Hirimyas 5:3 - Hanunuu

³ Bag-u magkun aku, “Panginuun, magligaw duy kawu tawu matinupadun. Pinakurian nimu duy kanmu manga nasakupan dapat balaw mahalaga inda sa kanda. Pinarusahan nimu sida dapat dayu sida magpatudlu. Pinaganit nida kanda manga tagipusuun, dayu sida mag-ampu.

Hirimyas 5:3 Iomraidhean Croise

Gimpuunan 19:34

Pagka surip, magkun ti panganay sa kay ari, “Nangulid yi aku kis-ab yabi sa kanta ama. Ag taynguna pag yabi kanta maan siya languhun, ag kawu maan ti pag-ulid sa kanya hampay kita duwa magkaanak sa panab-anan niya.”

1 Hari 13:33

Una nangyari inda, unman waya gid nagbag-u si Hirubuam sa kay daut pag ugali. Parargu di gid siya sa kay magpili manga tawu hampay sumirbi bilang manughandug sa manga simbahan sa abwat pag rugar. Una si unu ti magkaibug sumirbi bilang manughandug, pag-italaga niya.

2 Hari 1:13

Nagpadara maan ti hari kay ikatlu pag takinan sundalu kaibahan ti 50 ka tawuhan. Pagka nagras-ug tunda pag takinan sundalu sa kan Ilyas, nanikluhud siya bilang paggalang, ag magpaawa-awa magkun, “Suruguun Diyus, kaawai duy nimu aku hanggan kang manga tawuhan. Danga nimu kami pagmatya, kanmu manga suruguun.

2 Krunika 16:9

Dahil magbantay gid ti Panginuun sa buu kalibutan hampay pabaskugun ti manga tawu matinupadun sa kanya. Kabuangan kanmu binwat! Nakan kainda ginan pirmi yi kawu manlaban.”

2 Krunika 28:22

Sa udas kakurian ni Hari Akas, lalu waya siya nagsupakil sa Panginuun.

Kanta 51:6

Ti matinupadun pag tagipusuun imaw kanmu gustu; tudlui aku sa dumunung.

Kanta 51:8

Pasulunga aku may kabayaan; una waya pagrunutun nimu kang manga but-ul mana makabaya maan aku.

Kanta 55:20

Kang kakilala kaybi nanlaban sa kay manga kakilala; unman niya tinupad kay manga itinaratu.

Kabagawan 21:29

Ti daut pag tawu unman magkataranta sa kay pagbuwatun, dapat ti matadlung pag-isipun niya mayad kay manga pagbuwatun.

Kabagawan 22:12

Pagbantayan mayad Panginuun ti manga madunung pag tawu, dapat pagdautun niya ti manga gayak manga pudilun.

Kabagawan 23:35

Sumabi kawu, “May nanhampak ag sinmuntuk sa kangku, dapat unman aku may nasaydan. Kapira waya aku pag mahungpawan hampay makainum maan aku?”

Kabagawan 27:22

Una waya bayuhun nimu ga paray ti unman may intindi pag tawu, balaw gid nimu mab-ul kay pagkabuang-buang.

Isayas 26:11

Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Isayas 42:25

Nakan ngani, ipinasamit Panginuun ti masyadu niya pag pangagalit sa kanta sa panab-anan pagpakuri sa kanta sa girahan. Kay pangagalit parihu sa apuy nagsangput, mag-irub sa kanta, dapat balaw nita inda pinansin aw ngatay inisip.

Isayas 48:4

Alam niku nu kabitay ka ganit kanyu ulu. Kanyu liug parihu kay ka ganit sa baul, kanyu bangas parihu kay kaganit sa galang.

Isayas 9:13

Dahil unman diman gid mag-ampu ti manga Israilita sa Panginuun Makamaskihan imaw ti nagparusa sa kanda,

Hirimyas 15:7

Parusahan niku kamu ga upa pagtaphun sa manga puwirtahan banwa. Rurisun niku kamu hanggan kanyu manga anak, dahil unman niyu pagpatlikudan kanyu daut ugali.

Hirimyas 17:23

dapat balaw sida nagpatingi sa kangku. Maganit gid kanda ulu! Balaw nida pagtanggapun kang manga pag-itudlu sa kanda.

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 2:30

Pinarusahan niku kanyu manga anak, dapat unman sida nagbag-u. Dayu sida magpatudlu. Kamu diman ti nagmatay sa kanyu manga purupita parihu sa pagmatay maisug ag magkalun-us pag liyun sa kay tinkub.

Hirimyas 3:3

Imaw kay dahilan nu hayga unman mag-uran sa udas tig-ururan. Dapat madi katida, maganit diman kanyu ulu parihu sa usa ka babayi baraydan, balaw yi magkay-a.

Hirimyas 32:19

Pinakamarinu duy kanmu manga gayak ag makadululaw kanmu manga buwat. Mag-akitan nimu ti tanan pagbuwatun manga tawu ag pagbalusan duy nimu sida angay sa pag-ugaliun ag buwat nida.

Hirimyas 44:10

Taynguna tugka udwaya gid kamu magpakumbaba ngatay magkadala sa kangku. Unman diman kamu nagsunud sa manga kasuguan ag manga surundanun ipinakaun niku sa kanyu hanggan sa kanyu manga kaumputan.’

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Hirimyas 7:28

Nakan inda kanmu sabihun sa kanda: Inda pag nasyun kay manga nasakupan dayu magsunud sa Panginuun nida Diyus, hanggan dayu magpatudlu. Udyi sa kanda ti katutuuhanan; udyi sida magbagaw tutuu.

Hirimyas 8:5

Dapat kamu pag manga taga Hirusalim, hayga parargu kamu magpakarayu sa kangku? Hayga dayu tayakan niyu ti manga diyus-diyusan magpaumang sa kanyu ag pagbalik sa kangku?

Isikil 2:4

Manga maganit kanda ulu ag manga lapastangan. Pag-ipadara niku kawu tag sa kanda hampay sabihun sa kanda ti tultulanun ginan sa kangku, ti Panginuun Diyus.

Isikil 24:13

“Hirusalim, kanmu binwat kahalayan ti nagpauring sa kanmu. Sinikap niku linisun kawu, dapat dayu kawu magpalinis. Nakan pumirmaminti kawu mauring tugka sa unman madura kang pangagalit sa kanmu.

Danyil 9:13

Nagras-ug inda pag parusa sa kanmi angay sa nisurat sa Kasuguan ni Muysis. Lang madi katida ti nangyari, Panginuun nimi Diyus, balaw nimi sinikap makabaya kawu sa kanmi sa panab-anan pagpatlikud sa kanmi manga kasalanan ag ti pagkilala sa kanmu katutuuhanan.

Libitiku 26:23

Nu unman waya gid kamu magbati sa kangku bagkus parargu di ngap kamu maglabag sa kangku,

Amus 4:10

“Pinadarahan niku kamu manga sarut parihu sa ipinadara niku kaybi sa Ihiptu. Ipinamatay niku kanyu manga kalay-awan lalaki sa girahan ag ipinabihag niku kanyu manga kabayu. Pinakurianan diman niku kamu sa buyuk manga namatay sa kanyu manga kampu. Dapat unman diman kamu nagbalik sa kangku. Aku, ti Panginuun, ti magsabi inda.

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Amus 4:6

“Aku ti nagpadara taglun-us sa kanyu hanggan sa tanan niyu manga banwa, dapat unman diman kamu nagbalik sa kangku. Aku, ti Panginuun, ti magsabi inda.

Amus 4:8

Dahil sa magpanlumuy, mantalayib-layib kamu sa kahanap danum irinmun. Pasalyu-salyu kamu sa manga banwa sa kahanap danum, dapat balaw kang-ud kanyu mab-ul. Lang madi katida, unman diman kamu nagbalik sa kangku. Aku, ti Panginuun, ti magsabi inda.

Amus 4:9

“Mayamu yi bisis dinaut niku kanyu manga tanum sa panab-anan mainit pag durus ag manga sarut. Rinugpuan manga apan kanyu manga puun kayu igus hanggan ulibu. Dapat unman diman kamu nagbalik sa kangku. Aku, ti Panginuun, ti magsabi inda.

Sipanyas 3:7

Dahil sa kang manga binwat inda inisip niku igalang yi aku niku manga nasakupan ag tanggapun yi nida kang tamyaw sa kanda, hampay balaw yi maguba kanda banwa angay sa kang itinagka sa kanda. Dapat lalu waya gid sida nagpakadaut.

Ruma 2:2

Alam diman nita kay sintinsiya Diyus balaw magsalan laban sa manga tawu magbuwat katida.

Hibriyu 12:9

Nu kas-a ginan nu angay sa ugali tawu kita pagparig-anan diman nita manga ama nakan kailangan lalu galangun nita sida. Unman aw lalu waya kita pumasakup sa kanta Ama, sa Diyus hampay kita may buhi?