Hirimyas 48:8 - Hanunuu

⁸ “Rumas-ug ti manugruris sa kada banwa ag unman may banwa makaribri. Magkarawayak ti manga banwa sa karatagan hanggan sa ratag sa babaw bantud. Mangyari gid inda dahil sinabi ngapu Panginuun.

Hirimyas 48:8 Iomraidhean Croise

Hirimyas 15:8

Payamuun niku kanyu manga buranday mas mayamu waya sa baras sa baybay dagat. Sa karaw-an sirang, ipadara niku ti rumuris sa manga ina niyu manga kalay-awan lalaki. Kadaka rumas-ug sa kanyu ti karukuan hanggan kadalaan.

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 48:18

“Kamu pag manga taga Dibun, pagpakumbaba kamu ag pagtukaw sa daga dahil ti nagwayak sa Muab man-gira diman sa kanyu ag gubaun nida kanyu manga banwa magkasangput manga alad batu.

Hirimyas 51:56

Rumas-ug ti manga manugwayak sa Babilunya ag bihagun kay manga sundalu, ag mabari kanda manga ugyung. Dahil aku, ti Panginuun, ti Diyus magparusa sa daut. Ag parusahan niku ti Babilunya angay lang sa kanya.

Hirimyas 6:26

Manga kasimanwa, pagsulung kamu rutay panhimanglaw, ag pagpalilid sa dapug hampay ipakakit kanyu karukuan. Paglumi kamu ga namatay kanyu bugtung anak lalaki. Dahil kadaka kita girahun kalaban.

Isikil 25:9

Nakan ipagira niku ti manga banwa sa katugkaan Muab, kaibahan yi ti manga magpanguna nida pag manga banwa parihu sa Bit Hisimut, Baal Miyun, hanggan Kiryataim — ti manga banwa nida pag-ipadayaw.

Huswi 13:17

Kaibahan diman ti Hisbun ag ti tanan banwa sa karatagan: ti Dibun, ti Bamut Baal, ti Bit Baal Miyun,

Huswi 13:21

ti tanan banwa sa ratag sa babaw bantud ag ti tanan banwa sakup ni Sihun hari Amuriyu maghari sa Hisbun. Tinalu siya ni Muysis hanggan ti manga takinan Midyan sida ni Ibi, ni Rikim, ni Sur, ag ni Riba. Inda sida naghari sa kanda manga daga sa sirung kapangyarihan ni Hari Sihun.

Huswi 13:9

Kanda daga ginan sa Aruwir sa arani Luung Arnun (kaibahan yi ti banwa sa arani luung) atabug sa buu ratag sa babaw bantud ginan sa Midiba tugka sa Dibun.