Hirimyas 46:27 - Hanunuu

²⁷ “Dapat kamu pag manga taga Israil linahi niku manugsirbi ni Hakub, danga kamu magpanlubay ngatay magkadala. Dahil iribri di niku kamu ginan sa arayu pag rugar nu naan kamu pag binihag. Utru kamu mangabuhi may kahusayan ag unman may rumas-ug kadautan sa kanyu, balaw diman may una si unu ti pumadala sa kanyu.

Hirimyas 46:27 Iomraidhean Croise

Isayas 14:3

Manga Israilita, sa sirang paharyun kamu Panginuun sa kanyu manga kakurian, pag-agwanta ag pagkasuruguun,

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 43:5

Danga kawu magkadala dahil kaibahan nimu aku. Tipunun niku kanmu manga linahi ginan sa butlakan tugka sa isalpan.

Isayas 44:1

“Dapat taynguna, pagpatingi kawu, Israil kang manugsirbi, ti ipinasaman niku pag nasakupan, kan Hakub manga linahi.

Isayas 44:2

Aku, ti Panginuun, ti naglalang hanggan ti mag-awat sa kanmu. Danga kawu magkadala, Hakub, kawu kang manugsirbi, Israil, hanggan kang pinili.

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 32:37

Tipunun niku ti manga nasakupan niku ginan sa tanan nasyun kinalatan niku sa kanda dahil sa kang masyadu pag galit sa kanda. Utru niku sida darahun sa inda pag rugar ag mangabuhi sida sa mahusay.

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Hirimyas 50:19

Dapat pabalikun niku ti manga Israilita sa nasyun nida. Bumaliw ga manga karanidu sida magharab sa kabantudan Karmilu ag sa karatagan Basan, hanggan sa kabantudan Ipraim ag Gilyad, bag-u mabsug gid sida.

Hirimyas 51:46

Dapat danga kamu magkadala ngatay manlubay nu rumas-ug yi ti barita tungkul sa girahan. Dahil ti barita tungkul sa girahan manga hari rumas-ug sa kada timpu.

Isikil 16:53

Dapat rumas-ug ti udas ibalik niku ti mayad pag kahamtangan Suduma ag Samarya, hanggan kanda manga anak babayi. Ibalik diman niku kanmu mayad pag kahamtangan, dapat kaibahan nida,

Isikil 36:24

Dahil bul-un niku kamu sa tuhay-tuhay pag manga nasyun bag-u pabalikun sa kanyu sadili daga.

Isikil 39:25

Magkun waya gid ti Panginuun Diyus, “Dapat taynguna, kaawaan niku ti nasakupan Israil, ti manga linahi ni Hakub, bag-u ibalik niku kanda mayad pag kahamtangan, hampay maparangalan kang banal pag ngaran.

Amus 9:14

Ipabalik niku kang nasakupan manga taga Israil sa kanda daga ginan sa pagkabihag. Ipatindug maan nida kanda nagkaradaut pag manga banwa ag ati sida pag mangulian. Mantanum sida ubas ag manginum kay intus inda. Mantanum sida sa kanda manga tanman ag kan-un nida kay burak.