Hirimyas 50:10 - Hanunuu

¹⁰ Pamul-un nida ti manga kasiyunan Babilunya ag pihu gid manalaw sida. Aku, ti Panginuun, ti magsabi inda.

Hirimyas 50:10 Iomraidhean Croise

Isayas 33:23

Ti Hirusalim taynguna ga sarakyan sa dagat maluag kay manga higut ag tuladuk, ag balaw mag-ibuklad kay layag. Dapat rumas-ug ti sirang mayamu pag kasiyunan ti pamul-un Hirusalim sa kay manga kalaban. Una ti manga pilay ayawan kanda kahuray.

Isayas 33:4

Pamul-un kanda manga kasiyunan; miparihu sida sa tanum rinugpuan apan.

Isayas 45:3

Ipakaun niku sa kanmu ti manga mataguan pag kayamanan, hampay maalaman nimu aku ti Panginuun, ti Diyus Israil imaw ti nagtawag sa kanmu.

Hirimyas 25:12

“Dapat pagkalawuy 70 ka timpu, parusahan diman niku ti hari Babilunya hanggan ti manga nasakupan niya dahil sa manga kasalanan nida. Ag buwatun diman niku maruku kanda nasyun hanggan aban.

Hirimyas 27:7

Ti tanan nasyun sumirbi sa kanya, sa kay anak, hanggan sa kay laki tugka sa marangga ti kaharian Babilunya. Bag-u ti Babilunya maan ti sumirbi sa mayamu pag nasyun hanggan sa manga makapangyarihan pag hari.

Hirimyas 50:26

“Manga kalaban Babilunya, ati sa arayu pag rugar, giraha yi niyu ti Babilunya! Bukasi niyu ti manga balay haramnuan niya. Tipuna niyu kanyu manga nab-ul parihu sa tirigu. Rurisa yi niyu lubus ti manga taga Babilunya ag danga kamu magsawad una di usa.

Hirimyas 50:37

Mitama inda sa kay manga kabayu, manga kalisa, ag sa tanan magkampi sa kanya. Bag-u lumumuy sida ga babayi! Mitama diman inda sa manga kayamanan niya ag pamul-un inda tanan.

Hirimyas 51:24

“Manga nasakupan niku, ipakakit niku sa kanyu kang pagbalus sa Babilunya hanggan sa kay nasakupan inda dahil sa tanan kadautan binwat nida sa Hirusalim. Aku, ti Panginuun, ti magsabi inda.

Isikil 11:24

Bag-u nakitan niku sa pangakakitun ipinakaun sa kangku Ispiritu Diyus, ipinaabwat niya aku ag dinara pabalik sa manga bihag sa Babilunya. Ag ati natapus kang pangakakitun tungkul sa Hirusalim.

Habakuk 2:8

Dahil mayamu pag manga nasyun kanyu inagawan manga kasiyunan, kamu waydi ti agawan manga tawu nasawad sa inda pag manga nasyun. Mangyari inda sa kanyu dahil sa pagmatay niyu sa manga tawu ag dinaut niyu kanda manga daga hanggan manga banwa.

Ipinakakit 17:16

Ti sampulu ka sungay kanmu nakitan hanggan ti hayup malangas magalit aban sa bantug pag babayi uragin. Agawun nida ti tanan kasiyunan niya bag-u lukasun nida kay rutay. Kan-un nida kay nayi bag-u sunugun nida siya sa apuy.