Hirimyas 50:13 - Hanunuu

¹³ Dahil sa galit niku, udyi may mangulian sa Babilunya ag bumaliw mapung-aw inda. Madiklahan gid ag manhikrab ti tanan lumawuy sitay dahil sa tanan nangyari sa inda pag nasyun.

Hirimyas 50:13 Iomraidhean Croise

Hub 27:23

May magpalakpak ag magpanitsit magpuya sa kanya dahil nadura siya sa kay pag-ulian.”

Hirimyas 18:16

Bumaliw mapanglaw kanda daga ag puyaan hanggan aban. Ti tanan maglawuy mangil-ilung ag manhikrab.

Hirimyas 19:8

Wasakun niku inda pag banwa ag bumaliw puruyaun. Ti manga maglawuy manhikrab gid ag managutsut dahil sa nangyari sitay.

Hirimyas 25:12

“Dapat pagkalawuy 70 ka timpu, parusahan diman niku ti hari Babilunya hanggan ti manga nasakupan niya dahil sa manga kasalanan nida. Ag buwatun diman niku maruku kanda nasyun hanggan aban.

Hirimyas 34:22

suguun niku sida giraha maan kamu, sakupun ag sunugun. Buwatun niku mapung-aw ti manga banwa sa Huda ag udyi may mangulianan siyun. Aku, ti Panginuun, ti magsabi inda.”

Hirimyas 49:17

Magkun waya ti Panginuun, “Bumaliw makadarala ti kahamtangan Idum. Ti tanan maglawuy manhikrab ag harus unman makapasnu sa nangyari sa inda pag nasyun.

Hirimyas 50:3

Dahil girahun ti Babilunya usa ka nasyun ginan sa kanaway, ag bumaliw mapung-aw inda pag rugar. Unman yi may mangulian sitay dahil malagiw kay manga nasakupan hanggan ti manga hayup.

Hirimyas 51:26

Unman may una hintay pag batu ti mab-ul sa kanmu hampay gamitun sa pagpatindug balay. Bumaliw maruku ti kahamtangan nimu hanggan waya aban. Aku, ti Panginuun, ti magsabi inda.”

Hirimyas 51:29

Ga tawu pagtakigan ag magpabaring-baring sa sakit ti Babilunya, dahil buwatun Panginuun kay gayak laban siyun, unman yi may mangulian ag bumaliw mapung-aw tunda pag rugar.

Hirimyas 51:37

Wasakun niku inda pag nasyun! Bumaliw karasarin-an ag makasurumpa inda pag nasyun, ag unman yi may mangulian sitay nu unman manga talun idu.

Hirimyas 51:62

Rargu pandarangin kawu, ‘Ungud Panginuun magkun duy kawu wasakun nimu inda pag rugar hampay unman may mangulian atay, una tawu ngatay hayup, ag bumaliw mapung-aw hanggan waya aban.’

Isikil 27:36

Magsagutsut ti manga manugnigusyu manga nasyun sa nadangtan nimu. Madala ti pinatabgan nimu, ag lubusan yi kawu madura tugka aban.” ’ ”

Sipanyas 2:15

Katunda ti mangyari sa banwa Ninibi, magpadayaw-dayaw kuntay unman may man-gira sa kanda ag unman may pumarihu sa kanda. Dapat lubusan yi madaut ti banwa ag ulianan wadi inda talun hayup. Ag ti kada maglawuy ati magkasari-sari magsurug sa kanda kahamtangan.”

Sakaryas 1:15

dapat galit gid aku sa manga nasyun masalimpayaan lang. Kaybi balaw masyadu kang pangagalit sa kanda, dapat dinugangan waya gid nida kang pangagalit sa kanda.

Diyuturunumiyu 29:22

“Sa aratubangun pag manga sinulput, kanyu manga lahi hanggan ti manga day-uhan ginan sa arayu pag rugar makakit manga kadamhakan ag manga sakit ipadara Panginuun sa kanyu daga.