Hirimyas 50:12 - Hanunuu

¹² Dapat ipauli niku sa kakay-ahan kanyu nasyun. Bumaliw pinakaababa inda sa tanan nasyun, ag bumaliw inda usa ka mapung-aw pag pangawakawaan.

Hirimyas 50:12 Iomraidhean Croise

Isayas 14:22

Magkun ti Panginuun Makamaskihan, “Girahun niku ag wayakun ti Babilunya. Unman aku may sawadan buhi sa inda pag rugar. Balaw may masawad sa kanda manga linahi.

Isayas 23:13

Bantayi niyu ti daga manga taga Babilunya. Naan yi inda kay manga nasakupan? Ginira tunda taga Asirya ag dinaut ti manga mapag-un pag bahagi. Pinabay-anan nida tunda guba ag nagbaliw ulian wadi manga maila hayup.

Hirimyas 12:14

Magkun waya ti Panginuun, “Inda ti buwatun niku sa tanan daut pag nasyun sa sangput Israil ti nagdaut daga ipinakaun niku sa kang nasakupan: Palayasun niku sida sa kanda daga parihu sa pagpalayas niku sa manga taga Huda sa inda ginan pag daga.

Hirimyas 15:9

May ina maduraan pitu ka anak lalaki. Matigbakan siya ag makurian sa mag-arup. Kay manga anak ga init madali mag-isangday. Mangay-a siya dahil udyi siya may anak. Ag ti manga magkasawad buhi ipamatay diman niku sa kanda manga kalaban. Aku, ti Panginuun, ti magsabi inda.”

Hirimyas 22:6

Inda ti pagsabihun Panginuun tungkul sa balay hari sa Huda: “Para sa kangku, kanmu karinuan parihu sa Gilyad ngatay sa katayungtungan bantud Libanun. Dapat buwatun niku kawu ga pangawakawaan, parihu sa usa ka banwa unman may mag-uli.

Hirimyas 25:12

“Dapat pagkalawuy 70 ka timpu, parusahan diman niku ti hari Babilunya hanggan ti manga nasakupan niya dahil sa manga kasalanan nida. Ag buwatun diman niku maruku kanda nasyun hanggan aban.

Hirimyas 25:26

ti manga nasyun sa kanaway, ararayu man ngatay ararani, hanggan ti tanan kaharian sa buu kalibutan. Ag ti uryan painman, ti Babilunya.

Hirimyas 49:2

Aku, ti Panginuun magsabi, rumas-ug ti sirang ipagira niku sa manga kalaban ti Raba. Wasakun inda kanyu banwa hanggan ti manga baryu sa kalibut irubun. Sa kainda pag paraan, matabug manga taga Israil ti manga nagtabug sa kanda.

Hirimyas 51:43

Bumaliw maruku ti manga banwa niya ga pangawakawaan yi unman may mag-uli ngatay udyi may lumawuy siyun.

Hirimyas 51:47

Rumas-ug ti udas parusahan niku ti manga diyus-diyusan sa Babilunya. Mangay-a ti buu Babilunya, ag mabugtangan ti tanan bangkay nasakupan niya.

Galasya 4:26

Dapat ti Hirusalim taga langit imaw ti bukun panawuhun, siya bilang ga kanta yi ina.

Ipinakakit 17:5

Nisurat sa kay bangas ti usa ka ngaran tagu kay kahulugan magkun, “Ti bantug pag banwa Babilunya, ti ina manga magpanguragin hanggan tanan kahalayan sa babaw daga.”