Hirimyas 48:2 - Hanunuu

² Balaw yi dayawun ti Muab; ti manga kalaban sa Hisbun maggayak wasakun ti Muab. Ag kawu waydi banwa Madmin girahun manga kalaban ag bumaliw mapung-aw.

Hirimyas 48:2 Iomraidhean Croise

Isayas 15:1

Inda ti pagsabihun tungkul sa Muab: Sa sulud lang usa ka yabi nawayak ti banwa Ar hanggan ti Kir sakup Muab.

Isayas 15:5

Nanruku gid aku dahil sa nangyari sa Muab. Nagpinalagiw kay manga nasakupan atabug sa Suar tugka sa Iglat Silisya. Maglulumian sida habang magtukad atabug sa Luhit. Ti iba sa kanda magnguynguy atabug sa Hurunaim, dahil sa kanda nadangtan.

Isayas 16:14

Ag taynguna, inda kay pagsabihun, “Sa sulud tulu ka timpu, madura ti kayamanan Muab ag miuli sa kakay-ahan kay manga nasakupan. Pira-pira lang ti masawad buhi sa manga nasakupan niya ag manga malumuy waya.”

Isayas 25:10

Ungud awatan Panginuun ti Bantud Siun, dapat parusahan niya ti Muab. Tat-an niya inda ga dayami sa rayamtan paruk.

Hirimyas 25:15

Magkun sa kangku ti Panginuun, ti Diyus Israil, “Bul-a nimu sa kang kamang ti ungut punu pangagalit niku, ipainum nimu sa tanan nasyun nu naan tag kawu pag-ipadara niku.

Hirimyas 25:17

Nakan bin-ul niku ti ungut sa kamang Panginuun ag pinainum niku ti tanan nasyun nu naan aku pag isinugu niya.

Hirimyas 31:36

Mintaras may langit ag kalibutan, pumirmaminti diman ti nasyun Israil hanggan waya aban.

Hirimyas 33:24

“Balaw aw nimu nadnugan pagsurugun manga tawu ti nasakupan niku? Magkun sida, ‘Dinayu Panginuun ti duwa ka kaharian kay pinili.’ Nakan pagpuyaan nida kang nasakupan, udyi nida pagkilalan-un nasyun inda.

Hirimyas 46:28

Nakan danga kamu magkadala, kamu pag manga linahi manugsirbi niku si Hakub, dahil kaibahan niyu aku. Wasakun yi niku lubus ti manga nasyun pinanwayakan niku sa kanyu, dapat ay balaw niku kamu tabuhun wasakun lubus. Parusahan niku kamu angay lang dapat sa kanyu. Balaw mahimu nu unman niku kamu parusahan. Aku, ti Panginuun, ti magsabi inda.”

Hirimyas 48:17

Paglumi kamu, kamu tanan pag kakampi Muab! Sabihun niyu, ‘Udyi ti Muab! Nabari yi kay sugkud, ti sugkud tanda sa pagkamakapangyarihan ag kabantugan niya.’

Hirimyas 48:42

Mawayak gid ti Muab dahil sa paglaban niya sa Panginuun.

Hirimyas 48:45

Ti manga kaawaawa nakapalagiw magkaibug patagu sa Hisbun. Dapat ti Hisbun kay pagharian ni Hari Sihun maglabdaban sa apuy ag nairub hanggan ti manga kabantudan pagpatag-an manga taga Muab kay gustu girahan.

Hirimyas 49:3

“Paglumi kamu kabisug, kamu pag manga taga Hisbun dahil wayak yi ti Hay. Paglumi diman kamu pag manga taga Raba. Pagrutay kamu rutay saku ag pagpabalik-balik sa saruy alad batu hampay ipakakit kanyu maghimanglaw. Dahil bihagun kanyu diyus-diyusan si Muluk hanggan ti manga manughandug ag takinan niya.

Hirimyas 49:37

Rurisun niku sida sa panab-anan manga kalaban nida magkaibug mumatay sa kanda. Ungud paras-ugun niku sa kanda ti kadamhakan dahil sa masyadu niku pag galit sa kanda. Aku, ti Panginuun, magsabi ipagira niku sida sa kanda manga kalaban tugka sa madura sida tanan.

Bilang 32:37

Ag ipinatindug maan manga lahi ni Rubin ti Hisbun, ti Ilali ag ti Kiryataim