Hirimyas 48:14 - Hanunuu

¹⁴ Ipagpadayaw manga taga Muab kuntay maraisug ti sundalu nida sa paglaban.

Hirimyas 48:14 Iomraidhean Croise

Kanta 11:1

Sa Panginuun aku pag magdangup. Nakan hayga magkumun kamu sa kangku, “Palagiw kawu tag sa kabantudan parihu sa manuk,

Kanta 33:16

Ti usa ka hari balaw manalu sa gira dahil lang sa kay kayamuun manga sundalu. Ag ti usa ka sundalu balaw waydi maribri sa gira dahil lang sa kay masyadu pag kabisugan.

Manugtudlu 9:11

May nakitan waya gid aku sitay sa kalibutan: Unman tanan mabisug magpalagiw magpanalu sa lalagsan, ag balaw tanan mabisug magpanalu sa labanan. Unman tanan madunung makakit karabuhian, unman tanan madunung magyaman, ag unman tanan may kakayahan magpanalu. Nakan magras-ug sa kada tawu kanya aratubangun.

Isayas 10:13

Dahil magkun siya, ‘Nabwat niku inda sa panab-anan niku sadili kabisugan ag kadunungan. Tinalu niku ti mayamu pag manga nasyun ag bin-ul kanda manga kayamanan. Parihu aku sa tudu baka; dinaug niku kanda manga hari.

Isayas 10:16

Nakan mamadara sakit ti Makamaskihan Panginuun, imaw ti pumalumuy sa makurasug pag sundalu Asirya. Irubun Panginuun ti manga kayamanan niya sa maglabdaban pag apuy.

Isayas 16:6

Nabaritaan nimi masyadu marapadayaw ti manga taga Muab. Ti pagpalabaw ag kayabangan nida unman may pulus.

Hirimyas 49:16

Ipagpadayaw niyu kuntay mag-uli kamu sa mabatu ag sa arabwat pag rugar. Dapat sa pagpalabaw ag pagpadala niyu tunda sa iba, pagdayaun niyu kanyu sadili. Dahil una mag-uli kamu sa pinakaabwat pag rugar parihu sa pagpugadan agila, ipaababa waya diman niku kamu. Aku, ti Panginuun, ti magsabi inda.”

Hirimyas 8:8

Kabitay niyu magkasabi kuntay madunung kamu, dahil aw alam niyu ti manga kasuguan Panginuun? Kay tutuu, binag-u tida niyu manga manugtudlu.

Hirimyas 9:23

Magkun waya gid ti Panginuun, “Balaw kailangan pag ipadayaw madunung kay kadunungan, ngatay mabisug kay kabisugan, aw ngatay ti mayaman kay kayamanan.

Isikil 30:6

Aku, ti Panginuun Diyus magkun, midamhak gid ti manga kakampi Ihiptu ag madura kay pag-ipadayaw pag kapangyarihan. Magkaramatay kay manga nasakupan ginan sa Migdul tugka sa Aswan.

Sipanyas 2:10

Magkun si Sipanyas, “Tunda ti balus sa kayabangan manga taga Muab ag taga Amun. Dahil pagpakay-ahun nida ag pagmuransahun ti nasakupan Panginuun Makamaskihan.