Hirimyas 46:28 - Hanunuu

²⁸ Nakan danga kamu magkadala, kamu pag manga linahi manugsirbi niku si Hakub, dahil kaibahan niyu aku. Wasakun yi niku lubus ti manga nasyun pinanwayakan niku sa kanyu, dapat ay balaw niku kamu tabuhun wasakun lubus. Parusahan niku kamu angay lang dapat sa kanyu. Balaw mahimu nu unman niku kamu parusahan. Aku, ti Panginuun, ti magsabi inda.”

Hirimyas 46:28 Iomraidhean Croise

Kanta 46:11

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Kanta 46:7

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Isayas 27:7

Balaw pagparusahan Diyus ti Israil parihu sa pagparusa niya ag pagmatay sa manga kalaban nida.

Isayas 27:9

Patawadun lang sida nu dautun nida kanda manga harandugan batu ag nu runutun ka pinu ag iyamut ti manga tulduk tanda diyusa si Asira, hanggan ti manga harandugan pagsunugan nida kamangyan.

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 43:2

Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

Isayas 44:1

“Dapat taynguna, pagpatingi kawu, Israil kang manugsirbi, ti ipinasaman niku pag nasakupan, kan Hakub manga linahi.

Isayas 45:23

Nagsumpa aku sa kang sadili, ti manga pagsabihun niku balaw yi mauman: Manluhud ti tanan tawu sa kangku ag mansumpa sida sumunud sa kangku.

Hirimyas 1:19

Kalabanun nida kawu, dapat unman nida kawu matalu, dahil ibahan ag awatan niku kawu. Aku, ti Panginuun, ti magsabi inda.”

Hirimyas 10:24

Itadlung duy nimu kami Panginuun, angay lang sa kanmi kaya. Danga duy nimu inda pagbuwata sa kanmi dahil sa kanmu pangagalit, barang udyi may masawad sa kanmi.

Hirimyas 15:20

Buwatun niku kawu parihu sa maganit pag alad galang sa inda pag manga tawu. Kalabanun kawu nida dapat unman kawu nida madaug, dahil kaibahan nimu aku. Alagaan niku kawu ag iribri.

Hirimyas 23:4

Pakan-an niku sida manga takinan imaw ti mangalaga sa kanda; balaw yi sida madala hanggan mataranta. Udyi may tumalang sa kanda. Aku, ti Panginuun, ti magsabi inda.”

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 30:11

Kaibahan niyu aku ag iribri niku kamu. Lubus gid niku wayakun ti manga nasyun kinalatan niku sa kanyu dapat balaw niku inda buwatun sa kanyu. Dapat balaw waydi inda kay ibug sabihun balaw niku kamu parusahan. Parig-anan niku kamu sa kang-ud. Aku, ti Panginuun, ti magsabi inda.”

Hirimyas 4:27

Inda ti pagsabihun Panginuun, “Ti buu daga madaut, dapat balaw niku inda lubus dautun.

Hirimyas 5:10

“Kamu pag manga kalaban taga Israil, dauta niyu ti manga ubasan nida, dapat danga waydi pag dauta lubus. Tabasa niyu kay manga sanga, dahil inda pag manga tawu balaw yi kangku.

Hirimyas 5:18

Dapat ati katpung pag sirang, balaw niku kamu rurisun lubus.

Hirimyas 51:46

Dapat danga kamu magkadala ngatay manlubay nu rumas-ug yi ti barita tungkul sa girahan. Dahil ti barita tungkul sa girahan manga hari rumas-ug sa kada timpu.

Danyil 2:35

Rargu nidugsak ti tinawu-tawu buwat sa baul, lutuk, galang, pilak, ag gintu. Bag-u nagbaliw wadi upa sa girik-an pag-ipayag durus una naan tag. Dapat ti batu nidugsak sa lulud diyus-diyusan nagbaliw daka pag bantud nagsakup sa buu kalibutan.

Habakuk 3:2

Panginuun, nadnugan niku ti tungkul sa kanmu manga binwat, nakan magdayaw aku sa kanmu. Taynguna buwata maan inda sa kanmi pag kaudasan. Sa udas ipakakit nimu kanmu pangagalit, kaawai di kami.

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Binwat 18:10

dahil aku sa kanmu di. Unman may umunu-unu sa kanmu, dahil mayamu kang manga sakup sa inda pag banwa.”

1 Kurintu 11:32

Dapat nu kita pagparig-anan Panginuun kainda, tunda pariga sa kanta hampay kita unman miusa sa manga taga kalibutan sa sintinsiya aban.

2 Timutiyu 4:17

Dapat balaw aku pinabay-anan Panginuun. Pinakan-an aku kabisugan hampay lubus mipaliwanag niku ti Mayad pag Barita sa tanan manga balaw Hudiyu. Naribri di aku madi kanda mana ibahug sa manga liyun.

Huswi 1:5

“Unman may makatalu sa kanmu habang buhi kawu, dahil ibahan niku kawu parihu sa kang nag-iba sa kan Muysis. Balaw niku kawu tayakan ag pabay-anan.

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”

Ipinakakit 3:19

Ti kada tawu kang pagmahalun kang waydi pagtadlungun hanggan pagpariganan. Nakan ngani pagmasipag kawu, ampui yi patlikudi yi kanmu kasalanan.