Hirimyas 5:31 - Hanunuu

³¹ Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Hirimyas 5:31 Iomraidhean Croise

1 Hari 22:6

Nakan ipinatawag ni Akab ti manga purupita — manga 400 sida tanan ag pinaingana, “Atabug aw kami sa Ramut Gilyad ngatay unman?” Sinmagut sida, “Sigi, paglakaw kamu, dahil papanaluhun kamu Panginuun!”

Kabagawan 17:4

Ti daut pag tawu magkaibug magpatingi sa kay kaparihu niya daut, ag ti pudilun magkaibug magpatingi sa kay kaparihu niya pudilun.

Isayas 10:3

Hintay ti buwatun niyu sa sirang pagsintinsiya sa kanyu? Hintay ti buwatun niyu nu rumas-ug ti kadamhakan ginan sa arayu? Sa kantapu kamu pag manhagad awat? Ag naan niyu pag-itagu kanyu kayamanan?

Isayas 20:6

Sa sirang mangyari tida, sabihun manga Pilistiyu, ‘Bantayi niyu ti nangyari sa kanta pagsarigan pag manga nasyun ag paghagadan awat hampay kita makaribri sa hari Asirya. Kabitay wadi kita makaribri?’ ”

Isayas 33:14

Pagtakigan sa dala ti manga makasalanan sa Siun. Magkun sida, “Ti Diyus parihu sa maglabdaban apuy unman magkapsa. Si unu sa kanta ti makapadugay sa atubangan Diyus?”

Isayas 43:27

Nagkasala sa kangku kanmu un-an pag manga ginurang, naglaban sa kangku kanmu manga takinan.

Isayas 47:7

Magkun waya kawu kanmu pagka rayna unman may katapusan. Dapat balaw nimu inisip kanmu manga binwat, nu hintay ti patabgan nimu aban sa uryan.

Hirimyas 12:4

Kapira duy nguna tugka ti pagkauga daga ag pagkarubay manga ilamnun? Magkaramatay yi duy ti manga hayup hanggan manga manuk dahil sa kadautan manga tawu mag-uli sa inda pag daga. Pagsabihun waya nida, “Unman may labut ti Diyus sa kanta malakawan.”

Hirimyas 14:14

Sinmagut ti Panginuun, “Tunda pag manga purupita maghula kapudilan sa ngaran niku. Balaw niku sida sinugu ag balaw aku ti magbagaw sa kanda. Balaw ginan sa kangku kanda pagsabihun pag manga pangakakitun sa kanyu; unman may pulus ag pinathaw lang kanda pag ihula.

Hirimyas 26:7

Nadnugan manga manughandug, manga purupita, ag tanan manga tawu ati sa Balay Diyus Panginuun ti pagsabihun ni Hirimyas.

Karukuan 1:9

Nakitan tanan kay kayagtingan. Unman niya inisip kay ras-ugan. Madala gid kay pagkadamhak, ag unman gid may nangawat sa kanya. Nakan nagsabi siya, “Panginuun, bantayi kang kakurian, dahil natalu aku kalaban.”

Karukuan 2:14

Ti manga barita niyu manga purupita bukun tutuu, unman may kabuluhan ag magpatalang sa kanyu. Unman nida itinultul kanmu kasalanan hampay balaw mana kawu mabihag.

Karukuan 4:13

Dapat nangyari inda dahil sa manga kasalanan nida manga purupita ag manga manughandug, nagmatay sa matadlung pag manga tawu.

Karukuan 4:18

Pagtandan manga kalaban kanmi manga kimut. Unman kami makalakaw sa manga dalan. Arani yi kanmi katapusan. Bililangun yi kanmi manga sirang.

Isikil 13:10

“Inda pag manga purupita magpatalang sa kang nasakupan sa panab-anan pagsabi, ‘Mayad ti tanan’, dapat balaw maaw mayad. Ga parihu lang sa magpatindug ti manga tawu matpuk pag alad batu, ag paglitisun lang inda manga purupita.

Isikil 13:6

Balaw tutuu kanda pangakakitun ag kapudilan kanda manga hula. Magkun sida ginan sa Panginuun kanda pagsabihun, dapat kay tutuu balaw niku sida ipinadara. Ag pag-alagdun waya nida matupad kanda pagsabihun.

Isikil 22:14

Unu, pumarargu aw nguna kanyu isug ag bisug kamang sa udas parusahan niku kamu? Aku, ti Panginuun, ti magbagaw parusahan gid niku kamu, ag buwatun gid niku inda.

Husyas 4:9

Nakan nu kabitay niku parusahan ti nasakupan, parusahan diman niku kamu pag manga manughandug. Parusahan niku kamu dahil sa kanyu manga ugali; balusan niku kamu sa kanyu manga pagbuwatun.

Husyas 6:10

Manga taga Israil, makahirikrab kang nakitan sa kanyu; magsamba kamu sa manga diyus-diyusan, nakan nagbaliw mauring kamu.

Husyas 9:5

Dahil kanyu manga handug balaw diman tanggapun Panginuun, malu hintay kanyu buwatun sa pagras-ug mahalaga pag sirang pagsamba ngatay sa manga pista bilang pag-alaala sa Panginuun?

Mikas 2:11

Kanyu pagkaibgan pag manugbarita imaw ti manugbarita unman may pulus, maradaya, pudilun, ag kaindaay kay pagsabihun: ‘Umabunda kamu sa intus ag sa iba waya pag manga irinmun.’ ”

Mikas 2:6

Kainda, pagpatigayunun waya niyu kami. Magkumun kamu, “Danga yi kami pagpatigayuna tungkul sa tunda pag kadamhakan niyu pagsabihun, dahil balaw gid kami mangay-a.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Sipanyas 3:4

Kanda manga purupita palabi-labihun sa kanda manga pagbuwatun ag unman makatiwalaan. Paglapastanganun nida manga manughandug ti Balay Diyus ag paglabagun nida ti Kasuguan Diyus.

Diyuturunumiyu 32:20

Nagbagaw siya, “Patlikudan niku sida, ag bantayan niku nu hintay gid abi kanda patabgan, dahil daut sida pag sinulput-lahi, manga anak balaw matinupadun.

Diyuturunumiyu 32:29

Nu madunung lang sida, masalman mana nida kanda patabgan.