Hirimyas 50:15 - Hanunuu

¹⁵ Paghuyaw kamu laban sa kanya sa tanan pag rugar! Bantayi niyu! Nag-ampu yi ti Babilunya! Magkawayak yi kay manga bantayaw ag nagkarapugdak yi ti manga alad batu niya. Ti Panginuun ti nagbalus sa kanya. Nakan balusan niyu siya ag buwatun niyu sa kanya ti binuwat niya sa iba.

Hirimyas 50:15 Iomraidhean Croise

1 Krunika 29:24

Nagtaratu ti tanan may kangaranan hanggan ti makapangyarihan pag manga tawu, ag ti tanan anak lalaki ni Hari Dabid pumasakup sa kan Hari Sulumun.

2 Krunika 30:8

Nakan danga maganit kanyu ulu parihu sa kanyu manga ginurang, nu unman pagpasakup kamu sa Panginuun. Pag-atag kamu sa Balay Diyus kay pinabanal hanggan aban. Ag pagsirbi kamu sa Panginuun niyu Diyus, hampay madura ti masyadu niya pag galit sa kanyu.

Kanta 149:7

sa pagbalus ag pagparusa sa manga nasakupan manga nasyun,

Kanta 94:1

Panginuun, kawu ti Diyus magbalus; pakakitan kanmu pangagalit.

Isayas 59:17

Ti katadlungan imaw kay panangga sa kay dubdub ag kalu baul ti karibrihan. Isulung niya ga rutay ti manhimalus ag masyadu gid niya pag-isug.

Isayas 59:18

Balusan niya kay manga kalaban angay sa kanda binwat, hanggan yi ti manga ati sa ararayu pag daga. Malakawan gid nida kay pangaisug.

Isayas 61:2

Sinugu diman niya aku hampay ibarita kuntay taynguna yi pag panahun pag-iribri Panginuun kay manga nasakupan ag parusahan kanda manga kalaban. Sinugu diman niya aku hampay libangun ti manga maruku sa Siun, sa halip mamauli sida dapug, kurunahan ngap ngatay paulian lana kanda ulu tanda nida kabayaan. Bumaliw sida ga puun kayu matibay itinanum Panginuun. Kilalan-un sida matadlung pag tawu para sa ikadayaw Panginuun.

Isayas 63:4

Binwat niku inda dahil rinmas-ug yi ti sirang pagbalus niku sa kang manga kalaban ag iribri niku kang manga nasakupan.

Hirimyas 46:10

Dapat manalu ti Panginuun Diyus Makamaskihan sa inda pag girahan. Bumalus siya sa manga kalaban niya sa inda pag sirang. Ti baladaw niya ga lun-us pag hayup humalun sa kanda ag uminum sa dugu nida tugka sa mabsug. Ti manga bangkay nida ga manga handug sa Panginuun Diyus Makamaskihan ati sa daga sa kanaway arani sa Sapa Iyupratis.

Hirimyas 50:14

“Kamu pag manga manugpana, paghatay yi kamu sa kanyu palastar sa sangput Babilunya. Panaun niyu siya dahil nagsalan siya sa Panginuun.

Hirimyas 50:25

Binukasan niku kang taraguan manga armas ag ipinalwas niku ti manga armas dahil sa kang pangagalit. Dahil aku, ti Panginuun Diyus Makamaskihan may buwatun sa kanmu, Babilunya.

Hirimyas 50:44

“Kadaka niku girahun ti Babilunya parihu sa liyun ginan sa katalunan arani sa Sapa Hurdan, manggira atabug sa pasturan mayamu karanidu. Manlinayas sida, ag mamili aku tawu mandumara sa Babilunya. Si unu ti maiparihu sa kangku? Si unu ti pumanghas kalabanun aku? Si unu pag takinan ti lumaban sa kangku?

Hirimyas 51:11

Mamalus ti Panginuun sa Babilunya dahil sa pagguba sa Balay Diyus niya. Ginanyat Panginuun ti manga hari sa Midya hampay wasakun ti Babilunya dahil inda ti turunu niya. Magkun siya, “Asaa niyu kanyu manga ugyung ag alistuhan kanyu manga panangga.

Hirimyas 51:14

Nanumpa ti Panginuun Makamaskihan sa kay sadili niya magkun siya, “Ipagira gid niku kamu sa kayamuan kalaban parihu kay kayamu sa apan, ag manhuyaw sida panalu laban sa kanyu.”

Hirimyas 51:24

“Manga nasakupan niku, ipakakit niku sa kanyu kang pagbalus sa Babilunya hanggan sa kay nasakupan inda dahil sa tanan kadautan binwat nida sa Hirusalim. Aku, ti Panginuun, ti magsabi inda.

Hirimyas 51:25

“Kalaban niku kawu, Babilunya, kawu ti pag-ingarnan Bantud Manugwayak! Winayak nimu ti buu kalibutan. Gamitun niku kang kamaskihan hampay dautun ag irubun kawu.

Hirimyas 51:30

Umapas ti manga sundalu Babilunya sa paglaban ag mamirmaminti yi lang sida sa kanda kampu. Manlumuy sida ga malumuy pag babayi. Mairub ti manga balay sa Babilunya ag madaut ti manga sabian.

Hirimyas 51:36

Nakan magkun ti Panginuun, “Manga taga Hirusalim, apinan niku kamu ag mamalus aku para sa kanyu. Pamarahun niku ti dagat ag ti manga bulbugan sa Babilunya.

Hirimyas 51:44

Parusahan niku si Bil pag diyus-diyusan sa Babilunya. Ipasuka niku sa kanya kay manga hinalun. Balaw yi siya duludun manga nasyun hampay sambahun. Nagpu yi ti manga alad batu sa Babilunya.

Hirimyas 51:58

Magkun waya ti Panginuun Makamaskihan, “Wasakun ti madamul pag alad batu sa Babilunya ag irubun ti arabwat niya pag sabian. Bumaliw unman may pulus ti tanan binudlayan niya manga nasakupan dahil ti tanan tida mairub lang.”

Hirimyas 51:6

“Pagpalagiw kamu ginan sa Babilunya! Iribri niyu kanyu buhi. Balaw kamu kailangan mamatay dahil sa kasalanan Babilunya. Udas yi hampay balusan niku siya angay sa kay manga binwat niya.

Hirimyas 51:64

Ag sabihun nimu, ‘Katunda ti mangyari sa Babilunya, mitagbung ag udyi lumutaw waya dahil sa manga kadamhakan ipalakaw Panginuun sa kanya. Magkaramatay kay nasakupan niya.’ ” Inda ti uryan pag itinultul ni Hirimyas.

Karukuan 5:6

Napasakup kami sa manga taga Ihiptu hanggan sa taga Asirya hampay lang may karan-unun kami.

Isikil 17:18

Linabag hari Huda ti kasunduan kay sinumpaan tupadun sa hari Babilunya, nakan balaw gid siya makaribri.

Isikil 21:22

Ti mabunut niya pag ugyung imaw ti may marka Hirusalim. Bag-u manringgit siya sa pagsalakay sa Hirusalim ag panmatayun ti manga mag-uli siyun. Mamauli siya daraka pag manga batang panrup-ag sa sabian Hirusalim. Mamuwat siya daraykan ag mantumpuk daga sa habig alad batu banwa hampay madayik inda.

Nahum 1:2

Balaw magkaibug ti Panginuun Diyus mansamba ti manga tawu sa tuhay pag manga diyus. Galit siya sa kay manga kalaban ag balusan niya sida.

Matiyu 7:2

Dahil pihuun kamu Diyus angay sa kanyu magpihu sa iba nu daut nu mayad. Kanyu gamitun pag panukat sa iba imaw diman pag panukat ti gamitun Diyus sa kanyu.

Lukas 21:22

Dahil tunda yi ti kaudasan kaparusahan hampay matupad ti tanan manga bagay isinurat sa Banal Kasuratan.

Ruma 12:19

Manga mayad patar-ari, danga kamu magbalus. Ipabahala niyu tunda sa Diyus. Dahil nakasurat sa Banal Kasuratan magkun, “Magkun ti Panginuun, aku ti bahala magganti, pihu gumanti aku.”

Ruma 3:5

Dapat nu kanta kadautan tigpakilala ngap sa kay katadlungan Diyus, unman aw lugud masabi nita ti Diyus salan kay sintinsiya nu kita pagparusahan niya? Katunda ngani ti tawu kay pamagawan.

Diyuturunumiyu 32:35

Nagbagaw siya, “Aku ti bumalus ag pumarusa sa kanda, dahil rumas-ug ti kaudasan miligsay gid sida. Arani yi rumas-ug kanda kadamhakan. Balaw yi inda dugay.”

Diyuturunumiyu 32:41

asaun niku kang magkislap pag baladaw ag gamitun niku inda sa pagparusa. Balusan niku kang manga kalaban ag pabayadun ti manga magdumut sa kangku.

Diyuturunumiyu 32:43

Kamu pag manga nasyun, dayawa niyu ti nasakupan Panginuun, dahil balusan Panginuun ti manga nagmatay sa kay manga manugsirbi. Balusan niya kay manga kalaban, ag linisun niya kay daga hanggan kay manga nasakupan.

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Huswi 6:20

Pinatunug manga manughandug kanda manga budyung, bag-u nanriringgitan ti manga Israilita pagka nadnugan nida inda. Nagkaratumpag gid ti alad batu sa banwa ag nansalakay sida. Nakasulud sida unman may ampara, bag-u nasakup nida ti banwa.

Huswi 6:5

Nu madnugan yi niyu ti aba pag tunug nida budyung, pagringgit mabaskug kamu tanan. Bag-u matumpag ti alad batu banwa ag makasulud kamu tanan unman may ampara.”

Ipinakakit 16:6

Pinalanas nida ti dugu manga tawu napasakup sa kanmu hanggan ti dugu manga purupita. Taynguna pinakan-an nimu sida dugu kanda yi irinmun. Tida ti angay yi gid ngani sa kanda binwat kasalanan.”

Ipinakakit 18:6

Buwatun niyu sa kanya ga kay diman binwat sa kanyu. Pagbalus kamu sa kanya malamang man sa kay binwat sa kanyu. Pun-a niyu irinmun kay ungut subra waya kay pait sa kay inalistu irinmun niya sa kanyu.

Ipinakakit 19:2

Dahil matadlung ag kang-ud kay manga sintinsiya. Sinintinsiyahan niya ti bantug pag babayi uragin, imaw nakan ti nagbuwat kadautan sa babaw daga. Pinarusahan siya Diyus dahil minatay niya ti manga suruguun Diyus.”

1 Samwil 15:33

Dapat magkun si Samwil, “Nu kabitay ti kayamuan ina naduraan anak dahil sa pagmatay nimu, taynguna, maduraan diman anak kanmu ina.” Bag-u tinigbas ni Samwil si Agag sa atubangan Panginuun sa Gilgal.