Hirimyas 46:10 - Hanunuu

¹⁰ Dapat manalu ti Panginuun Diyus Makamaskihan sa inda pag girahan. Bumalus siya sa manga kalaban niya sa inda pag sirang. Ti baladaw niya ga lun-us pag hayup humalun sa kanda ag uminum sa dugu nida tugka sa mabsug. Ti manga bangkay nida ga manga handug sa Panginuun Diyus Makamaskihan ati sa daga sa kanaway arani sa Sapa Iyupratis.

Hirimyas 46:10 Iomraidhean Croise

2 Hari 24:7

Unman yi inmuman naggira ti hari Ihiptu, dahil nasakup hari Babilunya ti tanan niya magkaapu pag daga, ginan sa Laad Ihiptu tugka sa Sapa Iyupratis.

Hub 24:1

“Hayga unman itinagka Makamaskihan pag Diyus kay udas magpihu sa daut pag manga tawu? Hayga unman mag-akitan manga magkilala sa kanya tunda pag udas sa magpihu?

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Isayas 31:8

Magkaramatay ti manga taga Asirya, dapat balaw sa panab-anan baladaw tawu. Lumayas sida ginan sa girahan, ag bumaliw suruguun kanda manga kalay-awan.

Isayas 61:2

Sinugu diman niya aku hampay ibarita kuntay taynguna yi pag panahun pag-iribri Panginuun kay manga nasakupan ag parusahan kanda manga kalaban. Sinugu diman niya aku hampay libangun ti manga maruku sa Siun, sa halip mamauli sida dapug, kurunahan ngap ngatay paulian lana kanda ulu tanda nida kabayaan. Bumaliw sida ga puun kayu matibay itinanum Panginuun. Kilalan-un sida matadlung pag tawu para sa ikadayaw Panginuun.

Isayas 63:4

Binwat niku inda dahil rinmas-ug yi ti sirang pagbalus niku sa kang manga kalaban ag iribri niku kang manga nasakupan.

Hirimyas 12:12

Rumas-ug ti manga manugdaut sa tanan arabwat pag rugar sa pangawakawaan. Gamitun niku sida pinagkabaladaw mandaut sa buu daga, ag unman may makapalagiw.

Hirimyas 46:14

“Hirimyas ipadakit inda sa Ihiptu, sa Migdul, sa Mimpis ag Tapanis: Pag-alistu yi kamu dahil nakaalistu yi ti baladaw hampay rurisun kamu.

Hirimyas 46:2

Inda ti ipinadakit laban sa manga sundalu ni Hari Niku hari sa Ihiptu: Tinalu sida ni Hari Nabukudunusur sa Babilunya ati sa Karkimis arani sa Sapa Iyupratis, kaybi sa ikap-at pag timpu sa kay maghari ni Hihuyakim kay anak ni Hari Husyas sa Huda:

Hirimyas 46:6

Mabisug kamu ag maliksi magpalagiw dapat unman diman gid kamu makalayas. Magpu kamu ag mamatay arani sa Sapa Iyupratis.

Hirimyas 50:15

Paghuyaw kamu laban sa kanya sa tanan pag rugar! Bantayi niyu! Nag-ampu yi ti Babilunya! Magkawayak yi kay manga bantayaw ag nagkarapugdak yi ti manga alad batu niya. Ti Panginuun ti nagbalus sa kanya. Nakan balusan niyu siya ag buwatun niyu sa kanya ti binuwat niya sa iba.

Hirimyas 50:18

“Nakan aku, ti Panginuun Makamaskihan, ti Diyus Israil magsabi, ‘Parusahan niku si Hari Nabukudunusur hanggan ti Babilunya parihu sa pagparusa niku sa hari Asirya.

Hirimyas 51:6

“Pagpalagiw kamu ginan sa Babilunya! Iribri niyu kanyu buhi. Balaw kamu kailangan mamatay dahil sa kasalanan Babilunya. Udas yi hampay balusan niku siya angay sa kay manga binwat niya.

Isikil 21:28

“Kawu pag anak tawu, sabihi ti manga Amunita magpuya sa Israil aku, ti Panginuun Diyus, magbagaw sa kanda: Handa yi ti baladaw sa pagpanmatay. Pinakinis gid inda hampay kumislap parihu sa kilat.

Huwil 1:15

Malu, arani yi ti sirang pagparusa Panginuun Makamaskihan.

Huwil 2:1

Uypun niyu ti budyung hampay pasandaman ti manga tawu sa Siun, ti banal pag bantud Panginuun. Tanan kamu pag mag-uli sa Huda, takigan kamu sa dala, dahil arani yi gid ti sirang parusahan kamu Panginuun.

Sakaryas 6:6

Ti kalisa pagguyudun manga mabiru pag kabayu atabug sa usa ka rugar sa salatan. Ti kalisa pagguyudun manga malagti pag kabayu atabug sa isalpan. Ag ti kalisa pagguyudun manga buntuk-buntukan pag kabayu atabug sa usa ka rugar sa kanaway.”

Lukas 21:22

Dahil tunda yi ti kaudasan kaparusahan hampay matupad ti tanan manga bagay isinurat sa Banal Kasuratan.

Diyuturunumiyu 32:42

Kang ugyung pumabulus sa kanda manga dugu, ag kang baladaw imaw ti tumigbas sa kanda manga bilug. Magkaramatay sida hanggan ti manga nabiyagan ag manga matakdan. Magkaramatay hanggan kanda manga takinan.’ ”