Hirimyas 49:3 - Hanunuu

³ “Paglumi kamu kabisug, kamu pag manga taga Hisbun dahil wayak yi ti Hay. Paglumi diman kamu pag manga taga Raba. Pagrutay kamu rutay saku ag pagpabalik-balik sa saruy alad batu hampay ipakakit kanyu maghimanglaw. Dahil bihagun kanyu diyus-diyusan si Muluk hanggan ti manga manughandug ag takinan niya.

Hirimyas 49:3 Iomraidhean Croise

2 Samwil 11:1

Katpung panahun mag-ati ti manga hari sa girahan agud manlaban, unman nagkuyug si Dabid. Napatayak lang siya sa Hirusalim. Sida ni Huab, hanggan ti manga takinan niya, ag ti tanan manga sundalu Israil ti ipinaati niya sa girahan. Tinalu nida ni Huab ti manga Amunita ag sinakup ti Raba.

1 Hari 11:33

Buwatun niku inda dahil binugyahan niya aku ag sinamba niya si Astarut, ti diyus manga Siduniyu, si Kimus, ti diyus manga Muabita, ag si Muluk, ti diyus manga Amunita. Unman siya nagsunud sa kang kagustuhan ag unman nangabuhi matadlung sa kang atubangan. Unman siya nagsunud sa kang manga surundanun ag manga sugu; balaw ga kay ama sa ga kan Dabid.

1 Hari 11:5

Nagsamba siya sa kan Astarut, sa diyusa manga Siduniyu hanggan sa kan Muluk, ti mayagting pag diyus manga Amunita.

2 Hari 23:13

Ipinadaut diman niya ti manga simbahan sa abwat pag manga rugar sa butlakan Hirusalim ag sa salatan Bantud Kadautan. Inda pag manga simbahan ipinatindug ni Hari Sulumun taga Israil para sa kan Astarut, ti mayagting pag diyusa manga taga Sidun, ag para sa kan Kimus, ti mayagting pag diyus manga taga Muab, ag para diman sa kan Muluk, ti mayagting pag diyus manga taga Amun.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 14:31

Panlumi kamu matnug, kamu pag manga nasakupan manga banwa Pilistiya. Dahil girahun kamu niyu manga kalaban ga anus ginan sa kanaway. Sida lunsay yi manga maraisug.

Isayas 15:2

Tinmukad ti manga taga Dibun sa kanda Balay Diyus hanggan sa kanda manga simbahan sa abwat pag rugar hampay manlumi. Paglumian manga taga Muab ti Nibu hanggan ti Midiba. Ti kada usa sa kanda napakidkid kay buhuk ag napauguy kay bungut.

Isayas 16:7

Nakan lumian manga taga Muab kanda nasyun. Manlumi sida tanan dahil sa pagkadura manga masarap nida karan-unun sa Kir Harisit.

Isayas 23:1

Inda pagsabihun tungkul sa Tiru: Paglumi kamu manga tawuhan barku Tarsis. Dahil nawayak yi kanyu duungan sa Tiru. Itinultul yi tunda sa kanyu manga ginan sa Sipru.

Isayas 23:6

Panlumi kamu, kamu pag manga mag-uli sa saruy dagat. Pagdipay kamu sa Tarsis.

Hirimyas 4:8

Nakan isulung yi niyu ti rutay panhimanglaw bag-u paglumi dahil masyadu waya ti isug Panginuun sa kanta.

Hirimyas 46:25

Parargu waya pagsabihun Panginuun Makamaskihan, ti Diyus Israil, “Parusahan yi niku si Amun, ti diyus-diyusan sa Tibis, ag ti iba waya pag manga diyus-diyusan sa Ihiptu. Parusahan diman niku ti hari sa Ihiptu hanggan kay manga takinan, ag ti manga magtiwala sa kanya.

Hirimyas 48:2

Balaw yi dayawun ti Muab; ti manga kalaban sa Hisbun maggayak wasakun ti Muab. Ag kawu waydi banwa Madmin girahun manga kalaban ag bumaliw mapung-aw.

Hirimyas 48:20

Sumagut sida, ‘Nawayak ag nangay-a ti Muab. Panhuyaw kamu ag paglumi. Ihuyaw niyu sa Arnun kuntay nawayak ti Muab.’

Hirimyas 48:37

Ti kada usa nagpaburayhaw kanda karukuan sa panab-anan pagpakidkid, pag-uguy bungut, pagbiyag sa kanda manga kamang ag pagsulung manga rutay panhimanglaw.

Hirimyas 48:7

Manga taga Muab, magtiwala kamu sa kakayahan ag kayamanan niyu nakan bihagun kamu hanggan kanyu diyus-diyusan si Kimus bag-u ti manga manughandug hanggan manga takinan inda.

Hirimyas 49:1

Inda waydi ti sinabi Panginuun tungkul sa manga taga Amun: “Kamu pag manga magsamba sa diyus-diyusan si Muluk, hayga niyu pag-ulian ti manga banwa sa daga ni Gad? Unman aw may linahi si Israil manugmana sa inda pag daga?

Hirimyas 51:8

Kadaka mawayak ti Babilunya! Ihimanglaw niyu siya! Bulunga niyu kay manga biyag barang abi umayad siya.”

Hirimyas 6:26

Manga kasimanwa, pagsulung kamu rutay panhimanglaw, ag pagpalilid sa dapug hampay ipakakit kanyu karukuan. Paglumi kamu ga namatay kanyu bugtung anak lalaki. Dahil kadaka kita girahun kalaban.

Amus 1:15

Ag bihagun ti hari Amun hanggan kay manga may kangaranan. Aku, ti Panginuun, ti magsabi inda.”

Sipanyas 1:5

Papasun diman niku ti manga tawu magdayik sa bubungan nida manga balay hampay mansamba sa init, sa bulan, hanggan sa manga pamgasan. Papasun niku ti manga magsamba ag magpanumpa mansirbi sa kangku, dapat magpanumpa diman mansirbi sa diyus-diyusan sa kan Muluk.

Santiyagu 5:1

Pagpatingi kamu pag manga mayaman. Paglumi kamu pagnguynguy dahil sa manga kakurian rumas-ug sa kanyu.

Huswi 7:2

Ati ginan sa Hiriku nagsugu si Huswi manga tawu mantiid ati sa Hay, usa ka banwa sa butlakan Bitil arani sa Bit Abin. Nakan nanlakaw ti manga tawu hampay mantiid.

Huswi 8:1

Taynguna magkun ti Panginuun sa kan Huswi, “Danga kawu magkadala ngatay magpanlubay. Tipuna ti tanan nimu sundalu ag giraha maan ti Hay, dahil ipakaun niku sa kanmu manga kamang ti hari Hay, kay nasakupan, kay banwa hanggan kay manga daga.

Huswi 8:28

Bag-u ipinasunug ni Huswi ti buu Hay, ag udyi inda maipatindug uman. Tugka kainda unman yi may mag-uli ati.