Hirimyas 49:16 - Hanunuu

¹⁶ Ipagpadayaw niyu kuntay mag-uli kamu sa mabatu ag sa arabwat pag rugar. Dapat sa pagpalabaw ag pagpadala niyu tunda sa iba, pagdayaun niyu kanyu sadili. Dahil una mag-uli kamu sa pinakaabwat pag rugar parihu sa pagpugadan agila, ipaababa waya diman niku kamu. Aku, ti Panginuun, ti magsabi inda.”

Hirimyas 49:16 Iomraidhean Croise

2 Hari 14:7

Si Amasiyas imaw ti nakamatay 10,000 Idumita sa luung pag-ingarnan Asin. Naagaw diman niya sa girahan ti Sila, ag iningarnan niya inda Huktiil, tugka taynguna imaw di inda kay ngaran.

Hub 39:27

Kawu aw lugud ti nagsugu sa agila kuntay paglayang hanggan sa pagbuwat niya pugad sa abwat pag rugar?

Kabagawan 16:18

Ti pagpadayaw-dayaw tawu makapadamhak sa kanya.

Kabagawan 18:21

Ti bagaw tawu makaribri sa buhi ngatay ngap makamatay. Nakan nu parabagaw kawu, pagdahan kawu dahil anihun nimu ti burak nimu manga pagbagawun.

Kabagawan 29:23

Ti kayabangan tawu makapakaun sa kanya kakay-ahan, dapat ti pagpakumbaba tawu makapakaun sa kanya kadayawan.

Kanta ni Sulumun 2:14

Parihu kawu sa kalampati magpatagu sa ukang batu. Pakakitan sa kangku kanmu marinu uyahun ag padnugan kanmu marinu busis.

Isayas 10:14

Bin-ul niku ti kayamanan manga nasyun, ga magpunpun lang aku itlug sa pugadan tinayakan niya ina. Unman may pakpak magkabkabaw ngatay uni nadnugan.’ ”

Isayas 2:21

Malagiw ngani sida atabug sa manga lukib sa dirigun hanggan sa daraka batu hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 49:25

Dapat inda kay sagut Panginuun, “Hu, mairibri nimu ti manga binihag manga sundalu mahigpit ag mab-ul waya nimu kanda manga inagaw. Dahil labanan niku ti manga maglaban sa kanmu ag iribri niku kanmu manga anak.

Hirimyas 48:14

Ipagpadayaw manga taga Muab kuntay maraisug ti sundalu nida sa paglaban.

Hirimyas 49:15

Dahil magkun ti Panginuun sa manga taga Idum, “Buwatun niku kamu mas ababa kaysa iba pag manga nasyun, ag puyaan nida kamu.

Hirimyas 50:29

“Tawaga niyu ti manga manugpana hampay man-gira sa Babilunya! Sangputan niyu hampay unman may makapalagiw. Balusi niyu siya sa kay binuwat; buwata niyu sa kanya ti binuwat niya sa iba dahil linabanan niya ti Panginuun, ti Banal pag Diyus sa Israil.

Hirimyas 51:53

Una umaput waya sa langit ti manga alad batu Babilunya, ag una papag-unun waya nida inda, mamadara diman aku manugwayak. Aku, ti Panginuun, ti magsabi inda.

Amus 9:2

Una patagu waya sida sa sirung daga, ati sa rugar manga namatay, bul-un diman niku sida ati. Una dumayik waya sida sa langit, butungun diman niku sida atag sirung.

Habakuk 2:9

“ ‘Kaawaawa kamu pag manga magpatindug manga balay ginan sa kuwarta nab-ul niyu sa daut pag buwat. Pagpatibayun waya niyu kanyu manga balay hampay balaw kamu maunu nu rumas-ug ti kadautan.

Malakyas 1:3

dapat si Isaw unman. Dinaut niku kay manga kabantudan, nakan nagbaliw lang inda ulian manga simarun idu.