Hirimyas 50:2 - Hanunuu

² “Ipadakit sa manga nasyun ti barita sa unman may pag-ilihim! Ag paabwatan ti bandira tanda pagkawasak Babilunya! Marunut ag mangay-a ti manga diyus-diyusan niya hanggan kay diyus-diyusan si Bil ag si Marduk.

Hirimyas 50:2 Iomraidhean Croise

Kanta 64:9

Bag-u dalaun ti tanan tawu. Isip-isipun nida ti binwat Diyus. Ag itultul nida inda.

Kanta 96:3

Itultul niyu sa tanan nasakupan manga nasyun kay kamaskihan hanggan kay makadululaw pag manga buwat.

Kanta 97:7

Nangay-a ti tanan magsamba sa manga diyus-diyusan hanggan ti magpalabi-labi kanda manga diyus-diyusan. Ti tanan diyus magluhud magsamba sa Diyus.

Isayas 12:4

Pagras-ug ati pag sirang, manganta kamu: “Dayawa niyu ti Panginuun! Sambaha niyu siya! Tultulan niyu sa manga nasyun kay manga binuwat. Tultulan niyu siya ti kailangan dapat dayawun.

Isayas 13:2

Pagtur-ug kamu usa ka bandira ati sa katayungtungan bantud balaw may puun kayu. Bag-u pagringgit kamu mabisug sa manga sundalu ag paamani niyu sida hampay girahun ag suldun ti manga banwa manga kilala ag makamaskihan pag tawu.

Isayas 21:9

Taynguna, bantayi niyu! May magras-ug manga kalisa guyud-guyud duwa ka kabayu.” Ag magkun waya ti manugbantay, “Nawayak yi ti Babilunya! Ti tanan niya manga histuda diyus-diyusan nag-iridugsak sa daga ag nagkarawayak tanan.”

Isayas 37:19

ag pinan-sunug ti manga diyus-diyusan nida. Dahil balaw duy tutuu tunda pag manga diyus nu unman manga batu ag kayu lang binwat tawu.

Isayas 39:1

Ati katpung, nabaritaan hari Babilunya ni Mirudak Baladan, anak ni Baladan, kuntay naayadan yi si Isikyas sa kay sakit. Nakan nagpadara siya manga surat ag pamakaun sa panab-anan niya manga sugu.

Isayas 46:1

Ti manga diyus-diyusan Babilunya sida ni Bil ni Nibu mahuwayan nu pag-ikarga sa kalisa pagguyudun manga asnu. Mabuyat sida, makargahan sa manga budlay yi pag hayup.

Isayas 48:20

Pag-ighit kamu sa Babilunya! Ipaburayhaw niyu may kabayaan sa buu kalibutan kuntay irinibri Panginuun kay manugsirbi, ti nasakupan Israil.

Isayas 48:6

Nadnugan niyu kang manga ihinula, nakitan niyu kay katupadan inda, dapat dayu niyu tanggapun aku ti nagbuwat inda. Ginan taynguna, tultulan niku kamu bag-u pag manga bagay balaw waya niku ipinaburayhaw sa kanyu; unman waya niyu magkaalaman.

Hirimyas 10:11

Sabihun niyu sa manga magsamba sa tuhay pag diyus, “Kanyu manga diyus balaw naglalang langit ag daga pihu madura di sa kalibutan.”

Hirimyas 10:15

Unman sida may pulus ag kailangan kadat-an sida. Rumas-ug ti sirang dautun tunda tanan.

Hirimyas 31:10

“Manga nasyun, patingihi niyu ti pag-itultul niku, bag-u ibarita niyu inda sa ararayu rugar: ‘Winayak niku ti manga taga Israil, dapat tipunun di maan niku sida ag alagaan parihu sa manug-alaga manga karanidu.’

Hirimyas 4:16

Sinugu sida kuntay paandami ti manga nasyun hanggan ti Hirusalim kuntay may maggira manga sundalu ginan sa arayu pag rugar mag-akat girahan laban sa manga banwa Huda.

Hirimyas 4:6

Pasandaman nimu sida ti manga taga Hirusalim kuntay pagpalagiw kadali sida dahil mamadara aku kadamhakan ginan sa kanaway.”

Hirimyas 46:14

“Hirimyas ipadakit inda sa Ihiptu, sa Migdul, sa Mimpis ag Tapanis: Pag-alistu yi kamu dahil nakaalistu yi ti baladaw hampay rurisun kamu.

Hirimyas 50:46

Sa pagkaplid Babilunya, matandug ti daga ag masaydan sa iba nasyun kanda lulumian.”

Hirimyas 51:12

Ipaabwat niyu ti bandira mustara sa paggira sa Babilunya. Dugangi niyu ti manga manugbantay; ag ipalastar ti manga manugbantay. Sangputan niyu ti banwa! Udas yi hampay buwatun Panginuun ti gayak niya laban sa manga taga Babilunya.”

Hirimyas 51:27

Paabwatan ti bandira tanda sa paggira! Patunugan ti budyung sa manga nasyun! Ialistu sida hampay girahun ti Babilunya. Sugua man-gira ti manga sundalu sa Ararat, Mini ag Askinas. Pagpili kamu takinan hampay girahun ti Babilunya. Pagpadara kamu manga kabayu parihu kay kayamu sa manga apan.

Hirimyas 51:31

Dasun-dasun rumas-ug ti manga manugbarita hampay sabihun sa hari Babilunya kuntay ti buu banwa nasakup yi.

Hirimyas 51:44

Parusahan niku si Bil pag diyus-diyusan sa Babilunya. Ipasuka niku sa kanya kay manga hinalun. Balaw yi siya duludun manga nasyun hampay sambahun. Nagpu yi ti manga alad batu sa Babilunya.

Hirimyas 51:47

Rumas-ug ti udas parusahan niku ti manga diyus-diyusan sa Babilunya. Mangay-a ti buu Babilunya, ag mabugtangan ti tanan bangkay nasakupan niya.

Hirimyas 51:52

Dapat rumas-ug ti sirang parusahan niku ti manga diyus-diyusan Babilunya. Ag ti manga arunghung manga nabiyagan taga Babilunya masaydan sa buu nida daga.

Hirimyas 51:8

Kadaka mawayak ti Babilunya! Ihimanglaw niyu siya! Bulunga niyu kay manga biyag barang abi umayad siya.”

Hirimyas 52:31

Katpung ika-37 pag timpu kay pagkabihag ni Hari Hihuyakin taga Huda, naghari sa Babilunya si Ibil Mirudak. Pinalpasan niya si Hihuyakin pagka sa ika-25 pag sirang sa ika-12 pag bulan sa tida diman pag timpu.

Hirimyas 6:18

“Nakan kamu pag manga nasyun, pagpatingi kamu. Bantayi niyu kaayad nu hintay ti mangyari sa kanda.

Danyil 1:2

Binihag niya si Hari Hihuyakim angay sa kagustuhan Panginuun. Bin-ul diman niya ti iba pag manga kagamitan sa Balay Diyus ag dinara sa Babilunya. Ag ipinauli niya inda sa haramnuan gamit ati sa balay diyus-diyusan niya.

Danyil 3:14

Pagka rinmas-ug sida, pinaingana sida hari, “Tutuu aw unman kamu maggalang sa kang manga diyus ag unman kamu magsamba sa kang ipinatindug pag tinawu-tawu gintu?

Sipanyas 2:11

Padalaun sida Panginuun dahil papasun niya ti tanan manga diyus-diyusan sa buu kalibutan. Ag sambahun siya manga tawu sa tanan nasyun sa kanda manga banwa.”

Ipinakakit 18:2

Nangungud siya namagaw daka magkun, “Nawasak yi siya, nawasak yi ti bantug pag banwa Babilunya. Taynguna ulian yi manga labang tunda pag daga, tunda yi ti paratag-an manga labang. Asan diman ti purugadan manga manuk mayagting ag manga pag-ampuan tawu.