Hirimyas 5:14 - Hanunuu

¹⁴ Nakan inda ti pagsabihun sa kangku Panginuun Diyus Makamaskihan: “Dahil katida ti sinabi tunda pag manga tawu, pakan-an niku kawu padakit parihu sa apuy umirub sa kanda ag bumaliw sida ga kayu magkasunug.”

Hirimyas 5:14 Iomraidhean Croise

Isayas 24:6

Nakan sinaadan Diyus ti kalibutan, nakan may saragtun ti manga nasakupan dahil sa kanda manga kasalanan. Sunugun sida ag pira-pira wadi ti masawad.

Hirimyas 1:9

Bag-u hinikap Panginuun kang tarip bibig ag magkun, “Ipakaun niku sa kanmu taynguna ti sarabihun nimu pag manga bagaw niku.

Hirimyas 23:29

Unman aw makamaskihan kang manga bagaw? Parihu inda sa apuy makairub aw ngatay ga martilyu makarunut batu.

Husyas 6:5

Nakan ngani pinasandaman niku kamu sa panab-anan niku manga purupita kuntay midamhak kamu ag magkaramatay. Ipaburayhaw niku kang pagsintinsiya sa kanyu parihu sa rayaw kilat.

Sakaryas 1:6

Dapat nangyari sa kanyu manga ginurang kang manga sinabi ag manga pasandam ipinatultul niku sa kang manga suruguun manga purupita. Bag-u nansisi sida magkun, ‘Pinarusahan kita Panginuun Makamaskihan angay sa kanta manga binwat, parihu sa kay kagustuhan buwatun sa kanta.’ ”