Hirimyas 5:10 - Hanunuu

¹⁰ “Kamu pag manga kalaban taga Israil, dauta niyu ti manga ubasan nida, dapat danga waydi pag dauta lubus. Tabasa niyu kay manga sanga, dahil inda pag manga tawu balaw yi kangku.

Hirimyas 5:10 Iomraidhean Croise

2 Krunika 12:4

Sinakup ni Sisak ti may alad batu pag manga banwa sa Huda ag nan-gira tugka sa Hirusalim.

2 Krunika 36:17

Ipinagira niya sida sa manga taga Babilunya. Pinanmatay manga taga Babilunya kanda manga kalay-awan lalaki una sa Balay Diyus. Unman gid sida may pangaawa una sa kantapu, lalaki man ngatay babayi, anak man ngatay gurangun, masakitun man ngatay bukun. Ipinabahala Diyus ti tanan niya nasakupan kan Nabukudunusur.

Hirimyas 2:21

Parihu kamu sa usa ka pinakamayad pag kalasi ubas kang itinanum. Dapat hayga linmuwang kamu lugu ag unman may pulus pag ubas?

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 30:11

Kaibahan niyu aku ag iribri niku kamu. Lubus gid niku wayakun ti manga nasyun kinalatan niku sa kanyu dapat balaw niku inda buwatun sa kanyu. Dapat balaw waydi inda kay ibug sabihun balaw niku kamu parusahan. Parig-anan niku kamu sa kang-ud. Aku, ti Panginuun, ti magsabi inda.”

Hirimyas 39:8

Sa Hirusalim waydi, inirub manga taga Babilunya ti manga balay hanggan ti balay hari, ag winayak nida ti manga alad batu.

Hirimyas 4:27

Inda ti pagsabihun Panginuun, “Ti buu daga madaut, dapat balaw niku inda lubus dautun.

Hirimyas 46:28

Nakan danga kamu magkadala, kamu pag manga linahi manugsirbi niku si Hakub, dahil kaibahan niyu aku. Wasakun yi niku lubus ti manga nasyun pinanwayakan niku sa kanyu, dapat ay balaw niku kamu tabuhun wasakun lubus. Parusahan niku kamu angay lang dapat sa kanyu. Balaw mahimu nu unman niku kamu parusahan. Aku, ti Panginuun, ti magsabi inda.”

Hirimyas 5:11

Ti nasakupan Israil hanggan Huda balaw yi gid matinupadun sa kangku. Aku, ti Panginuun, ti magsabi inda.

Hirimyas 5:18

Dapat ati katpung pag sirang, balaw niku kamu rurisun lubus.

Hirimyas 5:9

Aku, ti Panginuun magsabi: Unman aw dapat niku sida parusahan dahil siyun? Unman aw dapat niku balusan ti manga katunda pag nasyun?

Isikil 12:16

Dapat pahintulutan niku kay iba sa kanda maribri sa girahan, sa lun-us, ag sa manga sakit hampay ipaburayhaw sa manga nasyun nida maatagan kanda mayagting pag manga binwat. Bag-u maalaman nida aku ti Panginuun.”

Isikil 14:17

“Ngatay nangus, padaran-an niku gira inda pag nasyun hampay panmatyun kay manga nasakupan hanggan manga hayup.

Husyas 1:9

Magkun ti Panginuun sa kan Husyas, “Ingarni ti anak Lu Ami, dahil ti nasakupan Israil balaw niku nasakupan ag aku balaw kanda Diyus.

Amus 9:8

Aku, ti Panginuun Diyus, magtiid sa kanyu daut pag kaharian. Rurisun niku kamu tugka sa madura kamu sa kalibutan. Dapat may masawad sa kanyu pag manga linahi ni Hakub. Aku, ti Panginuun, ti magsabi inda.

Matiyu 22:7

Nakan nangisug gid ti hari. Sinugu niya ti usa ka gurupu sundalu, tinudas tunda pag manga manugmatay tawu bag-u kanda tinutdan kanda banwa.