Hirimyas 50:26 - Hanunuu

²⁶ “Manga kalaban Babilunya, ati sa arayu pag rugar, giraha yi niyu ti Babilunya! Bukasi niyu ti manga balay haramnuan niya. Tipuna niyu kanyu manga nab-ul parihu sa tirigu. Rurisa yi niyu lubus ti manga taga Babilunya ag danga kamu magsawad una di usa.

Hirimyas 50:26 Iomraidhean Croise

Isayas 10:6

Suguun niku sida giraha ti nasyun balaw maka-diyus hanggan ti kang pagkagalitan, hampay wayakun ag tatatataan ga lutuk sa baklayan, ag bul-un ti tanan nida kasiyunan.”

Isayas 14:23

Buwatun niku inda pangawakawaan, may mayamu lasaan, ag gub-un niku ga pinarisan. Aku, ti Panginuun Makamaskihan, ti magsabi inda.”

Isayas 25:10

Ungud awatan Panginuun ti Bantud Siun, dapat parusahan niya ti Muab. Tat-an niya inda ga dayami sa rayamtan paruk.

Isayas 45:3

Ipakaun niku sa kanmu ti manga mataguan pag kayamanan, hampay maalaman nimu aku ti Panginuun, ti Diyus Israil imaw ti nagtawag sa kanmu.

Isayas 5:26

Paamanan niya ti manga nasyun sa arayu; palwitan niya ti manga mag-uli sa pinakaarayu pag bahagi kalibutan, ag kadaka sida rumas-ug hampay girahun kawu.

Hirimyas 50:10

Pamul-un nida ti manga kasiyunan Babilunya ag pihu gid manalaw sida. Aku, ti Panginuun, ti magsabi inda.

Hirimyas 50:13

Dahil sa galit niku, udyi may mangulian sa Babilunya ag bumaliw mapung-aw inda. Madiklahan gid ag manhikrab ti tanan lumawuy sitay dahil sa tanan nangyari sa inda pag nasyun.

Hirimyas 50:15

Paghuyaw kamu laban sa kanya sa tanan pag rugar! Bantayi niyu! Nag-ampu yi ti Babilunya! Magkawayak yi kay manga bantayaw ag nagkarapugdak yi ti manga alad batu niya. Ti Panginuun ti nagbalus sa kanya. Nakan balusan niyu siya ag buwatun niyu sa kanya ti binuwat niya sa iba.

Hirimyas 50:23

Ti Babilunya ga martilyu nagrunut manga nasyun, dapat taynguna siya yi ti narunut. Nakitan manga nasyun nu kabitay nawayak ti Babilunya!

Hirimyas 50:41

“Bantayi niyu! May manga sundalu magras-ug ginan sa kanaway. Usa ka makapangyarihan pag nasyun ginan sa arayu pag rugar ti lumaban sa Babilunya.

Hirimyas 51:44

Parusahan niku si Bil pag diyus-diyusan sa Babilunya. Ipasuka niku sa kanya kay manga hinalun. Balaw yi siya duludun manga nasyun hampay sambahun. Nagpu yi ti manga alad batu sa Babilunya.

Hirimyas 51:64

Ag sabihun nimu, ‘Katunda ti mangyari sa Babilunya, mitagbung ag udyi lumutaw waya dahil sa manga kadamhakan ipalakaw Panginuun sa kanya. Magkaramatay kay nasakupan niya.’ ” Inda ti uryan pag itinultul ni Hirimyas.

Mikas 7:10

Makitan inda nita manga kalaban ag mangay-a sida. Dahil pagpuyaan nida kita kaybi. Magkun sida, ‘Naan yi ti Panginuun niyu Diyus?’ Udyi dugay makitan nita ti kadamhakan nida. Bumaliw sida ga lutuk tatatataan sa karsada.”

Matiyu 6:26

Bantayan niyu ti manga manuk sa tungud maglayang, unman sida magpamgas ag unman diman sida mag-ani, unman sida may tinipun sa balay haramnuan. Dapat pagpakan-an sida niyu Ama sa langit. Unman aw kamu mahalaga man sa manga manuk?

Ipinakakit 14:19

Nakan ginamit yi ngani anghil kay karit, rinapas yi ngani niya ti manga burak ubas bag-u kay ipinauli tabug sa pirigsan ubas, imaw yi ngani ti mahigpit pag galit Diyus.

Ipinakakit 19:15

Nagluwang ginan sa kay bibig ti baladaw matarum, imaw ti pandaug niya sa manga nasyun tawu. Humari siya sa kanda may bitbit pamakul baul. Siya ngap ti tumata sa manga ubas sa basad pirigsan, imaw ngani ti mahigpit pag galit Diyus Makamaskihan sa tanan.