Hirimyas 46:11 - Hanunuu

¹¹ “Manga taga Ihiptu, una umatag waya kamu sa Gilyad hampay manligaw bulung, ti tanan bulung udyi may bisa ag udyi gid makapaayad sa kanyu.

Hirimyas 46:11 Iomraidhean Croise

Gimpuunan 37:25

Habang magkaun sida, may naalantaw sida manugnigusyu pag manga Ismailita ginan sa Gilyad. Kanda manga kamilyu may karga manga panlakay, manga pamulung hanggan pamanglu darahun sa Ihiptu.

Gimpuunan 43:11

Magkun kanda ama, “Nu katida, pagdara kamu pinakamarinu pag kalakal atay ginan sa kanta rugar ag paulian sa kanyu sukadan para ipakaun sa gubirnadur Ihiptu: manga bulung, daykut, panlakay, pamanglu, hanggan manga burak pistasyu ag almindru.

Isayas 47:1

Magkun ti Panginuun, “Babilunya, manukawan kawu sa daga. Manukawan kawu unman may tukawan hari. Kawu parihu sa tugnaw pag babayi, balaw yi tawagun mabuut ag maalumanay.

Hirimyas 14:17

“Hirimyas, sabihun nimu inda sa manga tawu: Sirang yabi, unman may apas kang maglumi dahil garabi ti biyag niku manga nasakupan kang pagkilalan-un tugnaw pag anak, ag tutuu gid magkasaktan aku.

Hirimyas 31:21

“Pagpauli kamu tanda sa dalan. Tandai niyu kaayad kanyu paglakawan pag dalan dahil tunda diman pag dalan kanyu lakawan sa kanyu pagbalik. Israil parihu sa usa ka tugnaw pag babayi, pagbalik yi kamu sa kanyu manga banwa.

Hirimyas 31:4

Utru niku kamu ipatindug, kamu pag manga taga Israil, parihu sa usa ka babayi tugnaw. Utru kamu manayaw sa kabayaan magpatnug kamu kanyu pamakaransing.

Hirimyas 51:8

Kadaka mawayak ti Babilunya! Ihimanglaw niyu siya! Bulunga niyu kay manga biyag barang abi umayad siya.”

Hirimyas 8:22

Udyi aw may bulung sa Gilyad? Udyi aw may manugbulung ati? Hayga unman mag-ayad ti biyag manga kasimanwa niku?

Isikil 27:17

“ ‘Nakipagnigusyu diman sa kanmu ti Huda hanggan Israil. Kanda manga ibinayad sa kanmu manga tirigu ginan sa Minnit, igus, daykut, lana hanggan bulung panhaplas.

Mikas 1:9

Dahil ti kadamhakan Samarya ga biyag udyi maayadan, ag pihu gid mangyari diman inda sa Huda, hanggan sa Hirusalim, ti pinakadaka pag banwa niku manga kasimanwa.

Nahum 3:19

Bumaliw kawu parihu sa tawu nabiyagan balaw yi magkaayadan. Ti tanan makabarita sa kanmu nadangtan mamalakpak sa kabayaan, dahil sida tanan nakalakaw sa kanmu kahigpitan.

Matiyu 5:26

Ungud duy kang pagsabihun sa kanyu, dayi kawu makaluwang ati ginan hanggan sa udwaya mabayadan nimu kay multa.”