Hirimyas 5:26 - Hanunuu

²⁶ “May manga daut pag tawu kaibahan sa manga nasakupan niku mag-alagad kanda siribaun. Sida ga manga tawu magdit-ag manga manuk. Magpauli sida manga suduk para sa iba pag manga tawu.

Hirimyas 5:26 Iomraidhean Croise

Kanta 64:5

Paggaryahun nida ti usa kag usa agud buwatun kanda gayak daut. Ag paggayakun nida nu naan nida pag ipauli kanda manga suduk. Magkumun sida, “Balaw may makakit inda.”

Kabagawan 1:11

ngatay magkuyug sa kanda nu sumabi sida, “Abala, pagkuyug kawu sa kanmi; puutan nita ti manga tawu unman may kasalanan ag matyun nita sida.

Isayas 32:7

Daut kay manga paraan manugdaya. Pag-ipadamhak niya ti manga pugri sa panab-anan niya kapudilan, una sa udas nida maghagad katadlungan.

Isayas 58:1

Magkun ti Panginuun, “Paghuyaw kamu ka daka parihu sa budyung! Danga niyu pag-apasi! Sabiha niyu sa kang manga nasakupan manga linahi ni Hakub kanda manga kasalanan hanggan paglabag.

Hirimyas 18:20

Mayad duy ti pagbuwatun niku sa kanda dapat daut ti pag-ibalus nida sa kangku. Nangali sida hampay malagpak aku sa kanda kali, una yi nandangup aku sa kanmu ag nandarangin kuntay danga nimu sida pagparusahi dahil sa pangagalit nimu sa kanda.

Hirimyas 18:22

Pabay-ani nimu sida manhuyaw sa kadalaan nu ipagira nimu sa manga kalaban kanda manga balay. Dahil nagkutkut sida kali hampay malagpak aku ati, ag nagpauli sida dit-ag hampay mablay aku.

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 9:8

Kanda dila ga ugyung makamatay. Lunsay yi lang pandaya kanda pagsabihun. Maghampang sida mayad sa kanda kaparihu dapat kanda tagipusuun daut ti paggayakun.

Mikas 6:10

Daut kamu pag nasakupan! Unman niku magkalimtan ti manga tinipun niyu pag kayamanan sa daut pag paraan. Maggamit kamu madaya pag salupan. Inda pag buruwatun kang pagkadat-an.

Mikas 7:2

Ti ibug niku sabihun, unman yi aku may nakitan tawu sa Israil matinupadun sa Diyus. Udyi may nasawad tawu matadlung. Ti kada usa maghanap paraan hampay matyun kay kasimanwa, ga tawu mag-alistu suduk sa bulayun niya pag hayup.

Lukas 5:10

Naglingut diman hanggan kay manga anak ni Sibidiyu sida ni Santiyagu ag ni Huwan kay manga kaibahan. Sinabi ni Hisus sa kan Simun, “Danga magkadala kawu, dahil taynguna ginan manugtaban yi kawu sa manga tawu.”