Hirimyas 50:14 - Hanunuu

¹⁴ “Kamu pag manga manugpana, paghatay yi kamu sa kanyu palastar sa sangput Babilunya. Panaun niyu siya dahil nagsalan siya sa Panginuun.

Hirimyas 50:14 Iomraidhean Croise

2 Samwil 10:9

Pagka nakitan ni Huab may manga kalaban sa sarangwan hanggan sa aday-an, nagpili siya manga anad pag sundalu Israil, bag-u pinangunahan niya sida sa maglaban sa manga Aramiyu.

Kanta 51:4

Sa kanmu lang gid aku nagsalan. Binwat niku ti manga bagay daut sa kanmu magbantay. Nakan tama kawu sa kanmu manga pagbagawun laban sa kangku. Balaw kawu nagsalan sa kanmu pagsintinsiya sa kangku.

Isayas 13:4

Patingihi niyu ti iringayan mayamu tawu sa bantud. Patingihi niyu ti iringayan manga kaharian hanggan nasyun magtiripun. Pagtipunun Panginuun Makamaskihan kay manga sundalu para sa girahan.

Isayas 5:28

Maratarum kanda manga ugyung, alistu kanda manga bayi. Ti kuku nida manga kabayu parihu sa maganit pag batu, ag ti buyung nida gulung kalisa ga buhawi.

Hirimyas 46:9

“Sigi, manga taga Ihiptu, papalagiwun yi niyu ti manga kabayu ag kalisa niyu! Paggira yi kamu hanggan ti tanan manga kakampi niyu ginan sa Itiyupya, Put, ag Lidya anad sa maggamit manga panangga ag ugyung.

Hirimyas 49:14

Nadnugan niku ti barita ginan sa Panginuun kuntay nagpadara siya sinugu sa manga nasyun hampay paalistuhun sida sa girahan ag garyahun sida girahun ti nasyun Idum.

Hirimyas 49:35

Magkun ti Panginuun Makamaskihan, “Matyun niku ti manga manugpana sa Ilam — ti pinakamapantuk nida pag manga sundalu.

Hirimyas 50:11

“Manga taga Babilunya, bin-ul niyu ti magkaapu manga nasakupan niku. Nakabaya kamu ag masulung ga sa dumaraga baka sa pasturan ngatay kabayu maghiri-hiri.

Hirimyas 50:29

“Tawaga niyu ti manga manugpana hampay man-gira sa Babilunya! Sangputan niyu hampay unman may makapalagiw. Balusi niyu siya sa kay binuwat; buwata niyu sa kanya ti binuwat niya sa iba dahil linabanan niya ti Panginuun, ti Banal pag Diyus sa Israil.

Hirimyas 50:42

Kanda dara armas manga ugyung ag manga bangkaw. Mahigpit sida ag unman may pangaawa. Kanda ingay ga marabaskug pag humbak habang masakyan sida sa kanda manga kabayu. Rumas-ug sida nakaalistu hampay girahun kamu pag manga taga Babilunya.

Hirimyas 50:7

Siniba sida manga nakakit sa kanda. Magkun ti manga kalaban nida, ‘Nagsalan sida sa Panginuun imaw ti tutuu nida paraharyan ag pagsarigan manga kaumputan nida nakan unman kita may kasalanan sa kanta paggira sa kanda.’

Hirimyas 50:9

Dahil ipagira niku ti Babilunya sa gurupu manga makapangyarihan pag nasyun ginan sa kanaway baliwa. Girahun nida ti Babilunya ag masakup nida inda. Anad kanda manga manugpana ag unman may paltus kanda magpana.

Hirimyas 51:2

Mamadara aku manga day-uhan hampay girahun ag wasakun ti Babilunya parihu sa upa payagun durus. Girahun nida ti Babilunya sa tanan bahagi sa sirang kadamhakan inda.

Hirimyas 51:27

Paabwatan ti bandira tanda sa paggira! Patunugan ti budyung sa manga nasyun! Ialistu sida hampay girahun ti Babilunya. Sugua man-gira ti manga sundalu sa Ararat, Mini ag Askinas. Pagpili kamu takinan hampay girahun ti Babilunya. Pagpadara kamu manga kabayu parihu kay kayamu sa manga apan.

Hirimyas 51:3

Balaw yi magkaimaw udas ti manga manugpana taga Babilunya kuntay magamit kanda ugyung ngatay manga panangga nida. Unman sida may sawadan kalay-awan lalaki. Lubus nida rurisun ti manga sundalu sa Babilunya.

Habakuk 2:17

Binungul niyu ti manga kayu sa Libanun, ag dahil siyun nagkaramatay ti manga hayup ati. Nakan dautun diman kamu ag takigan sa kadalaan. Mangyari inda sa kanyu dahil sa pagmatay niyu sa manga tawu ag sa pagdaut niyu sa kanda manga daga hanggan manga banwa.

Habakuk 2:8

Dahil mayamu pag manga nasyun kanyu inagawan manga kasiyunan, kamu waydi ti agawan manga tawu nasawad sa inda pag manga nasyun. Mangyari inda sa kanyu dahil sa pagmatay niyu sa manga tawu ag dinaut niyu kanda manga daga hanggan manga banwa.

Ipinakakit 17:5

Nisurat sa kay bangas ti usa ka ngaran tagu kay kahulugan magkun, “Ti bantug pag banwa Babilunya, ti ina manga magpanguragin hanggan tanan kahalayan sa babaw daga.”

1 Samwil 17:20

Pagka aldaw surip binmangun si Dabid ihinanda ti manga pagkaun dararahun niya. Tinayakan niya kay manga karanidu sa usa ka manugbantay karanidu bag-u siya inmalis angay sa kay sugu ni Isai. Pagka siya ati yi sa kampu manga Israilita, magluwas ti manga sundalu maghuruyawan hampay manlaban.