Hirimyas 5:22 - Hanunuu

²² Aku, ti Panginuun magsabi: Unman aw kamu may dala sa kangku? Hayga unman kamu pagtakigan sa atubangan niku? Aku ti nagbuwat baras sa baybay dagat hampay bumaliw katugkaan dagat. Inda kay katugkaan balaw malapawan. Paghampakun manga humbak dapat unman nida masagpawan.

Hirimyas 5:22 Iomraidhean Croise

Gimpuunan 1:9

Bag-u magkun ti Diyus, “Pagmatigsunan sa usa ka rugar ti danum sa sirung langit hampay lumutaw ti mamara pag bahagi.” Ag nangyari ngani inda.

1 Hari 13:28

Ginminan siya, ag nakitan niya ti bangkay mabugtangan sa dalan, bag-u ti liyun hanggan ti asnu matindugan sa kay arani inda. Unman kinaun liyun ti bangkay ngatay ginus-ab ti asnu.

Hub 26:10

Pinaulian niya katugkaan ti langit ag ti dagat, ga katugkaan diman rayaw ag dulum.

Hub 37:24

nakan paggalangun siya manga tawu. Unman niya pagpansinun ti manga tawu mag-sabi sa kanda sadili kuntay madunung.”

Hub 38:8

Si unu lugud ti nagpauli tab-anan sa dagat pagka binmulwak inda ginan sa basad?

Kanta 104:9

Pinaulian nimu sida manga katugkaan balaw nida lapawan hampay balaw maan matabunan ti kalibutan.

Kanta 119:120

Pagtakigan aku sa paggalang sa kanmu; magkadala gid aku sa kanmu pagsintinsiya.

Kanta 33:7

Mininsan niya ti danum dagat ga isinukad sa usa ka sukadan.

Kanta 46:3

una waya pumaywas ag humumbak ti dagat, bag-u magkaratandug ti manga bantud.

Kanta 99:1

Maghari ti Panginuun, matukawan sa tukawan hari sa karaw-an manga kirubin. Nakan takigan sa kadalaan ti manga tawu ag matandug ti kalibutan.

Kabagawan 8:29

sa kay pagpauli katugkaan dagat hampay balaw inda lumapwas, ag sa kay pagpauli manga patakinan kalibutan.

Isayas 50:2

Hayga balaw niyu aku binati katpung sa kang pagras-ug? Hayga balaw kamu nagsagut katpung pagtawagan niku kamu? Balaw aw lugud niku kamu kaya iribri? Kaya ngani niku pak-atun ti dagat sa usa lang ka bagaw. Kaya diman niku buwatun tigangan ti sapa hampay mamatay ti manga isda.

Isayas 64:2

Nu kabitay ti apuy maglabdab sa layung pag sanga kayu ag magpakulkulu sa danum, ti pagras-ug nimu makapakirkirug diman manga kalaban nimu pag nasyun, ag maalaman nida nu si unu kawu.

Isayas 66:5

Kamu manga may dala sa bagaw Panginuun, patingihi niyu kay padakit, “Dahil kamu matinupadun sa kangku, kinadat-an ag binugyahan kamu manga iba niyu manga kasimanwa. Pag-aringun nida kamu magkun, ‘Ipakakit yi mana Panginuun kay kamaskihan hampay makitan nimi kanmu kabayaan!’ ” Dapat mangay-a sida.

Hirimyas 10:7

Si unu duy ti unman madala sa kanmu, Hari manga nasyun? Dapat lang galangun kawu. Unman duy kawu may kaparihu sa tanan matinudukun ginan sa tuhay-tuhay pag nasyun, aw ngatay sa tanan hari.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 31:35

Magkun waya ti Panginuun, “Aku ti nagsugu sa init hampay magpakaun-rayaw sa buu sirang, hanggan sa bulan ag manga pamgasan magpakaun-rayaw sa buu yabi. Ag aku ti magkuyikaw sa dagat tugka sa maghagunung ti manga humbak. Aku ti Panginuun ti Makamaskihan sa tanan.

Danyil 6:26

“Pag-isugu niku sa tanan manga tawu sakup niku kaharian pagkadala ag paggalang sa Diyus ni Danyil. Dahil siya ti buhi pag Diyus ag magkabuhi unman may katapusan. Parargu kay paghari hanggan aban, ag unman may makadaug sa kay kaharian.

Amus 4:12

“Nakan utru waya gid niku buwatun inda pag manga parusa sa kanyu manga taga Israil. Ag dahil buwatun niku inda, pag-alistu kamu sa pag-atubang sa kangku sa kanyu Diyus.”

Amus 9:6

Ti Diyus ti nagbuwat kay ulian sa langit. Siya diman ti nagbuwat kalayawan sa tungud daga. Siya diman ti magtipun danum dagat sa manga rurum ag pag-ipauran niya inda sa daga. Kay ngaran imaw ti Panginuun.”

Hunas 1:16

Dahil siyun pag nangyari, daka gid kay paggalang manga tawu sa Panginuun. Nakan nagsagda sida tabug sa kanya ag nanaratu pumarargu sa pagsirbi hanggan pagsagda sa kanya.

Nahum 1:4

Sa kay lang bagaw magkak-at ti manga dagat una ti manga sapa, ag magkarubay ti manga pananum sa Basan, hanggan sa Bantud Karmilu ag sa Libanun.

Matiyu 10:28

Danga niyu kadalai ti magmatay sa bilug balaw makamatay sa karadwa. Dapat kadalaan niyu ti makamatay sa karadwa hanggan bilug sa impirnu.

Markus 4:39

Nagbangun si Hisus, tinamyaw niya ti bagyu ag sinabi niya sa danaw magkun, “Paghubung yi, danga yi magpaywas pag danum.” Naghubung yi ngani ti untug, ag kinmalma ti danaw.

Lukas 12:5

Dapat kang ipakilala sa kanyu nu sitapu ti kanyu kailangan pagkadalaan. Ti kanyu kadalaan ti Diyus gid. Dahil nu minatay niya ti usa ka tawu, may kapangyarihan siya hampay kay iyamut waya sa impirnu. Tutuu kang pagsabihun sa kanyu kailangan kamu pagkadala gid sa kanya.

Diyuturunumiyu 28:58

“Nu balaw niyu sundun mayad inda tanan pag sugu masuratan sa inda pag ribru, ag balaw pag-igalang ti lilingutan ag makadululaw pag ngaran Panginuun niyu Diyus,

Ipinakakit 15:4

Si unu nguna, Panginuun, ti unman magkadala sa kanmu? Si unu nguna ti dayu manultul sa kanmu kamaskihan? Kawu lang ti banal. Tanan pag manga nasyun pumakarani, sumamba sa kanmu. Dahil nakitan tanan tawu matadlung kanmu manga buwat.”