Hirimyas 46:8 - Hanunuu

⁸ Inda ti nasyun Ihiptu, nagbaliw makamaskihan parihu sa Sapa Nilu mag-abwat ti danum ag maglapwas tugka sa pangpang. Magkun ti Ihiptu, ‘Nagbaliw makamaskihan aku parihu sa baha maglapwas sa buu kalibutan. Wasakun niku ti manga banwa hanggan kay manga nasakupan inda.’

Hirimyas 46:8 Iomraidhean Croise

Isikil 29:3

Sabihi siya aku, ti Panginuun Diyus, magkun: Kalaban niku kawu, hari Ihiptu. Parihu kawu sa daka pag buaya malanguyan sa sapa. Magsabi kawu, ‘Ti Sapa Nilu, aku ti nagbuwat inda para sa kang sadili.’

Isikil 32:2

“Anak tawu, paghirinangbitun kawu sa hari Ihiptu. Sabiha inda sa kanya: Mag-isip kawu parihu kawu sa liyun paatabug-paataytag sa manga nasyun. Dapat kay tutuu, parihu lang kawu sa buaya maglanguy-languy sa kanmu sadili sapa. Pagkalawkawun nimu manga lulud ti danum bag-u magkalubug inda.

Danyil 11:10

“Manipun mayamu pag sundalu ti manga anak hari Sirya hampay mangalistu sa paglaban. Ti usa sa kanda man-gira ga baha balaw maampara. Man-gira siya tugka sa may alad batu banwa hari Ihiptu.

Amus 8:8

Dahil siyun, palinugun niku kanyu daga ag manlulumian kamu. Matandug gid masyadu kanyu daga, parihu sa pag-awas ag paghubas Sapa Nilu sa Ihiptu.