Hirimyas 46:25 - Hanunuu

²⁵ Parargu waya pagsabihun Panginuun Makamaskihan, ti Diyus Israil, “Parusahan yi niku si Amun, ti diyus-diyusan sa Tibis, ag ti iba waya pag manga diyus-diyusan sa Ihiptu. Parusahan diman niku ti hari sa Ihiptu hanggan kay manga takinan, ag ti manga magtiwala sa kanya.

Hirimyas 46:25 Iomraidhean Croise

Pag-ighit 12:12

“Sa ati pag yabi, lumawuy aku sa Ihiptu ag matyun niku ti tanan panganay pag anak lalaki manga Ihipsiyu hanggan ti lalaki pag panganay nida hayup. Parusahan niku ti tanan diyus Ihiptu. Aku ti Panginuun.

Isayas 19:1

Inda ti pagsabihun tungkul sa Ihiptu: Pagpatingi kamu! Ti Panginuun masakyan sa rurum ag mabisug inmatag sa Ihiptu. Pagtakigan sa dala ti manga diyus-diyusan Ihiptu, ag pagkulbaan ti manga Ihipsiyu.

Hirimyas 44:30

Ipakaun niku si Hari Hupra, ti hari Ihiptu sa manga kalaban niya gustu mumatay sa kanya parihu sa binuwat niku sa kan Sidikyas sa Huda sa kalaban niya si Hari Nabukudunusur sa Babilunya ti may gustu diman mumatay sa kanya. Aku, ti Panginuun, ti magsabi inda.’ ”

Hirimyas 49:3

“Paglumi kamu kabisug, kamu pag manga taga Hisbun dahil wayak yi ti Hay. Paglumi diman kamu pag manga taga Raba. Pagrutay kamu rutay saku ag pagpabalik-balik sa saruy alad batu hampay ipakakit kanyu maghimanglaw. Dahil bihagun kanyu diyus-diyusan si Muluk hanggan ti manga manughandug ag takinan niya.

Isikil 30:22

Nakan sabiha nimu sa kanya aku, ti Panginuun Diyus magkun, kalaban niku siya. Bariun waya niku kay mayad pag baliw takyay hanggan kay daan bari hampay mabul-iwan niya kay baladaw.

Sipanyas 2:11

Padalaun sida Panginuun dahil papasun niya ti tanan manga diyus-diyusan sa buu kalibutan. Ag sambahun siya manga tawu sa tanan nasyun sa kanda manga banwa.”