Hirimyas 50:17 - Hanunuu

¹⁷ “Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 50:17 Iomraidhean Croise

2 Hari 15:19

Taynguna, nag-atag si Hari Tiglat Pilisir taga Asirya sa Israil hampay man-gira. Pinakan-an ni Minahim si Tiglat Pilisir manga 35 ka tunilada pilak hampay awatan siya ni Tiglat Pilisir rumig-un waya gid kay maghari.

2 Hari 15:29

Pagka sa udas maghari si Pika, ginira ni Hari Tiglat Pilisir taga Asirya ti Israil, ag inagaw niya ti banwa Iyun, Abil Bit Maaka, Hanuwa, Kidis, ag Hasur. Naagaw diman niya ti Gilyad, Galiliya, ag ti tanan daga Niptali. Ag dinara niya kay manga nasakupan sa Asirya bilang bihag.

2 Hari 24:1

Katpung udas maghari si Hihuyakim, ginira ni Hari Nabukudunusur taga Babilunya ti Huda ag sinakup niya si Hihuyakim sa sulud tulu ka timpu. Dapat pagka sa uryan naglaban si Hihuyakim sa kan Nabukudunusur.

2 Hari 24:10

Pagka udas niya maghari, ti manga takinan ni Hari Nabukudunusur taga Babilunya naggira sa Hirusalim, ag pinalibutan nida inda.

2 Hari 25:1

Pagka sa ikasiyam pag timpu kay maghari ni Sidikyas, sa ikasampulu pag sirang sa ikasampulu pag bulan, naggira si Hari Nabukudunusur taga Babilunya hanggan ti tanan niya sundalu sa Hirusalim. Nagkampu sida sa luwas banwa ag nagbuwat manga tumpuk daga sa sangput alad batu agud makadayik.

2 Krunika 28:20

Nakan pagras-ug ni Hari Tigrat Pilisir taga Asirya, inapiki niya si Akas sa halip awatan.

2 Krunika 33:11

Nakan ipinagira sida Panginuun sa manga sundalu Asirya. Binihag nida si Manasis, pinaulian barung sa irung, tinarikadahan, ag dinara sa Babilunya.

Isayas 15:9

Nagbaliw maragang sa dugu ti danum Dibun, dapat balaw lang katunda kang buwatun: Mamadara aku manga liyun mankub sa manga nakapalagiw ginan sa Muab hanggan sa manga natayak.

Isayas 47:6

Nangisug aku sa kang nasakupan ag ipinurya niku sida. Nakan ipinakaun niku sida sa kanmu manga kamang, balaw nimu sida kinaawaan. Una ti manga gurangun kanmu hinigpitan.

Hirimyas 10:25

Ipasamit duy nimu kanmu pangagalit sa manga nasyun balaw magkilala sa kanmu hanggan sa manga tawu balaw magdulud sa kanmu. Dahil tinabu duy nida ti linahi ni Hakub, ag pinandaut kay manga ulian nida.

Hirimyas 2:15

Kay manga kalaban ga manga liyun mag-ngurub sa kanya. Dinaut nida kay daga, inirub kay manga banwa ag balaw yi inda pag-ulian.

Hirimyas 21:7

Ag kawu Sidikyas, hari sa Huda, kanmu manga takinan, hanggan ti manga nasakupan nasawad balaw namatay sa sarut, sa girahan, ngatay sa lun-us ipakaun niku sa kan Hari Nabukudunusur sa Babilunya ag sa kanyu iba manga kalaban. Bag-u panmatyun niya kamu unman may pangaawa. Aku, ti Panginuun, ti magsabi inda.’

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 49:19

Kadaka niku girahun ti Idum ga liyun ginan sa katalunan Sapa Hurdan atag sa pasturan may mayamu karanidu. Manpalalagiwan sida, ag pamahalaun niku sa Idum ti tawu pinili niku. Si unu ti maiparihu sa kangku? Si unu ti pumanghas kuntay kalabanun sa aku? Si unu pag takinan ti manlaban sa kangku?

Hirimyas 5:17

Tabuhun nida kanyu manga ani, manga karan-unun, hanggan manga ubas ag manga igus. Matyun nida kanyu manga hayup hanggan kanyu manga anak. Dautun nida ti manga may alad batu pag banwa, imaw mana kanyu pagsarigan.

Hirimyas 5:6

Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Hirimyas 50:6

“Ti manga nasakupan niku ga manga karanidu nagtalalang. Pinabay-anan sida manga manug-alaga nida ati sa kabantudan ag katagudtudan bag-u udyi nida alam ti dalan sa mag-uli.

Hirimyas 51:38

Ti manga taga Babilunya man-ngurub ga manga liyun.

Hirimyas 52:1

Si Sidikyas 21 ka timpu kay idad pagka naghari siya. Sa Hirusalim siya pag mag-uli ag naghari siya sa sulud 11 ka timpu. Kay ina niya si Hamutal kay anak ni Hirimyas taga Libna.

Isikil 34:12

Bumaliw aku parihu sa manug-alaga maghanap karanidu nagkaralat. Iribri niku sida sa tanan rugar nu naan sida nagkarawatak katpung udas kaguluhan.

Danyil 6:24

Nakan nagsugu ti hari kuntay ti tanan nagbangdan sa kan Danyil yamtan sa may liyun kali hanggan kanda manga asawa ag manga anak. Udwaya sida mag-idna sa sirung dinuksulan yi sida manga liyun ag pinanwayak.

Huwil 3:2

tipunun niku ti tanan nasyun bag-u darahun niku sida sa Karatagan ni Husapat. Ati sida pagpihuun niku dahil sa kanda binwat sa kang nasakupan manga Israilita. Pinanwayak nida ti manga Israilita sa tuhay-tuhay pag nasyun ag hinuray-huray kang daga.

1 Pidru 2:25

Kaybi kamu nanwayak-wayak yi parihu ga manga karanidu tinmalang, dapat taynguna tinipun maan kamu Manug-alaga, imaw ti manuggiya niyu manga karadwa.