Hirimyas 48:15 - Hanunuu

¹⁵ Dapat mawayak gid ti Muab hanggan kay manga banwa inda. Matyun kanda maraisug pag kalay-awan. Aku, ti Panginuun Hari Makamaskihan, ti magsabi inda.

Hirimyas 48:15 Iomraidhean Croise

Kanta 47:2

Kagalang-galang gid ti Panginuun, ti Kaabwat-abwatan pag Diyus. Makamaskihan siya pag hari sa buu kalibutan.

Hirimyas 46:18

“Aku, ti buhi pag Hari, ti Panginuun Makamaskihan, pag-isumpa niku may imaw gumira sa Ihiptu subra man sa kanya, parihu sa Bantud Tabur sa karaw-an manga kabantudan ngatay sa Bantud Karmilu sa saruy dagat.

Hirimyas 48:4

Mawayak gid ti Muab ag manlulumian ti manga anak.

Hirimyas 50:27

Matya niyu ti tanan nida manga sundalu parihu sa turiti baka. Matya niyu sida tanan. Kaawaawa sida dahil rinmas-ug yi ti udas kailangan sida parusahan.

Hirimyas 50:34

Dapat aku kanda Manuglukat, Panginuun Makamaskihan kang ngaran. Apinan niku sida ag pakan-an kahusayan, dapat guluhun niku ti manga nasakupan sa Babilunya.

Hirimyas 51:40

Darahun niku sida hampay iyawun ga manga karanidu ag manga kambing.

Hirimyas 51:57

Languhun niku kay manga pinunu, ti manga matinudukun pag manga tawu, ti manga takinan, ti manga kumandir, hanggan kay manga sundalu. Mahamuukan sida balaw yi mipulaw. Aku, ti Hari, ti magsabi inda. Panginuun Makamaskihan kang ngaran.”

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Amus 4:10

“Pinadarahan niku kamu manga sarut parihu sa ipinadara niku kaybi sa Ihiptu. Ipinamatay niku kanyu manga kalay-awan lalaki sa girahan ag ipinabihag niku kanyu manga kabayu. Pinakurianan diman niku kamu sa buyuk manga namatay sa kanyu manga kampu. Dapat unman diman kamu nagbalik sa kangku. Aku, ti Panginuun, ti magsabi inda.

Sakaryas 14:9

Ti Panginuun ti humari sa buu kalibutan. Siya lang ti kilalan-un Diyus ag udyi may iba waya.

Malakyas 1:14

Saadan niku ti magdaya, madi may taratu manhandug kay mayad pag hayup dapat kay ihinandug sa kangku balaw mayad. Saadan niku siya dahil aku ti makamaskihan pag hari ag paggalangun aku manga nasyun. Aku, ti Panginuun Makamaskihan, ti magbagaw inda.”

Santiyagu 5:4

Magtawag magpatutuu laban sa kanyu ti patabig unman ipinakaun niyu sa manga manug-ani sa kanyu tanman. Kay dangup manga manug-ani kanyu inapi aput yi sa langit, nadnugan yi Panginuun Makamaskihan sa tanan.

Ipinakakit 19:16

Nakapirma kay ngaran sa kay rutay ag sa kay balangbang magkun, “Hari manga hari, ag Panginuun manga panginuun.”