Hirimyas 50:19 - Hanunuu

¹⁹ Dapat pabalikun niku ti manga Israilita sa nasyun nida. Bumaliw ga manga karanidu sida magharab sa kabantudan Karmilu ag sa karatagan Basan, hanggan sa kabantudan Ipraim ag Gilyad, bag-u mabsug gid sida.

Hirimyas 50:19 Iomraidhean Croise

Isra 2:1

Inda ti manga Israilita sa purubinsiya Huda ti binihag kaybi ni Hari Nabukudunusur ag dinara sa Babilunya. Taynguna, nag-ighit sida sa tunda pag rugar ag nagbalik yi sa Hirusalim hanggan sa kanda sadili manga banwa sa Huda.

Kanta ni Sulumun 6:5

Danga aku pagturuna dahil unman aku pumadugay bumantay sa kanmu. Kanmu buhuk parihu sa kadamlan manga kambing maglus-ug ginan sa Bantud Gilyad.

Isayas 33:9

Kaawaawa ti daga Israil. Magkarubay ti manga kayu sa Libanun, ag magkay-a. Nagbaliw pangawakawaan ti karatagan Sarun. Magkararagdag ti manga labung manga puun kayu sa Basan hanggan sa Karmilu.

Isayas 35:2

Manganta ag manringgit sa kabayaan ti pangawakawaan ga tawu, ag mamuklad ti mayamu pag busang. Bumaliw marinu inda parihu sa Bantud Libanun, ag mamurak inda abunda parihu sa karatagan Karmilu ag Sarun. Ag miburayhaw sitay ti kamaskihan ag kadayawan Panginuun nita Diyus.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 3:18

Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 30:18

Magkun waya ti Panginuun, “Utru niku ibalik ti kayamanan manga banwa sa linahi ni Hakub ag kaawaan niku sida. Ti banwa hanggan ti balay hari winayak ipatindug maan sa daan nagpatindugan.

Hirimyas 30:7

Masyadu gid madala nu rumas-ug yi tida pag sirang, unman gid inda may kaparihu. Udas kakurian manga lahi ni Hakub, dapat maribri sida sa uryan baliwa ginan sa tida pag kahamtangan.

Hirimyas 31:14

Pakan-an niku mayamu pag handug ti manga manughandug. Busugun niku abunda pag papalad kang manga nasakupan. Aku, ti Panginuun, ti magbagaw inda.”

Hirimyas 31:25

Dahil paharyun niku ti manga magkagasa, busugun niku ti manga magpanlumuy dahil sa lun-us. Nakan sabihun manga tawu,

Hirimyas 31:6

Rumas-ug ti sirang ti manga manugbantay sa banwa manhuyaw ati sa kabantudan Ipraim, ‘Abala kamu, atag kita sa Hirusalim agud mansamba sa Panginuun nita Diyus.’ ”

Hirimyas 32:37

Tipunun niku ti manga nasakupan niku ginan sa tanan nasyun kinalatan niku sa kanda dahil sa kang masyadu pag galit sa kanda. Utru niku sida darahun sa inda pag rugar ag mangabuhi sida sa mahusay.

Hirimyas 46:27

“Dapat kamu pag manga taga Israil linahi niku manugsirbi ni Hakub, danga kamu magpanlubay ngatay magkadala. Dahil iribri di niku kamu ginan sa arayu pag rugar nu naan kamu pag binihag. Utru kamu mangabuhi may kahusayan ag unman may rumas-ug kadautan sa kanyu, balaw diman may una si unu ti pumadala sa kanyu.

Hirimyas 50:6

“Ti manga nasakupan niku ga manga karanidu nagtalalang. Pinabay-anan sida manga manug-alaga nida ati sa kabantudan ag katagudtudan bag-u udyi nida alam ti dalan sa mag-uli.

Isikil 11:17

Nakan aku, ti Panginuun Diyus, magbagaw magkun tipunun niku kamu ginan sa manga nasyun nu naan pag nagkarawayak kamu, ag ipakaun maan niku sa kanyu ti daga Israil.

Isikil 36:24

Dahil bul-un niku kamu sa tuhay-tuhay pag manga nasyun bag-u pabalikun sa kanyu sadili daga.

Isikil 36:33

Magkun waya ti Panginuun Diyus, “Sa udas lumpiyuhun niku kamu sa tanan niyu manga kasalanan, pauliun maan niku kamu sa kanyu manga banwa, ag ipatindug uman niyu kanyu manga nagkaradaut pag manga rugar.

Isikil 38:8

Dahil aban suguun niku kamu giraha ti Israil, sa kadugayun panahun namung-aw dahil nawasak sa labanan. Dapat ipinatindug uman inda ag sa tunda diman pag udas nakabalik yi ti manga nasakupan inda sa bantud Israil ginan sa manga nasyun ag mag-ulian yi may kahusayan.

Isikil 47:18

“Ti katugkaan sa butlakan ginan sa katugkaan Hauran ag Damasku atabug sa Sapa Hurdan (ti maghiwalay sa Gilyad ag sa daga Israil) atabug sa Dagat Namatay tugka sa Tamar. Imaw tunda ti katugkaan sa butlakan.

Mikas 7:14

Magdarangin ti manga Israilita magkun, “Panginuun, bantayan nimu kami kanmu manga nasakupan parihu sa magbantay manug-alaga sa kay manga karanidu. Ti manga daga sa kanmi palibut may marinu pag pasturan, dapat kami magkabuhi sa pangawakawaan kami-kami lang. Padakaa maan nimu kanmi magkaakupahan daga tugka sa Basan ag sa Gilyad parihu ga kaybi.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Sakaryas 10:10

Pauliun niku sida ginan sa Ihiptu ag Asirya, ag mangulian sida sa kanda rugar tugka sa Gilyad ag Libanun. Bumaliw masiut sida sa kanda kadagaan.

Bilang 32:1

Ti manga lahi ni Rubin hanggan ni Gad mayamu gid kanda manga hayup. Nakan pagka nakitan nida mayad pag daga ti Hasir hanggan ti Gilyad para sa manga hayup,

Bilang 32:4

ti manga rugar nasakup Panginuun sa panab-anan manga Israilita — mayad pag rugar para sa manga hayup, ag kami kanyu suruguun mayamu hayup.

Huswi 17:15

Nagsagut si Huswi, “Nu mayamu gid waydi kamu ag diit lang para sa kanyu ti manga kabantudan Ipraim, pag-atag kamu sa katalunan manga Pirisiyu ag manga Ripaimiyu. Pagrayaw kamu ati pag rugar para sa kanyu sadili.”