Hirimyas 50:28 - Hanunuu

²⁸ “Patingihi niyu ti manga tawu nakapalagiw ginan sa Babilunya habang pag-itultul nida sa Hirusalim nu kabitay nagbalus ti Panginuun nita Diyus dahil sa binuwat manga taga Babilunya sa Balay Diyus nita.

Hirimyas 50:28 Iomraidhean Croise

Isayas 48:20

Pag-ighit kamu sa Babilunya! Ipaburayhaw niyu may kabayaan sa buu kalibutan kuntay irinibri Panginuun kay manugsirbi, ti nasakupan Israil.

Hirimyas 50:15

Paghuyaw kamu laban sa kanya sa tanan pag rugar! Bantayi niyu! Nag-ampu yi ti Babilunya! Magkawayak yi kay manga bantayaw ag nagkarapugdak yi ti manga alad batu niya. Ti Panginuun ti nagbalus sa kanya. Nakan balusan niyu siya ag buwatun niyu sa kanya ti binuwat niya sa iba.

Hirimyas 51:45

“Manga pinili niku, pagpakarayu yi kamu sa Babilunya! Iribri niyu kanyu sadili buhi bag-u niku ibuhus sa kanda kang pangagalit.

Hirimyas 51:6

“Pagpalagiw kamu ginan sa Babilunya! Iribri niyu kanyu buhi. Balaw kamu kailangan mamatay dahil sa kasalanan Babilunya. Udas yi hampay balusan niku siya angay sa kay manga binwat niya.

Karukuan 1:10

Pinanbuul kalaban ti tanan niya kasiyunan. Nakitan niya sinmaka ti balaw Israilita sa Balay Diyus, manga tawu balaw pagpasnuan Panginuun sumaka sa Balay Diyus.

Danyil 5:23

Bagkus ngap binwat nimu kanmu sadili abwat man sa Panginuun sa langit. Ipinab-ul nimu ti manga irinman ginan sa Balay Diyus ag ininman niyu inda kaibahan kanmu matinudukun pag manga bisita, manga asawa, ag iba waya asawa panawuhun. Bukud waya siyun, sinamba nimu ti manga diyus buwat sa pilak, gintu, galang, baul, kayu, ag batu — manga unman maghiling pag diyus, unman magdungug, ag unman makaintindi. Dapat unman nimu dinayaw ti Diyus, ti maghiyaput kanmu buhi ag magpapalad sa tanan nimu pagbuwatun.

Libitiku 26:25

Ipagira niku kamu sa kanyu manga kalaban bilang parusa sa kanyu maglabag sa kanta kasunduan. Una waya patagu kamu sa kanyu manga banwa padaran-an di niku kamu manga kakurian, ag dahil siti mapilitan kamu sumuku sa kanyu kalaban.

Diyuturunumiyu 32:41

asaun niku kang magkislap pag baladaw ag gamitun niku inda sa pagparusa. Balusan niku kang manga kalaban ag pabayadun ti manga magdumut sa kangku.