Hirimyas 46:21 - Hanunuu

²¹ Hanggan ti manga inupahan niya pag sundalu umusun ag nalagiw. Sida ga manga ibun baka pinatabul hampay iyawun. Mangyari inda dahil udas yi hampay parusahan ag wasakun ti manga taga Ihiptu.

Hirimyas 46:21 Iomraidhean Croise

2 Samwil 10:6

Naisipan manga Amunita kanda ginalit si Dabid, nakan nan-upa sida 20,000 sundalu Aramiyu ginan sa Bit Rihub hanggan Suba, bag-u 1,000 sundalu ginan sa hari Maaka, ag 12,000 sundalu ginan sa Tub.

2 Hari 7:6

Dahil ipinadnug Panginuun sa manga sundalu Aram ti agudhud manga kalisa, manga kabayu, ag mayamu pag manga sundalu, nakan nag-isip ti manga Aramiyu inupahan hari Israil ti hari manga Hitiyu hanggan ti hari manga Ihiptu sa paggira sa kanda.

Kanta 37:13

Dapat pagkasarin-an lang Panginuun ti manga daut, dahil alam niya arani yi ti kaudasan pagsintinsiya.

Kabagawan 15:17

Mas mayad waya mangaun gulay lang pag upi may pagmalahalan kaysa taguban pag upi may aratwan.

Isayas 10:3

Hintay ti buwatun niyu sa sirang pagsintinsiya sa kanyu? Hintay ti buwatun niyu nu rumas-ug ti kadamhakan ginan sa arayu? Sa kantapu kamu pag manhagad awat? Ag naan niyu pag-itagu kanyu kayamanan?

Isayas 34:7

Matyun diman ga manga tudu baka kanda manga makapangyarihan pag nasakupan. Kanda manga daga mapnu dugu ag taba.

Hirimyas 18:17

Panwayakun niku sida sa atubangan nida manga kalaban ga galbuk pag-ipayag durus ginan sa butlakan. Patlikudan niku sida, balaw niku awatan sa sirang rurisun sida.”

Hirimyas 46:22

Malagiw ti manga taga Ihiptu ga ulay maliksi magpalagiw habang maggira ti manga kalaban. Gumira ti manga kalaban may dara manga wasay parihu sa tawu magpamukan puun kayu.

Hirimyas 46:5

Dapat hintay inda ti nakitan niku? Magkadala kamu ag mag-usun. Natalu kamu ag maliksi nalagiw udyi lang mag-aliwliw dahil sa dala.

Hirimyas 46:9

“Sigi, manga taga Ihiptu, papalagiwun yi niyu ti manga kabayu ag kalisa niyu! Paggira yi kamu hanggan ti tanan manga kakampi niyu ginan sa Itiyupya, Put, ag Lidya anad sa maggamit manga panangga ag ugyung.

Hirimyas 48:44

“Una si unu ti malagiw dahil sa dala malagpak sa kali. Ag una si unu ti makaribri sakali mablay sa dit-ag makasulun sa padaya, dahil parusahan gid ungud niku ti Muab sa nakatagka pag udas. Aku, ti Panginuun, ti magsabi inda.

Hirimyas 49:8

Kamu pag manga mag-uli sa Didan pagpalagiw kamu ag pagpatagu sa arabasad pag lukib. Dahil padaran-an niku kadamhakan ti manga linahi ni Isaw sa udas parusahan niku sida.

Hirimyas 50:11

“Manga taga Babilunya, bin-ul niyu ti magkaapu manga nasakupan niku. Nakabaya kamu ag masulung ga sa dumaraga baka sa pasturan ngatay kabayu maghiri-hiri.

Hirimyas 50:27

Matya niyu ti tanan nida manga sundalu parihu sa turiti baka. Matya niyu sida tanan. Kaawaawa sida dahil rinmas-ug yi ti udas kailangan sida parusahan.

Isikil 30:22

Nakan sabiha nimu sa kanya aku, ti Panginuun Diyus magkun, kalaban niku siya. Bariun waya niku kay mayad pag baliw takyay hanggan kay daan bari hampay mabul-iwan niya kay baladaw.

Isikil 35:5

Dugay yi kamu magkagalit sa taga Israil, ag pinabay-anan lang niyu sida girahun sa udas nida kakurian, sa udas pinarusahan yi sida dahil sa kanda manga kasalanan.

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.

Amus 6:4

Kaawaawa kamu pag manga maigyaan lang sa kanyu marinu pag manga parahuwayan, ag magpasawa-sawa lang sa kaun taguban anak karanidu hanggan pinatabul baka.

Ubadyas 1:13

Balaw kamu dapat sinmulud sa banwa niku manga nasakupan sa udas nida kadamhakan ag nam-ul kanda manga kasiyunan. Ag balaw kamu dapat nagbaya sa udas nida magkakurian.

Mikas 7:4

Ti pinakamayad sa kanda parihu lang sa ilamnun unman may pakinabang. Rinmas-ug yi ti kaudasan parusa Diyus sa inda pag manga tawu, ga kay binagaw sa panab-anan manga purupita ga manga guwardiya sa bantayaw. Rinmas-ug yi ti kaudasan nida pagkalitu.

Matiyu 22:4

Nagpasugu maan uman ti hari sa kay manga panawuhun magkun, ‘Sabiha niyu sa kang manga pinaalaman, malu ihinanda yi niku ti manga karan-unun, iniyaw yi niku kang manga tudu baka hanggan ti pinatabul pag manga ibun baka. Pagluwang yi kamu sitay sa pamasaruhan.’

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.