Hirimyas 49:11 - Hanunuu

¹¹ Dapat matayak sa kangku ti manga ilu niyu dahil aku ti mangalaga sa kanda. Ag ti manga naburanday niyu makasarig gid sa kangku.”

Hirimyas 49:11 Iomraidhean Croise

Kanta 146:9

pag-alagaan niya ti manga day-uhan, pag-awatan niya ti manga ulila ag manga buranday pag babayi, dapat pag-amparahun niya ti manga kagustuhan manga magbuwat daut.

Kanta 68:5

Ti Diyus, mag-uli sa kay banal pag Balay, mag-alaga sa manga ulila ag manug-apin sa manga buranday babayi.

Kanta 82:3

Pakan-i niyu katadlungan ti manga makuri hanggan ti manga ulila. Apini niyu ti karampatan manga magpangailangan hanggan pag-apihun.

Husyas 14:3

Balaw yi kami manhagad awat sa Asirya, balaw yi kami manarig sa manga kabayu pan-gira. Balaw yi nimi tawagun Diyus kanmi binwat manga diyus-diyusan. Dahil pagkaawaan nimu kami parihu sa manga ilu.’ ”

Hunas 4:11

Aku aw waya abi ti dayu manhinayang sa daka pag banwa Ninibi subra sa 120,000 tawu unman may alam tungkul sa kang manga kasuguan, bag-u may mayamu waya pag manga hayup?”

Sakaryas 7:10

Danga niyu pag-apiha ti manga buranday babayi, manga ilu, manga pugri, ag ti manga day-uhan magpangulian kaibahan niyu. Danga kamu gayak daut laban sa kanyu kaparihu.’

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Diyuturunumiyu 10:18

Pag-apinan niya ti karampatan manga ilu hanggan manga buranday pag babayi. Pagmahalun niya ti manga day-uhan mag-ulian sa Israil ag pagpakan-an niya sida karan-unun hanggan manga rutay.

1 Timutiyu 5:5

Ti babayi buranday nu udyi may katawuhan, Diyus wadi kay pagsarigan, nakan ngani pirmi siya magdarangin sirang yabi maghagad kay pangailangan sa Panginuun.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.