Hirimyas 5:6 - Hanunuu

⁶ Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Hirimyas 5:6 Iomraidhean Croise

2 Krunika 36:14

Katida diman ti tanan pangulu manughandug ag ti manga nasakupan unman nagbaliw matinupadun sa Diyus. Sinunud nida ti mayagting pag manga pagbuwatun iba pag manga nasyun ag inuringan nida ti Balay Diyus Panginuun, pag itigana banal sa Hirusalim.

Isra 10:10

Bag-u nagtindug si Isra imaw ti manughandug, magkun tag sa kanda, “Nagkasala kamu dahil nangasawa kamu manga balaw Israilita. Dinugangan waya gid niyu ti kasalanan Israil.

Isra 9:6

Magkun aku, “Diyus niku, magkay-a gid aku. Unman aku makatangda sa kanmu sa masyadu pag kay-a, dahil masyadu gid kanmi manga kasalanan; ga lapaw yi inda sa kanmi manga ulu ag nag-aput yi sa langit.

Hub 10:16

Paghingbutun niku makabangun, dapat pagtiidan nimu aku parihu sa liyun hampay midamhak. Pag-ipakakit nimu kanmu kamaskihan laban sa kangku.

Kanta 104:20

Binwat nimu ti linalang nimu ti kadudulman; ag nu yabi maglinakaw ti mayamu pag manga hayup sa katalunan.

Kanta 80:13

Bag-u pagkan-un inda manga talun babuy hanggan iba waya talun hayup.

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 59:12

Dahil masyadu yi mayamu kanta manga kasalanan sa Diyus imaw ti puruyba kuntay kailangan maparusahan kita. Pihu alam diman waydi nita magbuwat kita kadautan.

Hirimyas 14:7

Magkun ti manga tawu, “Panginuun nagsalan duy kami sa kanmu. Pirmi kami magpakarayu sa kanmu, nakan dapat lang kami parusahan. Dapat awati duy nimu kami, sa ikadayaw nimu ngaran.

Hirimyas 2:15

Kay manga kalaban ga manga liyun mag-ngurub sa kanya. Dinaut nida kay daga, inirub kay manga banwa ag balaw yi inda pag-ulian.

Hirimyas 2:17

“Kamu di waydi manga Israilita ti nagdara inda pag kadamhakan sa kanyu sadili. Dahil dinayu niyu aku, ti Panginuun niyu Diyus, ti naggiya sa kanyu maglakaw.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 2:31

“Kamu pag manga nasakupan sa inda pag sinulput, patingihi niyu ti pagsabihun niku. Aku aw ga usa ka pangawakawaan para sa kanyu manga taga Israil, aw ngatay ga usa ka rugar masyadu madulum? Hayga pagsabihun niyu kuntay, ‘Bahala yi kami sa gustu nimi buwatun. Dayi kami pakarani sa Diyus.’

Hirimyas 25:38

Ti Panginuun ga liyun magluwas sa lukib hampay manligaw kay turukbun. Bumaliw mapung-aw kanyu daga dahil sa paggira kalaban, hanggan dahil sa masyadu pangagalit Panginuun.

Hirimyas 30:14

Nalimtan yi kamu manga kakampi niyu pag nasyun, udyi kamu pagbatiun nida. Ginira niku kamu parihu sa paggira kalaban. Masyadu kang parusa sa kanyu dahil masyadu ag mayamu kanyu kasalanan.

Hirimyas 30:15

Danga kamu magdangup kuntay balaw yi mag-ayad kanyu biyag. Pagparusahan niku kamu dahil masyadu ag mayamu kanyu kasalanan.

Hirimyas 30:24

Balaw gid madura kang pangagalit tugka sa unman niku magkabwat kang gustu buwatun. Sa manga uryan sirang, masalman di niyu inda.”

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 49:19

Kadaka niku girahun ti Idum ga liyun ginan sa katalunan Sapa Hurdan atag sa pasturan may mayamu karanidu. Manpalalagiwan sida, ag pamahalaun niku sa Idum ti tawu pinili niku. Si unu ti maiparihu sa kangku? Si unu ti pumanghas kuntay kalabanun sa aku? Si unu pag takinan ti manlaban sa kangku?

Hirimyas 8:5

Dapat kamu pag manga taga Hirusalim, hayga parargu kamu magpakarayu sa kangku? Hayga dayu tayakan niyu ti manga diyus-diyusan magpaumang sa kanyu ag pagbalik sa kangku?

Hirimyas 8:7

May alam waya ti tagwak, ti kalampati ag ti alipasang nu kapira sida pag lumayang atag sa tuhay pag rugar ag nu kapira sida pag bumalik, dapat kamu manga pinili niku unman may alam sa kang manga surundanun.

Karukuan 1:5

Kay manga kalaban imaw yi ti nagpanguna sa Hirusalim, ag nag-abunda sida. Pinakurianan Panginuun ti Hirusalim dahil sa kay mayamu manga kadautan. Kay manga nasakupan binihag niya manga kalaban.

Isikil 16:25

ag sa manga pagsalakan manga dalan. Ag ati inuringan nimu kanmu karinuan, ag nagpagamit kawu una lang sa kantapu pag lalaki maglawuy ati. Mag-amat di magdugang kanmu pagpanguragin.

Isikil 22:27

Kanda manga takinan parihu sa manga talun idu magduksul sa kanda manga bulay. Magpanmatay sida hampay lang maramuun sa kuwarta.

Isikil 23:19

Dapat una katida, parargu di gid siya nagpabili kay bilug parihu sa kay binwat ati sa Ihiptu katpung kalay-awan waya siya.

Danyil 7:4

“Kay un-an pag hayup ga liyun, dapat may pakpak agila. Habang magbantay aku, pinlud kay pakpak. Ipinatindug siya ga tawu ag pinakan-an kaisipan parihu sa tawu.

Danyil 7:6

“Bag-u nakitan niku ti ikatlu pag hayup ga liyupardu. May upat tunda ka pakpak ag upat ka ulu. Pinakan-an siya kapangyarihan hampay magdumara.

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Habakuk 1:8

Kanda manga kabayu mas mabisug waya sa hayup liyupardu ag mas maisug waya sa talun idu maghanap kay karan-unun nu yabi. Magpalagiw inda ginan sa arayu pag manga rugar, ga maglayang agila magsayab sa kay daragitun.

Sipanyas 3:3

Kanda manga pinunu parihu sa liyun mag-ngurub. Kanda manga takinan parihu sa manga simarun idu maghanap kay makaun nu yabi ag unman may pagsawadan tugka sa surip.

Bilang 32:14

“Taynguna, kamu pag manga lahi makasalanan ti inmilis sa kanyu manga ginurang, dinugangan waya gid niyu ti pangagalit Panginuun sa manga Israilita.

Ipinakakit 13:2

Ti hayup malangas parihu ga liyupardu pag hayup kay histuda, may manga lulud parihu ga lulud usu pag hayup. May bibig bilang ga bibig liyun. Ipinakaun daragun sa hayup malangas kay sadili pag kapangyarihan, kay pagkahari hanggan kay daka gid pag karampatan.