Hirimyas 49:31 - Hanunuu

³¹ Aku, ti Panginuun, ti nagsugu sa kanda kuntay, ‘Giraha niyu ti usa ka nasyun magkabuhi may kahusayan ag abunda. Unman may agad kanda manga puwirtahan banwa ag magkabuhi sida-sida lang.

Hirimyas 49:31 Iomraidhean Croise

Kanta 123:4

Masyadu yi kami pagpuyaan manga tawu kanda isip ga si unu yi sida.

Kanta 73:12

Tunda ti manga daut, unman may kaaburiduhan ag magyaman waya gid.

Isayas 32:11

Dugay yi kamu masalimpayaan, unman may pag-isipun. Taynguna takigan yi kamu sa dala. Lukasa niyu kanyu manga rutay ag paghawud kamu saku sa kanyu awak.

Isayas 32:9

Kamu pag manga babayi masalimpayaan lang ud may pag-isipun, patingihi niyu kang sabihun sa kanyu! Bag-u matapus ti timpu, mataranta kamu dahil unman yi mamurak ti ubas ag udyi kamu may putihun.

Isayas 42:11

Dayawun niyu siya, kamu pag manga asan sa pangawakawaan hanggan manga taga Kidar. Pagkanta kamu sa kabayaan, kamu manga taga Sila. Pamagrit kamu may pagdayaw sa katayung-tungan manga bantud.

Isayas 47:8

Nakan patingihi nimu inda, kawu mairibgun sa kasulungan ag mag-isip ribri yi. Pagsabihun nimu sa kanmu sadili kuntay kawu yi ti diyus udyi may iba waya. Pag-isipun nimu balaw kawu maburanday ngatay maduraan manga anak.

Hirimyas 48:11

Mahusay ti pangabuhi taga Muab ginan waya kaybi. Unman waya inda nakalakaw sa pagkabihag. Ga intus inda unman waya nagaraw ngatay nisalin sa usa ka sukadan. Nakan kay lasa ag hungaw inda balaw magkauman.

Isikil 30:9

“Sa tunda pag udas, manpadara aku manga manugtultul masakyan sa manga barku hampay padalaun ti manga taga Itiyupya balaw may paghintayun. Madala gid sida sa udas ipadamhak ti Ihiptu, dahil pihu gid rumas-ug tunda pag udas.”

Isikil 38:11

Sumabi kawu: Girahun niku ti Israil kay manga banwa inda unman may alad batu, sabian, talakup, ag kay manga nasakupan inda mag-ulian may kahusayan ag unman may pagkadalaan kadilikaduhan.

Isikil 39:6

Sunugun niku ti Magug hanggan ti manga nasyun arani sa dagat, kay manga nasakupan inda magpangabuhi unman may pagkadalaan kadilikaduhan. Bag-u maalaman nida aku ti Panginuun.

Mikas 7:14

Magdarangin ti manga Israilita magkun, “Panginuun, bantayan nimu kami kanmu manga nasakupan parihu sa magbantay manug-alaga sa kay manga karanidu. Ti manga daga sa kanmi palibut may marinu pag pasturan, dapat kami magkabuhi sa pangawakawaan kami-kami lang. Padakaa maan nimu kanmi magkaakupahan daga tugka sa Basan ag sa Gilyad parihu ga kaybi.

Nahum 1:12

Inda ti pagsabihun Panginuun sa manga taga Huda: “Una mayamu ag mabisug kanyu kalaban manga taga Asirya, rurisun niku sida hanggan sa matabu. Una kaybi pinakurian niku kamu udyi niku inda ulitun.

Sipanyas 2:15

Katunda ti mangyari sa banwa Ninibi, magpadayaw-dayaw kuntay unman may man-gira sa kanda ag unman may pumarihu sa kanda. Dapat lubusan yi madaut ti banwa ag ulianan wadi inda talun hayup. Ag ti kada maglawuy ati magkasari-sari magsurug sa kanda kahamtangan.”

Bilang 23:9

Pagka ati aku sa katayungtungan tagudtud, nakitan niku sida. Magkabuhi diman sida una sida-sida lang, mablagan sa iba ka manga nasyun.

Diyuturunumiyu 33:28

Nakan ti Israil mangulian arayu sa kadamhakan, sa daga abunda sa ani hanggan irinmun ubas, ag nu naan ti tun-ug ginan sa langit imaw ti magpakaun danum sa daga.