Hirimyas 5:15 - Hanunuu

¹⁵ Magkun ti Panginuun, “Manga nasakupan Israil, mamadara aku manga tawu ginan sa arayu pag nasyun hampay girahun kamu. Inda usa sa pinaka un-an pag nasyun kay pamagaw unman niyu magkasalman.

Hirimyas 5:15 Iomraidhean Croise

Gimpuunan 11:7

Nakan abala, pakialman nita sida. Tuhay-tuhayun nita kanda manga pamagaw hampay unman sida magkaraintindihan.”

Kanta 81:5

Ipinakaun niya inda pag kasuguan sa manga lahi ni Husi katpung ginira niya ti Ihiptu. Nakadnug aku busis balaw niku kilala magkun,

Isayas 28:11

Dahil sa dayu sida mamatingi, manpakihampang ti Panginuun sa inda pag manga tawu sa panab-anan manga day-uhan tuhay kay pamagaw.

Isayas 29:3

Sangputun niku ti Daka banwa Hirusalim. Sangputun niku inda manga bantayaw pan-gira ag tumpukan daga sa habig alad batu hampay madayik.

Isayas 29:6

Ti Hirusalim alalahanun niku, ag aku, ti Panginuun Makamaskihan, rumas-ug may linti, may linug, may ingay, may buhawi, may bagyu, ag maglabdaban pag apuy.

Isayas 33:19

Dapat balaw yi niyu makitan tunda pag manga tawu mayabang, kanda manga pamagaw balaw niyu magkasalman.

Isayas 39:3

Taynguna, nag-atag si Purupita Isayas sa kan hari Isikyas ag nagpaingana, “Naan ginan tunda pag manga tawu ag hintay kanda kailangan?” Sinmagut si Isikyas, “Nag-ataytag sida ginan waya sa Babilunya.”

Isayas 5:26

Paamanan niya ti manga nasyun sa arayu; palwitan niya ti manga mag-uli sa pinakaarayu pag bahagi kalibutan, ag kadaka sida rumas-ug hampay girahun kawu.

Isayas 5:7

Ti ubasan Panginuun Makamaskihan kay pag-alagaan ag makapakaun mana kabayaan sa kanya imaw yi ngani ti Israil ag Huda. Magsarig siya mangugali sida sa katadlungan dapat nadnugan ngap niya ti maglulumian manga pag-unuunuhun.

Hirimyas 1:15

Ipadara niku ti manga sundalu manga kaharian ginan sa kanaway hampay girahun ti Hirusalim. Ipauli nida manga hari kanda manga tukawan sa manga sabian Hirusalim. Dautun nida ti alad batu sa sangput hanggan ti iba waya pag manga banwa sa Huda.

Hirimyas 2:26

“Parihu sa usa ka mananakaw mangay-a nu madakup, mangay-a diman kamu manga taga Israil. Ungud mangay-a kamu, hanggan kanyu manga hari, manga may kangaranan, manga manughandug ag manga purupita.

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 4:16

Sinugu sida kuntay paandami ti manga nasyun hanggan ti Hirusalim kuntay may maggira manga sundalu ginan sa arayu pag rugar mag-akat girahan laban sa manga banwa Huda.

Hirimyas 5:11

Ti nasakupan Israil hanggan Huda balaw yi gid matinupadun sa kangku. Aku, ti Panginuun, ti magsabi inda.

Hirimyas 6:22

Inda waya ti pagsabihun Panginuun, “Bantayi niyu, may manga sundalu magras-ug ginan sa kanaway pag daga, usa ka makapangyarihan pag nasyun ginan waya sa arayu pag rugar alistu yi gid gumira.

Isikil 18:31

Nasakupan Israil, hayga gustu niyu mamatay? Apasi yi niyu ti pagbuwat daut ag bag-uha yi niyu kanyu buhi.

Danyil 1:4

Kailangan inda sida marinu gid, makurasug, madunung, maliksi ag madali tudluan, hampay angay sida sa pagsirbi sa hari. Binilinan diman niya si Aspinas kuntay tudlui sida pamagaw hanggan panurat manga taga Babilunya.

Danyil 7:7

“Sa tunda diman pag yabi, nakitan niku sa kang pangakakitun ti ikap-at pag hayup. Madala gid inda bantayun ag mabisug gid. May manga daraka pag manga ngipun baul. Pagtukbun ag paggus-abun niya kay magkablay, ag nu may sawad waya, pagtatatataan niya. Tuhay siya sa tulu ka hayup, may sampulu siya ka sungay.

Amus 6:14

Dapat sa kay tutuu magkun ti Panginuun Diyus Makamaskihan, “Kamu pag nasakupan Israil ipagira niku sa usa ka nasyun. Pakurianan nida kamu ag sakupun kanyu manga rugar ginan sa Libu Hamat tugka sa luung Araba.”

Habakuk 3:16

Magkun si Habakuk, “Pagka nadnugan niku inda pag ipinasandam Panginuun sa kangku, nangirkirug kang buu bilug hanggan kang bibig dahil sa kadalaan. Nanlumuy aku ag nangirkirug kang manga tuud. Ag dahil sa inda pag ipinasandam Panginuun, agwantahun niku alagdun ti udas pagparusa niya sa manga naggira sa kanmi.

1 Kurintu 14:21

Kainda ti pagsabihun sa Banal Kasuratan, magkun ti Panginuun, “Bumagaw aku sa inda pag nasyun, dapat tuhay kay pamagaw ti manugpadakit sa kanda. Dayu aku patingihan nida una manga dayuhan ti pumadakit kang bagaw.”

Diyuturunumiyu 28:33

Ti manga tawu balaw niyu magkakilala imaw ti kumaun sa tanan niyu binudlayan, bag-u pirmi kamu apihun ag pakurianan.

Diyuturunumiyu 28:49

“Ipagira kamu Panginuun sa usa ka nasyun ginan sa arayu pag rugar, ginan sa baliw dipay kalibutan, kanda pamagaw balaw niyu magkasalman. Girahun nida kamu parihu sa agila magsagib.