Hirimyas 50:11 - Hanunuu

¹¹ “Manga taga Babilunya, bin-ul niyu ti magkaapu manga nasakupan niku. Nakabaya kamu ag masulung ga sa dumaraga baka sa pasturan ngatay kabayu maghiri-hiri.

Hirimyas 50:11 Iomraidhean Croise

Kanta 22:12

Pagsangputun aku mayamu pag manga kalaban; parihu sida sa maraisug pag manga tudu baka sa Basan.

Kabagawan 17:5

Ti magpuya sa manga pugri magpahimudil sa Diyus naglalang sa kanda. Parusahan ti tawu magbaya sa daut nangyari sa iba.

Isayas 47:6

Nangisug aku sa kang nasakupan ag ipinurya niku sida. Nakan ipinakaun niku sida sa kanmu manga kamang, balaw nimu sida kinaawaan. Una ti manga gurangun kanmu hinigpitan.

Isayas 47:8

Nakan patingihi nimu inda, kawu mairibgun sa kasulungan ag mag-isip ribri yi. Pagsabihun nimu sa kanmu sadili kuntay kawu yi ti diyus udyi may iba waya. Pag-isipun nimu balaw kawu maburanday ngatay maduraan manga anak.

Hirimyas 12:14

Magkun waya ti Panginuun, “Inda ti buwatun niku sa tanan daut pag nasyun sa sangput Israil ti nagdaut daga ipinakaun niku sa kang nasakupan: Palayasun niku sida sa kanda daga parihu sa pagpalayas niku sa manga taga Huda sa inda ginan pag daga.

Hirimyas 46:20

Ti Ihiptu ga dumaraga baka, dapat may sarut ginan sa kanaway gumira sa kanya.

Hirimyas 46:21

Hanggan ti manga inupahan niya pag sundalu umusun ag nalagiw. Sida ga manga ibun baka pinatabul hampay iyawun. Mangyari inda dahil udas yi hampay parusahan ag wasakun ti manga taga Ihiptu.

Hirimyas 5:28

Tinmabul sida ag binmisug kanda manga bilug. Subra kanda magbuwat kadautan. Unman nida pagpakan-an katadlungan ti manga ulila ag balaw nida pag-ilaban ti karampatan manga pugri.

Hirimyas 5:8

Bilang sida ga manga lalaki kabayu pag-alagaun mayad. Ti kada usa sa kanda masyadu gid kay magkaibug sa asawa iba.

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 50:27

Matya niyu ti tanan nida manga sundalu parihu sa turiti baka. Matya niyu sida tanan. Kaawaawa sida dahil rinmas-ug yi ti udas kailangan sida parusahan.

Karukuan 1:21

Nadnugan manga tawu kang mag-arunghung, dapat unman gid may magpabisug sa kangku una di. Nadnugan tanan niku manga kalaban kang kakurian, ag nagbaya sida sa kanmu binuwat sa kangku. Mana rumas-ug yi ti sirang kanmu itinaratu parusahan nimu sida hampay bumaliw parihu diman sida sa kangku.

Isikil 35:15

dahil nagbaya kamu pagka namung-aw ti daga minana nasakupan Israil. Nakan katunda diman ti mangyari sa kanyu; bumaliw mapung-aw ti Bantud Siir hanggan ti buu Idum. Bag-u maalaman niyu aku ti Panginuun.”

Husyas 10:11

Kaybi masalibagunan lang kamu; parihu kamu sa dumaraga baka naantigu maggiuk ag tunda kay pagkaibgan pag tarabahu. Dapat taynguna pakurianan niku kamu pag manga taga Israil hanggan taga Huda; bumaliw kamu ga dumaraga baka takudan singkaw ti marinu pag liug niya ag pakurianan sa mag-aradu.

Amus 4:1

Kamu pag manga bantug pag babayi sa Samarya, parihu kamu sa manga baka sa Basan pag-alagaun mayad. Pag-api-apihun niyu ag pag-unuunuhun ti manga pugri, bag-u pagsuguun waya niyu kanyu manga asawa kuntay daran-i kamu irinmun ag manginuman kamu. Nakan patingihi niyu inda

Ubadyas 1:12

Balaw kamu dapat nagbaya sa udas kadamhakan niyu manga linahi taga Huda. Balaw kamu dapat nagbaya sa udas nida pagkaruris. Ag balaw kamu dapat nagpadayaw sa udas nida kakurian.

Habakuk 1:15

Masulung magdaus ti manga taga Babilunya sa kanda pagbihag sa kanda manga kalaban, ga isda nablay sa banwit ngatay sa lambat.

Sakaryas 14:12

Inda pag manga sarut ipadara Panginuun sa tanan nasyun nan-gira sa Hirusalim: Mabuyuk kanda manga bilug, mata, ag dila una buhi waya sida.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.