Hirimyas 47:3 - Hanunuu

³ Madnugan nida ti iringayan talagalpakan hanggan manga daguldul manga kabayu ag manga kalisa. Balaw yi mangaliwliw kay manga ama hampay awatan kanda manga anak dahil sa dala.

Hirimyas 47:3 Iomraidhean Croise

Isayas 5:28

Maratarum kanda manga ugyung, alistu kanda manga bayi. Ti kuku nida manga kabayu parihu sa maganit pag batu, ag ti buyung nida gulung kalisa ga buhawi.

Hirimyas 46:9

“Sigi, manga taga Ihiptu, papalagiwun yi niyu ti manga kabayu ag kalisa niyu! Paggira yi kamu hanggan ti tanan manga kakampi niyu ginan sa Itiyupya, Put, ag Lidya anad sa maggamit manga panangga ag ugyung.

Hirimyas 50:42

Kanda dara armas manga ugyung ag manga bangkaw. Mahigpit sida ag unman may pangaawa. Kanda ingay ga marabaskug pag humbak habang masakyan sida sa kanda manga kabayu. Rumas-ug sida nakaalistu hampay girahun kamu pag manga taga Babilunya.

Hirimyas 8:16

Ti ham-us kabayu manga kalaban mag-adnugan ginan sa Dan. Sa harihi di waya kabayu nida, pagtakigan yi ti buu daga. Rinmas-ug sida hampay wayakun inda pag daga hanggan ti tanan atay — ti manga banwa ag ti tanan manga mag-uli sitay.’ ”

Isikil 23:24

Man-gira sida sa kanmu ginan sa salatan kaibahan ti mayamu pag manga sundalu, manga kabayu, ag manga kalisa. May manga panangga sida ag manga kalu, ag palibutan kawu nida. Ipakaun niku kawu sa kanda hampay parusahan, ag parusahan kawu nida parusa angay sa kanda pamantay sa kanmu.

Nahum 2:4

Maghagunung kanda manga kalisa sa manga karsada, mag-atabug ag mag-ataytag sa manga palasa. Magrayaw inda parihu sa sulu hanggan magkislap parihu sa kilat.

Nahum 2:8

Ti manga tawu magpalagiw ginan sa Ninibi ga danum lang magbulus ginan sa nabuswang tambung. Ti manga magpalagiw pagpabalikun nida manga kaibahan dapat unman yi gid may nagbalik.

Ipinakakit 9:9

May takip kanda dubdub bilang yi baul pag panangga. Kay hagabur nida manga pakpak ga kabayu ga manga kalisa magkararadkadan mag-apura tag sa girahan.

Talaghusay 5:22

Ag taynguna madnugan ti tagalpak lulud manga kabayu.