihan, “Pagpatingi kamu manga taga Ninibi! Kalaban niku kamu! Nakan sunugun niku kanyu manga kalisa ag mamatay kanyu manga sundalu sa labanan. Amparahun yi niku kanyu magpandahas sa kalibutan. Balaw yi kamu makapadara manga manugbarita sa iba manga nasyun agud makabarita sa kanda nu hintay kanyu pagkaibgan ipabuwat sa kanda.”

Nahum 3:5

Taynguna, ti Panginuun Makamaskihan magkumun, “Pagpatingi kamu manga taga Ninibi! Kalaban niku kamu! Nakan pakay-ahun niku kamu sa atubangan manga nasyun hanggan manga kaharian parihu sa babayi kinalunkun kay rutay tugka sa ulu ag nakitan kay kauyaan.

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”

Ipinakakit 18:8

Nakan durunganan rumas-ug sa kanya sa sulud usa ka sirang ti manga kahigpitan, may kamatayan, may kapung-awan ag may kalun-usan. Tutdan siya, dahil ti nagsintinsiya sa kanya imaw ti makamaskihan Panginuun Diyus.”