Hirimyas 5:17 - Hanunuu

¹⁷ Tabuhun nida kanyu manga ani, manga karan-unun, hanggan manga ubas ag manga igus. Matyun nida kanyu manga hayup hanggan kanyu manga anak. Dautun nida ti manga may alad batu pag banwa, imaw mana kanyu pagsarigan.

Hirimyas 5:17 Iomraidhean Croise

Isayas 62:8

Nangaku ti Panginuun buwatun niya tunda sa panab-anan niya kamaskihan. Magkun siya, “Balaw yi niku ipakaun kanyu manga tirigu sa kanyu manga kalaban day-uhan. Udyi hanggan nida mainum ti manga binudlayan niyu pag irinmun ubas.

Isayas 62:9

Kamu ngap ti manug-ani tirigu ti kumaun tunda, ag dayawun niyu aku. Kamu ngap ti manugputi ubas ti uminum kay pinigis tunda ati sa kang Balay.”

Isayas 65:22

Balaw yi kanda manga kalaban ti pumakinabang sa kanda manga balay hanggan manga tanum. Dahil nu kabitay ti puun kayu magkabuhi dugay, katunda diman kang manga nasakupan, pihu pakinabangan gid nida lubus kanda binudlayan.

Hirimyas 1:15

Ipadara niku ti manga sundalu manga kaharian ginan sa kanaway hampay girahun ti Hirusalim. Ipauli nida manga hari kanda manga tukawan sa manga sabian Hirusalim. Dautun nida ti alad batu sa sangput hanggan ti iba waya pag manga banwa sa Huda.

Hirimyas 25:37

Ag dahil sa masyadu pag pangagalit Panginuun bumaliw tigangan pag daga ti abunda pag pasturan.

Hirimyas 4:26

Nakitan niku ti abunda pag tanman nagbaliw pangawakawaan. Nawasak ti tanan banwa dahil sa masyadu pag pangagalit Panginuun.

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 5:18

Dapat ati katpung pag sirang, balaw niku kamu rurisun lubus.

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 50:7

Siniba sida manga nakakit sa kanda. Magkun ti manga kalaban nida, ‘Nagsalan sida sa Panginuun imaw ti tutuu nida paraharyan ag pagsarigan manga kaumputan nida nakan unman kita may kasalanan sa kanta paggira sa kanda.’

Hirimyas 8:13

Lubus niku sida rurisun ag dautun ti manga burak nida ubas hanggan igus; una kay manga labung magkararubay. Kang manga ipinakaun sa kanda magkaradura.

Hirimyas 8:16

Ti ham-us kabayu manga kalaban mag-adnugan ginan sa Dan. Sa harihi di waya kabayu nida, pagtakigan yi ti buu daga. Rinmas-ug sida hampay wayakun inda pag daga hanggan ti tanan atay — ti manga banwa ag ti tanan manga mag-uli sitay.’ ”

Karukuan 2:12

Maglulumian sida maghagad karan-unun ag irinmun sa kanda manga ina. Magkaralipung sida sa manga karsada daka pag banwa parihu sa manga sundalu nabiyagan. Ag amat-amat sida magkaramatay sa sapupwan nida ina.

Karukuan 2:2

Dinaut niya unman may awa ti tanan manga balay sa manga linahi ni Hakub. Sa kay pangagalit pinandaut niya ti manga may alad batu pag manga banwa sa Huda. Ipinatabu niya ag pinakay-a inda pag kaharian hanggan ti manga takinan siyun.

Isikil 36:4

Nakan kamu pag manga bantud, manga luung, manga karatagan, manga daut manga rugar hanggan manga mapung-aw pag manga banwa ginira ag pinuyaan manga nasyun sa kanyu sangput, patingihi niyu kang pagsabihun. Aku, ti Panginuun Diyus magkun, masyadu gid kang pangagalit sa inda pag manga nasyun lalu yi gid sa Idum, dahil inagaw nida kang daga may kabayaan ag pagpamuya, dahil gustu gid nida apuun ti manga paraharaban inda.

Husyas 2:12

Dautun niku kay manga tanum ubas hanggan manga puun igus kay sabi ibinayad kunu niya manga lalaki sa kanya. Buwatun niku marikut inda ga kapuruan, kay manga burak inda kan-un talun hayup.

Husyas 8:14

Kinalimtan manga taga Israil ti naglalang sa kanda. Sida ag ti manga taga Huda nagpatindug manga balay hari hanggan mayamu banwa sangput alad batu. Dapat sunugun niku kanda manga banwa hanggan ti mapag-un pag manga rugar.”

Huwil 2:3

Dasun-dasun rinmugpu ti manga apan ga apuy. Bag-u sida rinmas-ug, ti daga parihu sa halamanan Idin. Pat-ay pagka rinugpuan nida nagbaliw ga pangawakawaan. Unman sida may sinawadan.

Libitiku 26:16

indaay kang buwatun sa kanyu: Makulbaan kamu sa dala dahil padaran-an niku kamu makamatay pag manga sakit hanggan init bilug imaw ti dumaut sa kanyu manga mata hanggan manga bilug. Tumanum kamu, dapat balaw niyu inda makinabangan dahil girahun kamu niyu manga kalaban bag-u kan-un nida kanyu manga patubas.

Sipanyas 3:6

“Magkun ti Panginuun, ‘Pinapas niku ti manga nasyun; ginuba niku kanda manga banwa hanggan kanda manga alad batu ag manga bantayaw. Unman may nasawad sa kanda manga nasakupan, nakan udyi may tawu maglakaw sa kanda manga karsada.

Malakyas 1:4

“Nu sumabi ti manga Idumita, ‘Una dinaut kanmi rugar ipatindug di maan nimi inda.’ Aku, ti Panginuun Makamaskihan, magkun: Una ipatindug waya maan nida kanda rugar, dautun di gid niku inda. Ingarnan sida ‘daut pag nasyun’ ag ‘manga nasakupan pirmi pagkagalitan Panginuun.’

Diyuturunumiyu 28:33

Ti manga tawu balaw niyu magkakilala imaw ti kumaun sa tanan niyu binudlayan, bag-u pirmi kamu apihun ag pakurianan.