Hirimyas 48:35 - Hanunuu

³⁵ Pap-utun niku sa Muab ti manga maghandug sa manga simbahan sa abwat pag rugar ag magtuub kamangyan sa kanda manga diyus-diyusan. Aku, ti Panginuun, ti magsabi inda.

Hirimyas 48:35 Iomraidhean Croise

Isayas 15:2

Tinmukad ti manga taga Dibun sa kanda Balay Diyus hanggan sa kanda manga simbahan sa abwat pag rugar hampay manlumi. Paglumian manga taga Muab ti Nibu hanggan ti Midiba. Ti kada usa sa kanda napakidkid kay buhuk ag napauguy kay bungut.

Isayas 16:12

Gasaun lang ti manga taga Muab magpakabalik sa kanda manga simbahan sa abwat pag rugar. Ag unman diman may pulus kanda mag-atag sa Balay Diyus hampay mandarangin.

Hirimyas 11:13

“Kamu pag manga taga Huda, pagkayamu kanyu manga diyus-diyusan, parihu kay kayamu sa kanyu manga banwa. Ag nu kabitay kayamu ti manga baklayan sa Hirusalim, katida diman kay kayamu ti harandugan ipinatindug niyu hampay sunugan kamangyan para sa mayagting pag diyus-diyusan ni Baal.

Hirimyas 48:7

Manga taga Muab, magtiwala kamu sa kakayahan ag kayamanan niyu nakan bihagun kamu hanggan kanyu diyus-diyusan si Kimus bag-u ti manga manughandug hanggan manga takinan inda.

Hirimyas 7:9

Kamu mananakaw, manugmatay, magpanguragin, magkastigus sa kapudilan, magtuub kamangyan sa kan Baal, bag-u magsamba sa iba manga diyus balaw niyu magkakilala.

Bilang 28:14

Ti kada turiti baka may kaibahan handug irinmun duwa ka litru. Ti tudu karanidu paibahan usa may tunga ka litru intus. Ag ti kada turiti karanidu paibahan usa ka litru irinmun. Inda ti binulan pag handug pagsunugun kanyu buwatun sa kada umpisa pag sirang kada bulan sa buu timpu.