Hirimyas 48:41 - Hanunuu

⁴¹ Sakupun ti manga banwa hanggan ti manga kampu sa Muab. Sa ati pag manga sirang, madala ti manga sundalu sa Muab parihu sa usa ka babayi arani yi manganak.

Hirimyas 48:41 Iomraidhean Croise

Isayas 13:8

ag mangirkirug sa kadalaan. Maungdan nida ti subra pag kakurian parihu sa kakurian babayi magpanganak. Mamarantayan sida sa usa kag sa usa ag manragang kanda manga uyahun sa kay-a.

Isayas 21:3

Ti nakitan ag nasaydan niku sa kang pangakakitun nakapakaun gid masyadu pag kadalaan sa kangku. Nanarakit kang bilug, ga babayi magkakurian sa magpanganak.

Hirimyas 30:6

May ipaingana aku sa kanyu. Mahimu aw manganak ti lalaki? Hayga mag-akitan niku ti manga lalaki magpanlapsi ag paghiyaptan kanda tiyan ga babayi magkaanak yi?

Hirimyas 4:31

Nadnugan niku ti maglumi hanggan magpabawi, ga babayi magpanganak sa kay panganay anak. Lumi inda manga nasakupan Hirusalim ga maghingagaw kanda arup. Pag-ipaabwat nida kanda manga kamang magkun, “Kaawaawa waydi kami; ag ga malipungan yi, dahil asan yi kanmi manga kalaban ti manmatay sa kanmi.”

Hirimyas 4:9

Magkun ti Panginuun, “Sa ati pag sirang, tumalaw ti manga hari hanggan manga may kangaranan niya, madiklahan ti manga manughandug, bag-u madulaw ti manga purupita.”

Hirimyas 48:24

Kiryut ag Busra. Rumas-ug yi ti parusa sa tanan banwa sa Muab, sa arayu ag sa arani.

Hirimyas 49:22

Bantayi niyu! Ti kalaban ga sa agila maglayang mandagit sa manga taga Busra. Sa ati pag udas, dalaun ag bumaliw ga babayi arani yi manganak ti manga sundalu sa Idum.”

Hirimyas 49:24

Naglumuy ti manga taga Damasku ag linmayas sida dahil sa dala. Dala ag kabuyatan tagipusuun ti nadamdaman nida ga bilang babayi arani yi manganak.

Hirimyas 50:37

Mitama inda sa kay manga kabayu, manga kalisa, ag sa tanan magkampi sa kanya. Bag-u lumumuy sida ga babayi! Mitama diman inda sa manga kayamanan niya ag pamul-un inda tanan.

Hirimyas 50:43

Nabaritaan inda hari Babilunya ag nanlulubay siya. Nakadamdam siya dala ag sakit parihu sa babayi magkaanak yi.

Hirimyas 51:30

Umapas ti manga sundalu Babilunya sa paglaban ag mamirmaminti yi lang sida sa kanda kampu. Manlumuy sida ga malumuy pag babayi. Mairub ti manga balay sa Babilunya ag madaut ti manga sabian.

Hirimyas 6:24

Nabaritaan nimi tungkul sa kanda nakan bag-u kami nanlulubay. Dala ag kakurian ti mag-asaydan nimi parihu sa babayi magpanamdam arani yi manganak.

Amus 2:2

Nakan sunugun niku ti Muab hanggan ti mapag-un pag bahagi Kiryut. Mamatay ti manga taga Muab habang magriringgitan ag magpatunug manga budyung kanda manga kalaban maggira sa kanda.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.