Hirimyas 49:19 - Hanunuu

¹⁹ Kadaka niku girahun ti Idum ga liyun ginan sa katalunan Sapa Hurdan atag sa pasturan may mayamu karanidu. Manpalalagiwan sida, ag pamahalaun niku sa Idum ti tawu pinili niku. Si unu ti maiparihu sa kangku? Si unu ti pumanghas kuntay kalabanun sa aku? Si unu pag takinan ti manlaban sa kangku?

Hirimyas 49:19 Iomraidhean Croise

1 Krunika 12:15

Dinipay nida ti Sapa Hurdan sa udas tig baraha inda sa un-an pag bulan timpu, ag pinaighit nida ti tanan mag-uli sa karatagan sa butlakan ag sa isalpan sa sapa.

2 Krunika 20:6

ag magkun, “Panginuun, Diyus nimi manga ginurang, kawu ti Diyus asan sa langit? Kawu ti magpamahala sa tanan pag kaharian sa kalibutan. Makamaskihan gid kawu ag unman may makalaban sa kanmu.

Hub 41:10

Nu unman ngani may magpanghas bumalag sa kanya, si unu waya nguna ti pumanghas sa paglaban sa kangku?

Hub 9:19

Nu kabisugan ti paghampangan, unman may tumalu sa kanya! Nu ilakaw sa hurusayan, si unu ti humabla sa kanya?

Hub 9:21

Una unman may alangan sa kang buhi, unman inda may pulus sa kangku taynguna. Pagkadat-an yi niku kang buhi.

Kanta 143:2

Danga aku pagsintinsiyahi kanmu manugsirbi, dahil unman may una usa ti matadlung sa kanmu atubangan.

Kanta 76:7

Diyus, pagkadalaan kawu. Si unu nguna ti makaagwanta sa kanmu nu magalit kawu?

Kanta 76:8

Ginan sa langit magsintinsiya kawu. Nadala sa kanmu ti manga tawu sa kalibutan ag nanahimik sida

Kanta 89:6

Panginuun, unman may una di usa sa langit ti parihu sa kanmu. Unman may taga langit pag linalang ti pumarihu sa kanmu.

Kanta 89:8

Panginuun Diyus Makamaskihan, unman kawu may kaparihu; makamaskihan kawu ag magtupad sa tanan nimu pagbuwatun.

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Isayas 40:25

Magkun ti Banal pag Diyus, “Sa kantapu niyu aku pag ipatulad? May kaparihu aw aku?”

Isayas 46:9

Alalahana niyu kang manga binuwat kaybi sa un-an pag udas. Aku lang ti Diyus, udyi may iba pumarihu sa kangku.

Hirimyas 12:5

Magkun ti Panginuun, “Hirimyas, nu magkagasa kawu magpakaburukadan sa manga tawu, lalu waya sa manga kabayu. Nu mag-idapa kawu sa ratag pag rugar, lalu yi nu sa kapuruan arani sa Sapa Hurdan.

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 30:21

Ti manga takinan nida ginan diman gid sa kanda. Ipakarani niku siya sa kangku, ag siya waydi pumakarani. Dahil unman may tawu pumanghas pumakarani sa kangku nu balaw niku siya pakaranihun. Aku, ti Panginuun, magsabi,

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Danyil 7:4

“Kay un-an pag hayup ga liyun, dapat may pakpak agila. Habang magbantay aku, pinlud kay pakpak. Ipinatindug siya ga tawu ag pinakan-an kaisipan parihu sa tawu.

Nahum 1:6

Hintay waydi ti umagwanta sa kay masyadu pag pangagalit? Nu magkagalit siya ga magbuga siya apuy, una manga batu magkarapugdak sa kay atubangan.

Sakaryas 11:3

Maglumi ti manga manug-alaga karanidu dahil nagkaradaut kanda malangba pag manga paraharaban. Mag-ngurub ti manga liyun dahil nadaut ti katalunan Hurdan kanda pag-ulian.

Bilang 16:5

Bag-u magkun siya sa kan Kura hanggan sa tanan niya tagasunud, “Aldaw surip, ipaburayhaw Panginuun nu si unu ti tutuu pinili sumirbi sa kanya bilang manga manughandug, dahil ipakarani niya sa kay kadayawan kay pinili. Nakan kaindaay kanyu buwatun aldaw: pagbuul kamu manga sukadan kamangyan,

Ipinakakit 6:17

Dahil nagras-ug yi ti madala gid pag kaudasan, pinahinukdan yi kanda galit. Hintay waya ti umabanti?”