Hirimyas 50:27 - Hanunuu

²⁷ Matya niyu ti tanan nida manga sundalu parihu sa turiti baka. Matya niyu sida tanan. Kaawaawa sida dahil rinmas-ug yi ti udas kailangan sida parusahan.

Hirimyas 50:27 Iomraidhean Croise

Hub 18:20

Ti manga tawu una naan pag rugar magkadulaw ag magkadala sa nangyari sa kanya.

Kanta 22:12

Pagsangputun aku mayamu pag manga kalaban; parihu sida sa maraisug pag manga tudu baka sa Basan.

Kanta 37:13

Dapat pagkasarin-an lang Panginuun ti manga daut, dahil alam niya arani yi ti kaudasan pagsintinsiya.

Isayas 21:12

Sinmagut aku, “Magkasurip yi pat-ay magras-ug yi maan ti yabi. Nu gustu nimu mamaingana utru pagbalik yi lang kawu.”

Isayas 34:6

Ti baladaw Panginuun mapnu dugu ag taba, ga ginamit pan-iyaw manga handug kambing hanggan karanidu. Dahil matyun Panginuun ti manga taga Busra bilang handug. Mayamu kay matyun sa iba pag manga banwa Idum.

Isayas 34:7

Matyun diman ga manga tudu baka kanda manga makapangyarihan pag nasakupan. Kanda manga daga mapnu dugu ag taba.

Hirimyas 12:3

Dapat aku kilala duy nimu Panginuun. Mag-akitan nimu kang manga pagbuwatun hanggan alam nimu kang basad tagipusuun. Guyuda nimu inda pag manga tawu ga manga karanidu atag sa iriyawan. Ipablag duy nimu sida hampay iyawun.

Hirimyas 25:34

Kamu pag manga takinan, paglumi kamu ka bisug, palilid kamu sa daga dahil sa karukuan. Dahil rinmas-ug yi ti sirang matyun kamu parihu sa mag-iyaw karanidu. Marunut kamu ga mahalaga pag anglit nabasag.

Hirimyas 27:7

Ti tanan nasyun sumirbi sa kanya, sa kay anak, hanggan sa kay laki tugka sa marangga ti kaharian Babilunya. Bag-u ti Babilunya maan ti sumirbi sa mayamu pag nasyun hanggan sa manga makapangyarihan pag hari.

Hirimyas 46:21

Hanggan ti manga inupahan niya pag sundalu umusun ag nalagiw. Sida ga manga ibun baka pinatabul hampay iyawun. Mangyari inda dahil udas yi hampay parusahan ag wasakun ti manga taga Ihiptu.

Hirimyas 48:10

Saadan ti tawu magpabaya sa pagbuwat sa buruwatun Panginuun laban sa Muab. Saadan ti tawu balaw manmatay sa manga taga Muab.

Hirimyas 48:15

Dapat mawayak gid ti Muab hanggan kay manga banwa inda. Matyun kanda maraisug pag kalay-awan. Aku, ti Panginuun Hari Makamaskihan, ti magsabi inda.

Hirimyas 48:44

“Una si unu ti malagiw dahil sa dala malagpak sa kali. Ag una si unu ti makaribri sakali mablay sa dit-ag makasulun sa padaya, dahil parusahan gid ungud niku ti Muab sa nakatagka pag udas. Aku, ti Panginuun, ti magsabi inda.

Hirimyas 50:11

“Manga taga Babilunya, bin-ul niyu ti magkaapu manga nasakupan niku. Nakabaya kamu ag masulung ga sa dumaraga baka sa pasturan ngatay kabayu maghiri-hiri.

Hirimyas 50:31

“Aku, ti Panginuun Makamaskihan, magsabi kalaban niku kawu, Babilunya marapadayaw! Rinmas-ug yi ti sirang parusahan niku kawu.

Hirimyas 51:40

Darahun niku sida hampay iyawun ga manga karanidu ag manga kambing.

Karukuan 1:21

Nadnugan manga tawu kang mag-arunghung, dapat unman gid may magpabisug sa kangku una di. Nadnugan tanan niku manga kalaban kang kakurian, ag nagbaya sida sa kanmu binuwat sa kangku. Mana rumas-ug yi ti sirang kanmu itinaratu parusahan nimu sida hampay bumaliw parihu diman sida sa kangku.

Ipinakakit 18:10

Manindugan sida ginan sa arayu magkadala madamay sa kay nalakawan pag kaparusahan. Sumabi sida magkun, “Anung anung duy ti bantug pag banwa. Sa sulud lang usa ka udas natupad yi ti kaparusahan sa makapangyarihan pag banwa Babilunya.”

Ipinakakit 19:17

Bag-u nakitan niku ti usa ka anghil matindugan sa init. Hinugyawan niya ti tanan manga manuk maglayang sa tungud bag-u kay sinabi magkun, “Abala kamu tanan-tanan patipun sa daka pag karan-an Diyus. Abala kamu,